Tollywood: రూ.100 కోట్లు కాదు.. 'అంతకుమించి'!

mega

ఒకప్పుడు టాలీవుడ్ సినిమాలు వంద కోట్లు కలెక్ట్ చేశాయంటే విశేషంగా చెప్పుకునేవారు. కానీ ఈ మధ్యకాలంలో వంద కోట్లు మార్క్ అనేది చాలా ఈజీగా దాటేస్తున్నారు. ప్రభాస్ తన సినిమాకే వంద కోట్లు రెమ్యునరేషన్ గా తీసుకుంటున్నాడంటే ఇక సినిమా బడ్జెట్, దాని కలెక్షన్స్ ఏ రేంజ్ లో ఉంటాయో చెప్పనక్కర్లేదు. ఇప్పుడు ప్రభాస్ సినిమాలను పక్కన పెడితే.. టాలీవుడ్ లో వంద కోట్లు సంపాదించే స్టామినా ఉన్న సినిమాలేవో ఇప్పుడు చూద్దాం!

ఆచార్య : మెగాస్టార్ చిరంజీవి-కొరటాల శివ కాంబినేషన్ లో తెరకెక్కుతోన్న ఈ సినిమా షూటింగ్ దశలో ఉంది. వీలైనంత త్వరగా షూటింగ్ పూర్తి చేసి దసరాకు సినిమాను విడుదల చేయాలనుకుంటున్నారు. ఈ సినిమా బాక్సాఫీస్ వద్ద రికార్డులు సృష్టించడం ఖాయమని అభిమానులు నమ్ముతున్నారు. చిరు, కొరటాల ట్రాక్ రికార్డ్స్ చూస్తే ఈ సినిమా పక్కా పైసా వసూల్ అనే అనిపిస్తుంది.

అఖండ : 'సింహ', 'లెజెండ్' లాంటి సినిమాల తరువాత బాలయ్య-బోయపాటి కాంబినేషన్ లో వస్తోన్న సినిమా ఇది. ఈ ఒక్క హైప్ తోనే సినిమా వంద కోట్ల మార్క్ అందుకోవడం ఖాయం.

సర్కారు వారి పాట : సూపర్ స్టార్ మహేష్ బాబు - పరశురామ్ కాంబినేషన్ లో తెరకెక్కుతోన్న ఈ సినిమాపై భారీ అంచనాలు నెలకొన్నాయి. గతంలో పరశురామ్ డైరెక్ట్ చేసిన 'గీత గోవిందం' సినిమా వంద కోట్ల క్లబ్ లో చేరింది. ఈసారి మహేష్ బాబుతో సినిమా తీస్తున్నారంటే ఏ రేంజ్ లో ఉంటుందో చెప్పనక్కర్లేదు.

లైగర్ : యంగ్ సెన్సేషనల్ హీరో విజయ్ దేవరకొండ నటిస్తోన్న ఈ పాన్ ఇండియా సినిమాపై అంచనాలు ఓ రేంజ్ లో ఉంది. ఇప్పటికే వంద కోట్ల క్లబ్ లో చేరిన విజయ్.. ఈసారి అంతకుమించిన రికార్డులు సృష్టించడం ఖాయం.

నారప్ప : వెంకీ నటిస్తోన్న ఈ సినిమాపై మంచి అంచనాలు ఏర్పడ్డాయి. కానీ ఇప్పుడు ఈ సినిమాను ఓటీటీలో రిలీజ్ చేస్తారని అంటున్నారు. అలా కాకుండా ఈ సినిమా కూడా థియేటర్ లోకి వస్తే వంద కోట్ల మార్క్ ఈజీగా అందుకుంటుంది.

పుష్ప : 'అల వైకుంఠపురంలో' సినిమాతో నాన్ బాహుబలి రికార్డులు కొల్లగొట్టిన బన్నీ ఈసారి పాన్ ఇండియా సినిమా చేస్తున్నారు. ఈ సినిమా వంద నుండి ఐదు వంద కోట్ల వరకు వసూళ్లు రాబడుతుందని అంచనా వేస్తున్నారు.

హరిహర వీరమల్లు : క్రిష్-పవన్ కాంబినేషన్ లో వస్తోన్న పాన్ ఇండియా ప్రాజెక్ట్ ఇది. రీసెంట్ గా చిన్న టీజర్ వదిలి సినిమాపై అంచనాలను మరింత పెంచేశాడు క్రిష్. ఈ సినిమా వంద కోట్లకు మించి వసూలు చేస్తుందనడంలో ఎలాంటి సందేహం లేదు.

ఆర్ఆర్ఆర్ : జక్కన్న రూపొందిస్తోన్న ఈ సినిమా గురించి ప్రత్యేకంగా చెప్పనక్కర్లేదు. ఇది ఎన్ని కోట్లు వసూలు చేస్తుందనేది మన ఊహకు కూడా అందదు.

టక్ జగదీష్ : సాధారణంగా నాని సినిమాలు యాభై కోట్ల మార్క్ ను ఈజీగా దాటేస్తాయి. అయితే ఈసారి మాత్రం నాని వంద కోట్ల మార్క్ అందుకోవడం ఖాయమని అంటున్నారు. శివ నిర్వాణ డైరెక్ట్ చేస్తోన్న ఈ సినిమా ఫ్యాన్స్ కు ఫుల్ మీల్స్ అని.. బాక్సాఫీస్ వద్ద ఈ సినిమా భారీ కలెక్షన్స్ వసూలు చేస్తుందని అంటున్నారు.