Vastu Tips In Telugu: వీధిపోటు ఈ దిశగా ఉంటే ఆస్తి నష్టం, కోర్టు కేసులు - ఆ 4 దిశల్లో ఉంటే ఆయుష్షు, ఐశ్వర్యం!

Vastu Tips In Telugu: వీధి పోటులో చాలా రకాలున్నాయి. చాలా వరకు వీధిపోట్ల వల్ల ఇబ్బందులు తలెత్తితే, మరికొన్ని రకాల వీధి పోట్లు వల్ల శుభఫలితాలుంటాయి. ఏ వైపు ఉంటే మంచిది ఏ వైపు ఉంటే వీధిపోటు మంచిదికాదో చూద్దాం

వీధిపోటు అంటే
వీధిలో వెళ్లేవారి అందరి దృష్టీ ఆ  ఇంటిపై పడేలా నిర్మాణం ఉంటే దాన్ని వీధి పోటు అంటారు. కొన్ని వీధిపోట్లు అక్కడకవరకూ వచ్చి నిలిచిపోతుంటే.. మరికొన్ని అక్కడి వరకూ వచ్చి పక్కకు తిరుగుతాయి. మరికొన్ని స్థలం మూలల్ని తాకుతూ ముందుకు పోతాయి. వీటిలో ఏ దిక్కున వీధిపోటు ఉంటే మంచిది, ఏ దిక్కున ఉంటే మంచిది కాదో చూద్దాం..

Also Read: మీ నక్షత్రం ప్రకారం మీ వాహనం( టూ వీలర్ or ఫోర్ వీలర్) ఏ రంగు ఉండాలో తెలుసా!

ఈ నాలుగు దిక్కులవైపు వీధిపోటు ఉంటే మంచిది
ప్రతి దిక్కుని మూడు భాగాలు చేయాలి- దిగువ పక్క మూడో భాగంలో వచ్చే రోడ్డు పోటు మంచిది

• తూర్పు వైపు - తూర్పుఈశాన్యం
• ఉత్తరం- ఉత్తర ఈశాన్యం
• పడమర- పడమర వాయువ్యం
• దక్షిణం- దక్షిణ ఆగ్నేయం

ఈ రోడ్డు పోటు మంచిదే. అయితే ఇంటి ఎంట్రన్స్ కి కాకుండా బాల్కనీకి, ఖాళీజాగాకు వస్తే మంచిదే.

వీధి పోటు ఎటు ఉంటే ఎలాంటి ఫలితం ఉంటుందంటే

తూర్పు వైపు రోడ్డు పోటు

• తూర్పువైపు ఉంటే - మనశ్సాంతి ఉండదు
• తూర్పు ఆగ్నేయం- ఆ ఇంట ఇల్లాలి ఆరోగ్యం చెడిపోతుంది, మనశ్సాంతి ఉండదు
• తూర్పు ఈశాన్యం- మనశ్సాంతి, ఐశ్వర్యం

దక్షిణం వైపు రోడ్డు పోటు

• దక్షిణం- యజమానికి మరణం, ఇంట్లో ఉన్న మగపిల్లాడికి మరణం
• దక్షిణ ఆగ్నేయం- ఇంట్లో అందరి ఆరోగ్యం బావుంటుంది
• దక్షిణ నైరుతి- వారసులు బతికి ఉండరు

Also Read: వాస్తు ప్రకారం ఈ దిశలో ప్రహరీగోడ కూలితే పరిణామాలు చాలా తీవ్రంగా ఉంటాయి!

పడమర వైపు రోడ్డు పోటు

• పడమర- దంపతుల మధ్య కలహాలు, విడిపోతారు, అవివాహితులకు పెళ్లిళ్లు కావు
• పడమర నైరుతి -అప్పుల పాలు
• పడమర వాయువ్యం- రాజయోగం, రాజకీయ నాయకులకు మంచిది

ఉత్తరం వైపు రోడ్డు పోటు

• ఉత్తర వాయువ్యం- ఇంట్లో నిత్యం కలహాలు
• ఉత్తరం- ఆస్తి నష్టం, కోర్టు కేసులు
• ఉత్తర ఈశాన్యం- యజమానికి ఆయుష్షు పెరుగుతుంది, ఇంట్లో మనశ్సాంతి ఉంటుంది. 

రోడ్డు పోటుని ఎలా గుర్తించాలి

• రోడ్డు ఇంటికి అభిముఖంగా వచ్చి తగలడాన్ని రోడ్డు పోటు అంటారు
• రోడ్డు పోటు వచ్చిన రహదారి వెడల్పు కన్నా మధ్యలో ఇంకో పెద్ద రోడ్డు ఉంటే ఆ రోడ్డు పోటు ప్రభావం ఉండదు
• ఆ రోడ్డు నుంచి చాలా ఎక్కువ మంది వెళ్లడం వల్ల వారి చూపు, ఆ ఇంటిపై పడి ఆ ఇంటి లక్ష్మీస్థానానికి యజమాని దూరమవుతాడు. అందుకే రోడ్డు పోటు ఉండకూడదు అంటారు.
• రోడ్డు పోటు వల్ల ఇబ్బందులు తొలగాలంటే..రోడ్డు పోటుకి అభిముఖంగా వినాయక విగ్రహం పెట్టాలి. వాస్తు పూజలు చేయించాలి.

గమనిక: వివిధ శాస్త్రాలు, గ్రంథాలు, పండితులు పేర్కొన్న కొన్ని ఆధ్యాత్మిక అంశాలు, పరిష్కారాలను ఇక్కడ యథావిధిగా అందించాం. ఇందులో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ బాధ్యత వహించదని గమనించగలరు.