వైశాఖ అమావాస్య రోజున గ్రహణం - ఈ రాశుల వారు జాగ్రత్తగా ఉండాలి
గ్రహణాలు ప్రతి ఏటా జరిగే ఖగోళ సంఘటనలే. కానీ హిందూ పంచాంగాలు, సనాతన జ్యోతిష శాస్త్రంలో రకరకాల గణాంకాల ద్వారా గ్రహణ ఫలితాలు మానవ జీవితం మీద చూపే ప్రభావాలను వివరిస్తాయి.
శాస్త్ర ప్రకారం పౌర్ణమికే కాదు అమావాస్యకు కూడా చాలా ప్రాముఖ్యత ఉంటుంది. అమావాస్య రోజున పితృదేవతలను ఆరాధిస్తే వారి ఆశీస్సులు లభిస్తాయని నమ్మకం. గ్రహబాధలు తొలగిపోతాయని విశ్వాసం. ఈ సంవత్సరం ఏప్రిల్ 20న గురువారం వైశాఖ అమావాస్య వస్తోంది. ఈ అమావాస్య రోజున సూర్యగ్రహణం కూడా జరుగుతోంది. అలాగే కొన్ని అరుదుగా జరిగే కొన్ని గ్రహాల కలయిక కూడా జరుగుతోందని పండితులు చెబుతున్నారు. అందుకే ఈ సారీ వైశాఖ అమావాస్య చాలా విశిష్టమైందిగా అభివర్ణిస్తున్నారు. ఆ వైశిష్ట్యం ఏమిటి? ఎవరి మీద ఎలాంటి ప్రభావాలు ఉంటాయో ఒకసారి తెలుసుకుందాం.
ఏప్రిల్ 20వ తేదిన ఉదయం 7.05 నిమిషాలకు ప్రారంభమై మధ్యాహ్నం 12.29 గంటలకు ముగుస్తుంది. అంటే దాదాపు 5 గంటల 25 నిమిషాల పాటు ఉంటుంది. మనదేశంలో సూర్యగ్రహణం కనిపించదు కనుక సూతక కాలం మనకు వర్తించదని పండితులు స్పష్టం చేస్తున్నారు.
ఎన్నో యోగాలు
ఈ ఏడాది వైశాఖ అమావాస్య నాడు సర్వార్థ సిద్ధి ప్రీతి యోగం ఏర్పడుతుంది. దీనితో పాటు అదే రోజున శని జయంతి కూడా. అంతేకాదు ఈ సంవత్సరం ఏర్పడుతున్న మొదటి సూర్యగ్రహణం కూడా. అయితే ఇది మన దేశంలో కనిపించదని శాస్త్రవేత్తలు చేబుతున్నారు. కానీ ఈ రోజున జరుగుతున్న రకరకాల సంయోగాల వల్ల ఈ రోజు ప్రత్యేకతను సంతరించుకుంది. ఈ రోజున కొన్ని ప్రత్యేక పరిహారాలు చేసుకోవడం వల్ల జీవితంలో ఎదుర్కొంటున్న అన్ని అడ్డంకులు తొలగిపోతాయని పండితులు చెబుతున్నారు.
ఏం చెయ్యాలి?
- వైశాఖ అమావాస్య నాడు స్నానం చేసే నీటిలో కొన్ని నువ్వులు వేసుకుని స్నానం చెయ్యాలి. ఇది శని దోషాలకు పరిహారంగా పనిచేస్తుంది.
- పితృదేవతారాధన, శ్రాద్ధాం, పిండదానం, తర్పణం చేస్తే జాతకంలో ఉన్న పితృదోషాలు తొలగి పోతాయి.
- ఈ రోజు శివారాధన, శివాభిషేకం, శివస్తోత్ర పారాయణం చేస్తే కాలసర్ప దోషం తొలగిపోతుంది.
- ఏటినాటి శనివల్ల కష్టాలు అనుభవిస్తున్న వారు పొద్దునే రావి, మర్రి చెట్లకు నీళ్ల పోసి ప్రదక్షిణ చేసుకోవాలి. సాయంత్రం ప్రదోషవేళ ఈ చెట్ల కింద నేతిదీపం వెలిగిస్తే ఏలినాటి శని బాధలు కొంత ఉపశమిస్తాయి.
చెయ్యకూడని పనులు
- వైశాఖ అమావాస్య నాడు శుభకార్యాలు చెయ్యకూడదు.
- కొత్త వస్తువులు ఇంటికి తెచ్చుకోవడం, షాపింగ్ చెయ్యకూడదు.
- గ్రహణం ఉన్నందున కొత్త పనులేవీ ప్రారంభించకూడదు.
- శని పూజ చేసుకుంటారు కనుక ఈ రోజున మినుములతో చేసిన ఏ వంటకం కూడా తినకూడదు. మినుములు ఈ రోజు ఆహారంలో వినియోగిస్తే శని పూజాఫలం దక్కదు.
- ఈ గ్రహణం మన దేశంలో కనిపించనందున సూతక కాలం వర్తించదు కానీ గ్రహణ ప్రభావం రాశీ చక్రంలోని 4 రాశులపై వ్యతిరేక ప్రభావం చూపనుందని జ్యోతిషం చెబుతోంది.
- వృశ్చిక రాశి – ఆరోగ్య సమస్యలు, ఆర్థిక సమస్యలు, ఖర్చులు అధికం, పనులు నిలిచిపోతాయి
మకర రాశి- ఈ రాశిలోనే సూర్యగ్రహణం ఏర్పడుతోంది కనుక వీరికి రకరకాల సమస్యలు రావచ్చు. పనిచేసే చోట ఇబ్బంది, ఖర్చులు పెరిగిపోతాయి.ఆర్థిక ఇంబందులు, జీవిత భాగస్వామితో విబేధాలు
- మేషరాశి – కలహాలు, సోదర సదరుల మధ్య విబేధాలు, ఆరోగ్య సంబంధ సమస్యలు
- కన్యా రాశి- దుర్ఘటనలు జరగవచ్చు, వాహనాలు నడిపేసమయంలో జాగ్రత్త అవసరం. మానసిక ఒత్తిడి, నిర్ణయాలు చేసేముందు జాగ్రత్త అవసరం.
టాప్ హెడ్ లైన్స్
ట్రెండింగ్ వార్తలు
