Ranil Wickremesinghe: శ్రీలంక తాత్కాలిక అధ్యక్షుడిగా రణిల్ విక్రమ సింఘే ప్రమాణం

Ranil Wickremesinghe: శ్రీలంక తాత్కాలిక అధ్యక్షుడిగా రణిల్ విక్రమ సింఘే ప్రమాణస్వీకారం చేశారు.

శ్రీలంక తాత్కాలిక అధ్యక్షుడిగా రణిల్ విక్రమ సింఘే ప్రమాణం

Ranil Wickremesinghe:  తీవ్ర నిరనసల మధ్య శ్రీలంక తాత్కాలిక అధ్యక్షుడిగా రణిల్ విక్రమ సింఘే శుక్రవారం ప్రమాణ స్వీకారం చేశారు. గొటబాయ రాజపక్స అధ్యక్ష పదవికి రాజీనామా చేసినట్లు పార్లమెంటు స్పీకర్ మహింద అభయ్‌వర్దన్ అధికారికంగా ప్రకటించారు. దీంతో ఆ బాధ్యతలను తాత్కాలికంగా విక్రమ సింఘే నిర్వర్తించనున్నారు. 

#WATCH | Ranil Wickremesinghe sworn in as Acting-President a short while ago by Sri Lankan Chief Justice Jayantha Jayasuriya#SriLanka pic.twitter.com/odjNmfd4cf

— ANI (@ANI) July 15, 2022

నూతన అధ్యక్షుడిని పార్లమెంటు ఎన్నుకునే వరకు ఆయన ఈ పదవిలో కొనసాగుతారు. పార్లమెంటు సమావేశాలు ప్రారంభమైన తర్వాత రానున్న ఏడు రోజుల్లో నూతన దేశాధ్యక్షుడిని ఎన్నుకోబోతున్నట్లు స్పీకర్ తెలిపారు.  శ్రీలంక పార్లమెంటు సమావేశాలు శనివారం ప్రారంభమవుతాయి. 

" సింగపూర్‌ నుంచి ఈ మెయిల్‌ ద్వారా గొటబాయ తన రాజీనామా లేఖను పంపించారు. వారం రోజుల్లోగా తదుపరి అధ్యక్షుడిని ఎన్నుకుంటాం. ఇందుకు సంబంధించిన ప్రక్రియ రేపటి నుంచి ప్రారంభమవుతుంది. అప్పటివరకు ప్రధానమంత్రి రణిల్‌ విక్రమ సింఘే తాత్కాలిక అధ్యక్షుడిగా కొనసాగుతారు. తదుపరి అధ్యక్షుడిని ఎన్నుకునేందుకు పార్లమెంట్‌ శనివారం సమావేశం కానుంది. ఈ ప్రక్రియలో ఎంపీలంతా పాల్గొనేలా శాంతియుత వాతావరణం కల్పించాలి.                                       "

- మహింద అభయ్‌వర్ధన్‌, పార్లమెంట్ స్పీకర్‌ 

మరోవైపు

గొటబాయ రాజపక్స, ఆయన సతీమణి, వారి వెంట ఇద్దరు భద్రతా సిబ్బంది సైనిక విమానంలో మాల్దీవులకు వెళ్లినట్లు శ్రీలంక వైమానిక దళం బుధవారం ప్రకటించింది. బుధవారం వేకువజామున 3 గంటలకు గొటబాయ.. శ్రీలంక నుంచి మాల్దీవులకు పరారయ్యారు. అయితే అక్కడ కూడా గొటబాయకు వ్యతిరేకంగా నిరసనలు జరిగాయి. దీంతో గొటబాయ రాజపక్స సింగపూర్ వెళ్లినట్లు వార్తలు వచ్చాయి. ఇప్పుడు తాజాగా మాల్దీవుల నుంచి సౌదీ అరేబియా వయా సింగపూర్ వెళ్లినట్లు అధికారులు తెలిపారు.