Vehicles of the Gods: దేవతల వాహనాలను ఆధునిక టెక్నాలజీతో ముడిపెడితే! ఆశ్చర్యపరిచే రహస్యాలు! eVTOL, AVATAR ఇంకా...

Vehicles of the Hindu Gods: పురాణాల్లో దేవతలు, రాక్షసులు ఉపయోగించిన వాహనాలు ఇంట్రెస్టింగ్ అనిపిస్తాయ్. అలాంటి వాహనాలను ఆధునిక కాలంలో వాహనాలతో ముడిపెట్టి చూస్తే... ఏ వాహనం దేనికి లింక్ చేయొచ్చు?

The vehicles of the gods and goddesses

Source : https://in.pinterest.com/pin/110127153387503668/

 Vehicles in mythology : పురాణాల్లో దేవతలు, రాక్షసులు ఉపయోగించిన వాహనాలు చాలా ఆసక్తికరంగా ఉంటాయ్. ఇవి కేవలం దివ్య వాహనాలుగానే కాదు ఆధునిక కాలంలోనూ కొన్ని టెక్నాలజీలతో లింక్ చేసి చర్చించేలా ఉంటాయ్. విమానాలు, డ్రోన్లు, రాకెట్లు, యాంటీ గ్రావిటీ కాన్సెప్ట్ తో లింక్ చేసి పోల్చుతుంటారు. అలాంటి వాహనాల గురించి తెలుసుకుందాం..

పుష్పక విమానం (Pushpaka Vimana)

పుష్పక విమానం గురించి పురాణాల్లో చాలా సందర్భాల్లో ప్రస్తావన ఉంటుంది. ఈ వాహనం మొదట కుబేరుడిది..తన వద్ద నుంచి రావణుడు లాక్కున్నాడు. రావణ సంహారం తర్వాత ఆ పుష్పకవిమానంలోనే విభీషణుడు...సీతారామలక్ష్మణులను అయోధ్యకు తీసుకొచ్చాడని చెబుతారు. పుష్పకవిమానం లక్షణం ఏంటంటే.. మనసులో తలుచుకున్న ప్రదేశానికి తీసుకెళుతుంది, ఎంతమంది కూర్చున్నా మరొకరు కూర్చునేందుకు చోటు ఉంటుంది. సూర్య భగవానుడిలా కాంతివంతంగా వెలుగుతుంది..గాల్లో ఎగురుతుంది.. ఇంద్రజాలం లాంటి గదులు, తోటలు కూడా ఉంటాయట ఈ విమానంలో. 
 
ఆధునిక కాలంలో వాహనంతో లింక్ చేసి చూస్తే.. AI-controlled, స్కేలబుల్ ఫ్లయింగ్ ప్యాలెస్ లేదా eVTOL (electric Vertical Take-off and Landing) ఏర్‌క్రాఫ్ట్‌లను దీనితో పోల్చుతున్నారు.  

విమాన శాస్త్రం (Vaimanika Shastra)

1918–1923 మధ్య  భారద్వాజ మహర్షి పేరుతో ప్రచురితమైన గ్రంధం విమాన శాస్త్రం. ఇది ప్రాచీనమైనదా, 20వ శతాబ్ధంలోనే రాశారా అనే వివాదం ఉంది. ఇందులో మొత్తం 8 అధ్యాయాలుంటాయ్. వెయ్యికి పైగా శ్లోకాలున్న ఈ గ్రంధంలో 32 రకాల విమానాలకు సంబంధించిన రహస్యాలు చెప్పినట్టు ఉంది. 3 అంతస్థులు ఉండే త్రిపురవిమానం, పక్షిఆకారంలో ఉండే శకున విమానం, రుక్మ విమానం, సుందర విమానం..ఇలా 32 రకాల విమానాల గురించి ఉంది. 
 
రౌప్యం, లోహం, అదృశ్య దర్పణం , పారద ధార లాంటి ధాతువులు ఉపయోగించి తయారు చేస్తారు. ఆధునిక కాలంలో ఈ వాహానాన్ని ముడిపెడుతూ.. NASA శాస్త్రవేత్తలు కొందరు మెర్క్యురీ వోర్టెక్స్ ఇంజన్ గురించి పరిశోధన చేసిన విషయం చెప్పుకోవచ్చు. ఇప్పటివరకూ ఏదీ  ప్రాక్టికల్‌గా రుజువు కాలేదు.

