Los Angeles Crime News: లాస్ ఏంజిల్స్లో రోడ్డుపై కత్తితో సిక్కు వ్యక్తి విన్యాసాలు- కాల్చేసిన పోలీసులు
Los Angeles Crime News: లాస్ ఏంజిల్స్లో 36 ఏళ్ల సిక్కు వ్యక్తి గురుప్రీత్ సింగ్ను పోలీసులు కాల్చి చంపారు. దీనికి సంబంధించిన వీడియో వైరల్ అవుతోంది.
Los Angeles Crime News: లాస్ ఏంజిల్స్ డౌన్టౌన్లో జరిగిన ఘర్షణ తర్వాత లాస్ ఏంజిల్స్ పోలీసులు ఒక సిక్కు వ్యక్తిని కాల్చి చంపారని అధికారులు నిర్ధారించారు. ఘటన జరిగినప్పుడు గుర్ప్రీత్ సింగ్ (36) అనే వ్యక్తి సాంప్రదాయ సిక్కు యుద్ధ కళ అయిన గట్కాను ప్రదర్శిస్తున్నాడని తెలుస్తోంది.
లాస్ ఏంజిల్స్ పోలీస్ డిపార్ట్మెంట్ (LAPD) విడుదల చేసిన ఫుటేజ్ ప్రకారం, సింగ్ క్రిప్టో.కామ్ అరీనా సమీపంలో పెద్ద కత్తిని పట్టుకొని ఉన్నాడు. పోలీసులు ఆ ఆయుధాన్ని కొడవలిగా అభివర్ణించారు, తరువాత దీనిని సిక్కు యుద్ధ కళలలో ఉపయోగించే రెండు వైపులా పదును ఉన్న కత్తి ఖండగా గుర్తించారు.
ఫిగ్యురోవా స్ట్రీట్ ,ఒలింపిక్ బౌలేవార్డ్లో రద్దీగా ఉండే కూడలిలో జరిగిందీ ఘటన. రోడ్డుపై గుర్ప్రీత్ సింగ్ ఖండగా ఊపుతూ కనిపించాడు. తమ మతానికి క్రీడను ప్రధర్సిస్తూ కనిపించాడు. అయితే దీనిపై పోలీసులకు ఫిర్యాదులు వెళ్లాయి.
Los Angeles police shot dead Gurpreet Singh, 35, after he stopped his car in the middle of an intersection and allegedly swung a machete at people.
— THE SKIN DOCTOR (@theskindoctor13) August 29, 2025
Now compare this with India. Here, mobs can assault police, humiliate them into folding hands, circulate those images as “victory,”… pic.twitter.com/N2Hsyuif9V
సింగ్ తన వాహనాన్ని రోడ్డు మధ్యలో వదిలేసి, తన నాలుకను కోసుకోవడానికి ప్రయత్నించి తనకు తానుగా హాని చేసుకోవడానికి కూడా ప్రయత్నించాడని పోలీసులు తెలిపారు. ఆయుధాన్ని పడవేయమని అధికారులు అతనికి అనేక సార్లు హెచ్చరించినట్టు చెబుతున్నారు. అధికారులు దగ్గరకు వచ్చినప్పుడు, సింగ్ వారిపై ఒక బాటిల్ విసిరి పారిపోవడానికి ప్రయత్నించాడని, ఫిగ్యురోవా అండ్ ట్వల్త్ స్ట్రీట్స సమీపంలో పోలీసు వాహనంతో ఢీకొట్టిన తర్వాత వాహనాన్ని ఇష్టారీతిన నడుపుతున్నాడని ఆరోపించారు.
ఆ తర్వాత సింగ్ తన చేతిలో ఉన్న ఆయుధంతో అధికారులపై దాడి చేశాడని, దీంతో వారు కాల్పులు జరిపారని అధికారులు తెలిపారు. అతన్ని ఆసుపత్రికి తరలించారు కానీ గాయాలతో మరణించారు. ఈ ఘటనలో పోలీసు అధికారులు లేదా చుట్టుపక్కల ఉన్నవారు ఎవరూ గాయపడలేదు.
ఘటన స్థలంలో స్వాధీనం చేసుకున్న రెండు అడుగుల పొడవున్న కత్తిని సాక్ష్యంగా నమోదు చేశారు. కాల్పుల ఘటన LAPD దర్యాప్తులో ఉంది.
టాప్ హెడ్ లైన్స్
ట్రెండింగ్ వార్తలు
