IND vs END: లండన్‌లో కోహ్లీ సేన స్వాతంత్య్ర వేడుకలు... జెండా ఎగురవేసిన కోహ్లీ

ఇంగ్లండ్‌ పర్యటనలో ఉన్న కోహ్లీ నాయకత్వంలోని భారత క్రికెట్ జట్టు 75 ఏళ్ల స్వాతంత్య్ర వేడుకలను లండన్‌లో ఘనంగా నిర్వహించుకుంది. ఈ సందర్భంగా బ్రిటీష్‌ గడ్డపై త్రివర్ణ పతాకాన్ని ఎగురవేసింది కోహ్లీ సేన. లార్డ్స్‌ వేదికగా భారత్ X ఇంగ్లాండ్ మధ్య రెండో టెస్టు జరుగుతోన్న సంగతి తెలిసిందే. ఈ నేపథ్యంలో ఆటగాళ్లు బస చేసిన హోటల్ వద్ద టీమిండియా స్వాతంత్య్ర వేడుకలు చేసుకుంది. టీమిండియా కెప్టెన్‌ విరాట్‌ కోహ్లీ, కోచ్‌ రవిశాస్త్రి జాతీయ జెండాను ఎగురవేశారు. అనంతరం జట్టు సభ్యులతో కలిసి జాతీయ గీతం ఆలపించారు. ఈ కార్యక్రమంలో జట్టు సభ్యులు, వారి కుటుంబసభ్యులు, ఇతర సిబ్బంది పాల్గొన్నారు. ఆటగాళ్లు స్వాతంత్ర్య వేడుకల్లో పాల్గొన్న వీడియోను బీసీసీఐ తన ట్విటర్ ద్వారా అభిమానులతో పంచుకుంది. 

On the occasion of India's Independence Day, #TeamIndia members came together to hoist the flag 🇮🇳 🙌 pic.twitter.com/TuypNY5hjU

— BCCI (@BCCI) August 15, 2021

వేడుకల్లో పాల్గొన్న పృథ్వీ షా, సూర్యకుమార్‌
శ్రీలంక పర్యటన నుంచి ఇంగ్లండ్‌కు చేరుకున్న పృథ్వీ షా, సూర్యకుమార్‌ యాదవ్‌ ఐసోలేషన్ పూర్తి చేసుకున్నారు. దీంతో వారు కూడా స్వాతంత్ర్య వేడుకల్లో పాల్గొన్నారు. ఐసోలేషన్‌ పూర్తి చేసుకున్న ఈ ఇద్దరు ఆటగాళ్లు ఈ నెల 25 నుంచి 25 నుంచి ప్రారంభమయ్యే మూడవ టెస్ట్‌ సెలెక్షన్స్‌ కోసం అందుబాటులో ఉంటారు. 

ఇక ఇంగ్లండ్‌తో జరుగుతున్న రెండో టెస్టులో నాలుగో రోజు లంచ్ విరామానికి భారత్ 3 వికెట్ల నష్టానికి 56 పరుగులు చేసింది. అంతకుముందు భారత్ తన తొలి ఇన్నింగ్స్‌లో 364 పరుగులకు ఆలౌటైన సంగతి తెలిసిందే. ఇంగ్లాండ్ తన తొలి ఇన్నింగ్స్‌లో 391 పరుగులు చేసింది. ప్రస్తుతం టీమిండియా రెండో ఇన్నింగ్స్‌లో 31 ఓవర్లు ముగిసే సమయానికి 3 వికెట్ల నష్టానికి 61 పరుగులు చేసింది. ప్రస్తుతం క్రీజులో రహానె (3), పుజారా(6) ఉన్నారు. 34 పరుగుల ఆధిక్యంలో ఉంది భారత్.     

That's Lunch on Day 4⃣ of the second #ENGvIND Test at Lord's!#TeamIndia move to 56/3 & lead England by 29 runs. @cheteshwar1 3*@ajinkyarahane88 1*

We will be back for the second session soon.

Scorecard 👉 https://t.co/KGM2YELLde pic.twitter.com/AKhiyOSPBH

— BCCI (@BCCI) August 15, 2021