Premaku Jai Movie: పల్లెటూరిలో జరిగిన వాస్తవ సంఘటనలతో 'ప్రేమకు జై'... రిలీజ్‌కు రెడీ

Premaku Jai Movie Pre Release Event: అనిల్ బురగాని, ఆర్. జ్వలిత జంటగా నటించిన సినిమా 'ప్రేమకు జై'. శ్రీనివాస్ మల్లం దర్శకత్వంలో అనసూర్య నిర్మించారు. విడుదలకు సినిమా రెడీ అయ్యింది. 

పల్లెటూరి 'ప్రేమకు జై' అని ప్రేక్షకులు అంటరాని ఆశిస్తూ...

అనిల్ బురగాని, ఆర్. జ్వలిత హీరో హీరోయిన్లుగా నటించిన సినిమా 'ప్రేమకు జై'. శ్రీనివాస్ మల్లం దర్శకత్వం వహించారు. ఈశ్వర పరమేశ్వర క్రియేషన్స్ పతాకం మీద అనసూర్య నిర్మించారు. ఇటీవల హైదరాబాద్ సిటీలో ప్రీ రిలీజ్ ఈవెంట్ జరిగింది. 

'ప్రేమకు జై' దర్శకుడు మల్లం శ్రీనివాస్ మాట్లాడుతూ... ''పల్లెటూరి నేపథ్యంలో వాస్తవంగా జరిగిన ఓ సంఘటన ఆధారంగా ఈ సినిమా తెరకెక్కించాం. మా హీరో హీరోయిన్లు అనిల్ బురగాని, జ్వలిత బాగా చేశారు. మా టీం అందరి కృషి వల్ల ఈ సినిమా ఇంత బాగా వచ్చింది. క్వాలిటీ విషయంలో నిర్మాత రాజీ పడలేదు. ఎంతో సహకరించారు. ప్రేక్షకులు మా సినిమాను ఆదరించాలని కోరుకుంటున్నాం" అని అన్నారు.