తమిళనాడులో ఏపీ పెట్రోల్ ధరలు.. బోర్డులు పెట్టి మరీ..

తమిళనాడులో ఏపీ పెట్రోల్ ధరలు

తమిళనాడు- ఆంధ్రప్రదేశ్ సరిహద్దు ప్రాంతాల్లో ఏపీలో పెట్రోల్ ధర ఎంత ఉందనే వివరాలతో కూడిన బోర్డులు దర్శనమిస్తున్నాయి. తమిళనాడులోని చాలా బోర్డర్ జిల్లాలలో ఇలాంటి బోర్డులే కనిపిస్తున్నాయి. రెండు రాష్ట్రాల్లో ధరలను పోల్చుకుని ఎక్కడ తక్కువ ఉంటే అక్కడ పెట్రోల్ కొట్టించుకుని వెళ్తామని వాహనదారులు చెబుతున్నారు. ఎలాగూ సరిహద్దు ప్రాంతాలే కాబట్టి కొద్ది కిలోమీటర్ల దూరంలోనే పెట్రోల్ బంకులు ఉంటున్నాయని అంటున్నారు. గతంలో కూడా ఇలాంటి బోర్డులు తెలంగాణలోని సూర్యాపేట జిల్లా సరిహద్దుల్లోని పెట్రోల్ బంకుల వద్ద కూడా ఇలాంటి బోర్డులే కనిపించాయి. ఆంధ్ర- కర్ణాటక సరిహద్దుల్లోనూ ఇలాంటివి ఉన్నాయని వాహనదారులు అంటున్నారు.