Mrunal Thakur - Kalki 2898 AD: ఒక్క నిమిషం కూడా ఆలోచించలేదు - 'కల్కి 2898 ఏడీ' గురించి మృణాల్ ఠాకూర్

'సీతా రామం'తో తెలుగులో అభిమానుల్ని సొంతం చేసుకున్న ఉత్తరాది అందాల భామ మృణాల్ ఠాకూర్. లేటెస్ట్ హిట్ 'కల్కి 2898 ఏడీ'లో ఆవిడ అతిథి పాత్రలో సందడి చేసింది. ఆ సినిమా గురించి ఆవిడ ఏమని చెప్పారంటే?

మృణాల్ ఠాకూర్

మృణాల్ ఠాకూర్ గురించి తెలుగు ప్రేక్షకులకు చెప్పాల్సిన అవసరం లేదు. 'సీతా రామం' సినిమాతో తెలుగులో ఎంతో మంది ప్రేక్షకులను తన అభిమానులను చేసుకున్నారు ఆవిడ. ఫోటోలో ఒక లుక్కులో ఆవిడ అందంగా ఉంటే... మరొక పాత్రలో డీ గ్లామరస్ లుక్కులో ఉన్నారు. ఆ లుక్ ఎందులోదో తెలుసా? 'కల్కి 2898 ఏడీ' సినిమాలోనిది. 

రెబల్ స్టార్ ప్రభాస్ హీరోగా నాగ్ అశ్విన్ తెరకెక్కించిన బ్లాక్ బస్టర్ హిట్ 'కల్కి 2898 ఏడీ' సినిమాలో మృణాల్ ఠాకూర్ అతిథి పాత్ర చేశారు. కాశీలో నివసించే అమ్మాయి దివ్యగా ఆమె కనిపించారు. గర్భవతి రోల్ చేశారు. ఆ రోల్ గురించి 'కల్కి 2898 ఏడీ' దర్శక నిర్మాతలు సంప్రదించినప్పుడు ఒక్క నిమిషం కూడా ఆలోచించకుండా 'ఎస్' చెప్పానని తెలిపారు.