Bhale Unnade New Release Date: రాజ్ తరుణ్ కొత్త సినిమా విడుదల... ఆరు రోజులు వెనక్కి, వినాయక చవితికి రావట్లేదండోయ్

Bhale Unnade Release Postponed: యువ హీరో రాజ్ తరుణ్ కొత్త సినిమా 'భలే ఉన్నాడే' విడుదల వాయిదా పడింది. తొలుత వినాయక చవితి సందర్భంగా సెప్టెంబర్ 7న ప్రేక్షకుల ముందుకు తీసుకు రావాలని అనుకున్నా కుదరడం లేదు.

'భలే ఉన్నాడే'లో రాజ్ తరుణ్, మనీషా కంద్కూర్

Raj Tarun New Movie Release Date: యువ కథానాయకుడు రాజ్ తరుణ్ నటించిన కొత్త సినిమా 'భలే ఉన్నాడే'. దీనికి జె శివ సాయి వర్ధన్ దర్శకుడు. రవికిరణ్ ఆర్ట్స్ పతాకం మీద ఎన్‌.వి. కిరణ్ కుమార్ నిర్మించారు. ఇప్పటికే విడుదల చేసిన పాటలు, ప్రచార చిత్రాలకు మంచి పేరు వచ్చింది. అయితే... ఇప్పుడు కొత్త విడుదల తేదీ వెల్లడించారు. 

వినాయక చవితి కానుకగా సెప్టెంబర్ 7న 'భలే ఉన్నాడే' సినిమాను విడుదల చేయాలని ప్లాన్ చేశారు. అయితే... అనివార్య కారణాల వల్ల విడుదల వాయిదా వేసినట్టు దర్శక నిర్మాతలు తెలిపారు. ముందుగా అనుకున్న తేదీ కంటే ఆరు రోజులు ఆలస్యంగా సెప్టెంబర్ 13న ప్రపంచవ్యాప్తంగా భారీ ఎత్తున చిత్రాన్ని విడుదల చేస్తామన్నారు.