పురాణాల్లో ఇతర ముఖ్యమైన వాహనాలు - ఆధునిక వాహనాలతో లింకులు
 
సూర్యుడు నడిపే రథం... ఒకే చక్రం, ఏడు గుర్రాలు..ఆకాశంలో తిరుగుతుంది.. ఇది సౌర వ్యవస్థ మోడల్ (Heliocentric model)

ఇంద్రుని ఐరావత రథం.. గజేంద్ర మోక్షం సమయంలో విమానంలా ఎగిరింది.. బహుళ-ఇంజన్ హెవీ-లిఫ్ట్ ఏర్‌క్రాఫ్ట్

సాల్వుడి సౌభ విమానం..గాల్లో అదృశ్యం అయ్యే ఈ విమానం ఎక్కడికైనా వెళుతుంది..Stealth aircraft + teleportation concept

మాయాసురుడు నిర్మించిన త్రిపురాసురుల త్రిపురాలు..ఈ మూడు లోహ నగరాలు గాల్లో తేలుతాయి.. Space stations / Orbital cities concept ఈ కోవకే చెందుతుందంటారు

రావణుడి డండక రథం... గాండీవ ధనస్సుతో కూడా ఇది కదలదు..దీనికి ఆధునిక లింక్ అంటే Super-heavy armoured vehicle

ప్రస్తుతం నిజంగా ఇలాంటివి ఏమైనా ఉన్నాయా అంటే అధికారికంగా యాంటీ గ్రావిటీ లేదా మెర్క్యురీ ఇంజిన్ ఆధారిత విమానాలు ఏవీ రుజువు కాలేదు. కానీ కొన్ని ఇంట్రెస్టింగ్ ప్రాజెక్టులున్నాయ్. 

USA యొక్క TR-3B Astra (అష్టకోన ఆకారం, యాంటీ-గ్రావిటీ అని రూమర్) 

ఇండియాలో AVATAR (Aerobic Vehicle for Transatmospheric Hypersonic Aerospace Transportation) – ఒకే వాహనంలో టేకాఫ్, స్పేస్‌కి వెళ్ళి తిరిగి రాగలదు (ISRO పాత ప్రాజెక్ట్).

ఇ-విటాల్ (eVTOL) ఫ్లయింగ్ టాక్సీలు – ఉదా: లిలియం జెట్, జాబీ ఏవియేషన్ – పుష్పక విమానం లాగా సిటీ నుంచి సిటీకి వెళ్ళే కాన్సెప్ట్.

పురాణాల్లో వర్ణించిన వాహనాలు చాలావరకు మనస్సుతో నడిచే, గురుత్వాకర్షణను ఢీ కొట్టే, స్వయంచాలక వ్యవస్థలు. ఇవి ఆధునిక UFO సైటింగ్స్, సీక్రెట్ మిలిటరీ ఏర్‌క్రాఫ్ట్, లేదా భవిష్యత్ టెక్నాలజీలతో ఎప్పుడో  అప్పుడు మ్యాచ్ అవుతాయన్నది చాలామంది ఆశ.. నిజమవుతుందో లేదో చూడాలి..

గమనిక: ఇక్కడ అందించిన సమాచారం నమ్మకాలు ఆధారంగా సేకరించి అందించిన సమాచారం మాత్రమే. ఇక్కడ ABPదేశం ఏదైనా నమ్మకం లేదా సమాచారాన్ని ధృవీకరించదని చెప్పడం ముఖ్యం. ఏదైనా సమాచారం లేదా నమ్మకాన్ని అమలు చేయడానికి ముందు, సంబంధిత నిపుణుడిని సంప్రదించండి.

మరిన్ని చదవండి

9, 18, 27 తేదీల్లో పుట్టినవారికి 2026 సంవత్సరం ఎలా ఉంటుంది? పొందే లాభం , తీసుకోవాల్సిన జాగ్రత్తలు ఇవే!

ఫ్రిజ్ పైన ఈ వస్తువులను ఉంచవద్దు! తీవ్రమైన వాస్తు దోషం ఏర్పడుతుంది, సంపద నిలిచిపోతుంది!