పెళ్లికి ముందు గుడికి వెళ్లిన రకుల్, జాకీ

పెళ్లికి ముందు రకుల్ ప్రీత్ సింగ్, జాకీ భగ్నానీ సిద్ధి వినాయకుడి ఆలయంలో కనిపించారు.

రకుల్ ప్రీత్ సింగ్, జాకీ భగ్నానీ

ప్రముఖ నటి రకుల్ ప్రీత్ సింగ్ త్వరలో పెళ్లి పీటలు ఎక్కనున్నారు. బాలీవుడ్ హీరో జాకీ భగ్నానీని రకుల్ వివాహం చేసుకోనున్నారు. బాలీవుడ్ బడా ప్రొడ్యూస్ వషు భగ్నానీ కుమారుడే ఈ జాకీ భగ్నానీ.

వీరిద్దరూ ఎన్నో సంవత్సరాల నుంచి రిలేషన్ షిప్‌లో ఉన్నట్లు తెలుస్తోంది. కానీ మీడియా దృష్టిలో పడకుండా చాలా జాగ్రత్త పడ్డారు.

2009లో వచ్చిన ‘కల్ కిస్నే దేఖా’ సినిమాతో జాకీ ఇండస్ట్రీలో ఎంట్రీ ఇచ్చారు. ఆ తర్వాత హీరోగా కొన్ని సినిమాల్లో నటించినా అవి పెద్దగా సక్సెస్ కాలేదు.

ఇప్పుడు ప్రొడక్షన్ మీద దృష్టి పెట్టారు. త్వరలో విడుదల కానున్న క్రేజీ ప్రాజెక్టు ‘బడే మియా చోటే మియా’కు కూడా జాకీ భగ్నానీనే ప్రొడ్యూసర్.

2022లో తమిళ సినిమా ‘రాక్షసన్’ను హిందీలో ‘కట్‌పుట్లీ’ పేరుతో రీమేక్ చేశారు. అక్షయ్ కుమార్ హీరోగా నటించిన ఈ సినిమాలో రకుల్ ప్రీత్ సింగ్ హీరోయిన్‌గా కనిపించారు.

ఈ సినిమాను జాకీ భగ్నానీనే నిర్మించారు. డిస్నీప్లస్ హాట్‌స్టార్ ఓటీటీలో విడుదల అయిన ఈ సినిమా ప్రేక్షకులను ఆకట్టుకోలేకపోయింది.