Asia Cup 2023: ఆసియా కప్ వన్డే ఫార్మాట్లో ఎందుకు? - ప్రపంచకప్ కోసమా? ఇంకేదైనా కారణం ఉందా?
ఆసియా కప్ 2023 ఫార్మాట్ను తిరిగి వన్డేలకు ఎందుకు మార్చారో తెలుసా?
Asia Cup Format: గత సంవత్సరం ఆసియా కప్ టీ20 ఫార్మాట్లో జరిగింది. అయితే ఈసారి ఆసియా కప్ ఫార్మాట్ను మార్చారు. ఆసియా కప్ 2023 మ్యాచ్లు టీ20లో కాకుండా వన్డే ఫార్మాట్లో జరుగుతున్నాయి. అయితే ఈ ఫార్మాట్లో ఎందుకు మార్పు చేశారో తెలుసా? నిజానికి ఆసియా కప్ మొదటి ఎడిషన్ 1984 సంవత్సరంలో జరిగింది. ఈ టోర్నమెంట్ను వన్డే ఫార్మాట్లో ఆడారు.
అయితే గతేడాది జరిగిన టీ20 ప్రపంచకప్ కారణంగా ఆసియాకప్ను టీ20 ఫార్మాట్లోనే నిర్వహించారు. ఆసియా కప్ను టీ20 ఫార్మాట్లో నిర్వహిస్తే వచ్చే టీ20 ప్రపంచకప్లో జట్లకు ప్రయోజనం ఉంటుందని ఆసియా కప్లో ఆడే జట్ల బోర్డులు అభిప్రాయపడ్డాయి. అందుకే ఆ టోర్నమెంట్ను టీ20 ఫార్మాట్లో నిర్వహించారు.
ఈ ఏడాది వన్డే ఫార్మాట్లో ఎందుకు?
ఈ ఏడాది మరోసారి ఆసియా కప్ పాత ఫార్మాట్ లోకి వచ్చింది. అంటే ఆసియా కప్ 2023 మ్యాచ్లు టీ20 ఫార్మాట్లో కాకుండా వన్డే ఫార్మాట్లోనే జరుగుతున్నాయి. దీంతో పాటు ఈ ఏడాది భారత గడ్డపై వన్డే ప్రపంచకప్ను నిర్వహించాల్సి ఉంది. ఈ కారణంగానే టీ20 ఫార్మాట్లో కాకుండా వన్డే ఫార్మాట్లో ఆడేందుకు అన్ని జట్లు ఎక్కువ ప్రాధాన్యత ఇస్తున్నాయి. తద్వారా రాబోయే ప్రపంచకప్కు మరింత మెరుగైన సన్నాహాలు చేయవచ్చు.
పాకిస్తాన్, శ్రీలంకలో మ్యాచ్లు...
ఆసియా కప్ 2023 టోర్నమెంట్ పాకిస్తాన్, శ్రీలంకలో జరగనుంది. శ్రీలంక గడ్డపై భారత జట్టు తన మ్యాచ్లు ఆడనుంది. ఫైనల్ మ్యాచ్ శ్రీలంకలో జరగాల్సి ఉంది. ఆసియాకప్లో భాగంగా తొలి మ్యాచ్ పాకిస్తాన్, నేపాల్ మధ్య జరిగింది. పాకిస్తాన్తో జరిగే మ్యాచ్తో భారత జట్టు తన ప్రస్థానాన్ని ప్రారంభించనుంది. సెప్టెంబర్ 2వ తేదీన భారత్, పాకిస్తాన్ జట్ల మధ్య మ్యాచ్ జరగనుంది. కాగా ఈ టోర్నీ ఫైనల్ మ్యాచ్ సెప్టెంబర్ 17వ తేదీన జరగనుంది.
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
