ఈ రోజు ( సెప్టెంబర్ 17) ఇంజనీర్లు, ఆర్కిటెక్ట్‌లు, శిల్పులకు ఎందుకు ప్రత్యేకం?

Vishwakarma puja 2025: విశ్వకర్మ పూజ 2025 సెప్టెంబర్ 17న వచ్చింది. ఇంజనీర్లు, కళాకారులకు ఈ రోజు ప్రత్యేకమైనది. కన్యా సంక్రాంతి కూడా ఇదే రోజున వస్తుంది.

Vishwakarma puja 2025

సూర్య దేవుడు కన్యా రాశిలో ప్రవేశించినప్పుడు కన్యా సంక్రాంతి జరుపుకుంటారు. ఇదే రోజు విశ్వకర్మ జయంతి కూడా జరుపుకుంటారు. ఈ ఏడాది విశ్వకర్మ జయంతి సెప్టెంబర్ 17 బుధవారం వచ్చింది. ఈ రోజు కార్యాలయానికి సంబంధించిన పరికరాలను, విశ్వకర్మ భగవానుడిని పూజిస్తారు.

హిందూ ధర్మంలో, భగవాన్ విశ్వకర్మను సృష్టికి మొదటి శిల్పి ,వాస్తుశిల్పిగా భావిస్తారు. ఆయనను నిర్మాణం, వాస్తుశిల్పం, శిల్పకళ, సాంకేతిక నైపుణ్యాల దేవుడిగా పరిగణిస్తారు. అందువల్ల విశ్వకర్మ పూజ రోజును శిల్పులు, ఇంజనీర్లు, కళాకారులు సాంకేతిక రంగంలో పనిచేసే వ్యక్తులకు ప్రత్యేకంగా భావిస్తారు.

విశ్వకర్మ.. స్వర్గలోకం, పుష్పక విమానం, ద్వారకా నగరం లాంటి నిర్మాణాలను చేశారు. ఆయన నిర్మించిన భవనాలు అందంగా, కళాత్మకంగా, మన్నికగా ఉంటాయి

పురాణాల ప్రకారం విశ్వకర్మను బ్రహ్మ మానస పుత్రుడిగా, సృష్టి ప్రధాన వాస్తుశిల్పిగా , పంచదేవులలో ఒకరిగా భావిస్తారు.

విశ్వకర్మ జయంతి రోజున ఫ్యాక్టరీలు, వర్క్ షాపులు , పరిశ్రమల్లో వడ్రంగి నుంచి స్వర్ణకారుడు, కమ్మరి, మేస్త్రి, శిల్పి, యంత్రాల పనివారు , కర్మాగారాలలో పనిచేసే వారు పూజలు చేస్తారు.

విశ్వకర్మ జయంతి నాడు తమ పనిముట్లను, యంత్రాలను మరియు కార్యాలయాలను శుభ్రం చేసి, విశ్వకర్మ భగవానుడిని విధిగా పూజించే వారికి పనిలో విజయం లభిస్తుందని నమ్మకం