Bank of Baroda Jobs: బ్యాంక్ ఆఫ్ బరోడాలో 2500 ఉద్యోగాల భర్తీ- దరఖాస్తు ప్రక్రియ ప్రారంభం

Bank of Baroda Jobs: బ్యాంకింగ్ రంగంలో ఉద్యోగం కోసం చూస్తున్న యువతకు శుభవార్త. బ్యాంక్ ఆఫ్ బరోడా 2500 పోస్టుల భర్తీకి నోటిఫికేషన్ విడుదల చేసింది.

బ్యాంకు ఆఫ్‌ బరోడాలో ఉద్యోగాల భర్తీకి దరఖాస్తు ప్రక్రియ ప్రారంభమైంది

ఈ నియామకానికి దరఖాస్తు చేయడానికి అభ్యర్థి తప్పనిసరిగా భారతదేశంలోని గుర్తింపు పొందిన విశ్వవిద్యాలయం నుంచి గ్రాడ్యుయేషన్ డిగ్రీ కలిగి ఉండాలి. అదనంగా అభ్యర్థి ఏదైనా వాణిజ్య బ్యాంకు లేదా ప్రాంతీయ గ్రామీణ బ్యాంకులో కనీసం ఒక సంవత్సరం పని చేసిన అనుభవం కలిగి ఉండాలి.

వయోపరిమితి గురించి మాట్లాడితే, అభ్యర్థికి కనీస వయస్సు 18 సంవత్సరాలు ఉండాలి. గరిష్టంగా 30 సంవత్సరాలు ఉండాలి. అయితే రిజర్వ్ చేసిన కేటగిరీ అభ్యర్థులకు నిబంధనల ప్రకారం సడలింపు లభిస్తుంది. SC, ST వర్గానికి 5 ఏళ్లు, OBC వర్గానికి 3 సంవత్సరాల సడలింపు లభిస్తుంది.

దరఖాస్తు చేసేందుకు ఫీజు చెల్లించాలి. ఓసీలు, ఓబిసి, EWS వర్గాల అభ్యర్థులకు దరఖాస్తు రుసుము 850 రూపాయలు చెల్లించాలి. అయితే షెడ్యూల్డ్ కులాలు, షెడ్యూల్డ్ తెగలు, మహిళా అభ్యర్థులు 175 రూపాయలు చెల్లించాలి.

ఎంపిక ప్రక్రియ గురించి మాట్లాడితే అభ్యర్థులను మూడు దశల్లో వడపోస్తారు. మొదటి దశలో రాత పరీక్ష ఉంటుంది, ఇందులో ఆంగ్లం, బ్యాంకింగ్ అవగాహన, జనరల్ నాలెడ్జ్‌, రీజనింగ్, క్వాంటిటేటివ్ ఆప్టిట్యూడ్ వంటి అంశాల నుంచి 120 ప్రశ్నలు అడుగుతారు. పరీక్ష కాలవ్యవధి 2 గంటలు ఉంటుంది.

రెండో దశలో అభ్యర్థి మానసిక సామర్థ్యం, వృత్తిపరమైన ఆలోచనను పరీక్షించడానికి సైకోమెట్రిక్ పరీక్ష నిర్వహిస్తారు. చివరగా ఇంటర్వ్యూ లేదా గ్రూప్ డిస్కషన్ ద్వారా తుది ఎంపిక జరుగుతుంది.