Pan American Highway: ఇది పాన్ అమెరికన్ హైవే - దీని మీదుగా వెళ్తే స్ట్రెయిట్గా 14 దేశాల్ని టచ్ చేయవచ్చు !
Longest Highway: పధ్నాలుగు దేశాల్నికలుపుతూ పాన్ అమెరికన్ హైవే ఉంటుంది.అది కూడా ఎక్కడా మలుపుల్లేకుండా స్ట్రెయిట్గా ఉంటుంది.
Pan American Highway will connect fourteen countries: ప్రపంచంలోనే అత్యంత పొడవైన రహదారి, ఇది 14 దేశాల గుండా యూ-టర్న్లు లేకుండా సాగుతుంది. ఈ రహదారి పాన్-అమెరికన్ హైవేగా పిలుస్తారు. ఈ హైవే పొడవు 30,600 కిలోమీటర్లు అంటే 19,000 మైళ్లు . ఇది ప్రపంచంలోనే అత్యంత పొడవైన మోటారు వాహనాలకు అనువైన రహదారిగా గిన్నిస్ బుక్ ఆఫ్ వరల్డ్ రికార్డ్స్లో నమోదైంది.
ఈ రహదారి అలాస్కాలోని ప్రుడ్హో బే నుంచి ప్రారంభమవుతుంది. ఆర్కిటిక్ సముద్రం సమీపంలో ఇది ఉంటుంది. అర్జెంటీనాలోని ఉషుయాయా సమీపంలో ముగుస్తుంది. దీనిని "ప్రపంచం చివర" అని కూడా పిలుస్తారు. ఈ రహదారి ఒకే దిశలో సాగే అత్యంత పొడవైన రహదారి. ఇందులో యూ-టర్న్లు , మలుపులు లేకుండా వేల కిలోమీటర్ల పాటు సాగుతుంది. పాన్-అమెరికన్ హైవే ఉత్తర, మధ్య, దక్షిణ అమెరికాలోని 14 దేశాల గుండా వెళ్తుంది.
కెనడా, యునైటెడ్ స్టేట్స్, మెక్సికో , గ్వాటెమాల, ఎల్ సాల్వడార్ , హోండురాస్, నికరాగువా, కోస్టా రికా, పనామ, కొలంబియా, ఈక్వడార్, పెరూ, చిలీ, అర్జెంటీనా దేశాల గుండా రహదారి ఉంటుంది. ఈ దేశాలు ఒక్కొక్కటి ఈ రహదారి నిర్మాణం, నిర్వహణలో తమ వంతు బాధ్యతను చేపట్టాయి. 1920లలో, అమెరికా ఖండాల మధ్య పర్యాటక రంగాన్ని ప్రోత్సహించడం, దీర్ఘ-దూర ప్రయాణాలను సులభతరం చేయడం, అమెరికన్ తయారీ కార్ల విక్రయాలను పెంచడం లక్ష్యంగా ఈ రహదారి ఆలోచన చేశారు. 1937లో 14 దేశాలు పాన్-అమెరికన్ హైవే కన్వెన్షన్ పై సంతకం చేశాయి, దీని ద్వారా ఉత్తర , దక్షిణ అమెరికాలను ఒక నిరంతర రహదారి ద్వారా కలపాలని నిర్ణయించాయి. 1960ల నాటికి ఈ రహదారి దాదాపు పూర్తయింది . అయితే పనామ , కొలంబియా మధ్య సుమారు 60 మైళ్లు విస్తీర్ణంలో ఉన్న దట్టమైన రెయిన్ ఫారెస్ట్ భాగంలో రహదారి నిర్మాణం జరగలేదు. ఈ భాగాన్ని దాటడానికి ప్రయాణికులు ఫెర్రీలు లేదా ఇతర వాహనాలను ఉపయోగించాలి.
The Pan American Highway is the longest (almost) continuous road leading from Alaska down to the most Southern point of the continent. I can totally see the appeal of traveling the whole route! pic.twitter.com/ozwQEnmb7d
— Simon Kuestenmacher (@simongerman600) July 13, 2024
రోజుకు 500 కిలోమీటర్లు ప్రయాణిస్తే, ఈ రహదారి మొత్తాన్ని దాటడానికి సుమారు 60 రోజులు పడుతుంది. ఆర్కిటిక్ మంచు నుండి ఉష్ణమండల వర్షాల వరకు విభిన్న వాతావరణ పరిస్థితులు ఉటాయి. 14 దేశాలలో వివిధ భాషలు , సంస్కృతులు పలకరిస్తాయి. రిమోట్ ప్రాంతాలలో ఇంధనం, ఆహారం, మరియు నీటి సరఫరా సమస్యలు కూడా ఉంటాయి. ఈ రహదారి పర్యాటక రంగాన్ని ప్రోత్సహిస్తుంది, వాణిజ్యాన్ని సులభతరం చేస్తుంది. 14 దేశాల మధ్య ఆర్థిక సహకారాన్ని బలోపేతం చేస్తుంది. ఇది వేల కిలోమీటర్ల పాటు పదునైన మలుపులు లేదా యూ-టర్న్లు లేకుండా సాగుతుంది. పాన్-అమెరికన్ హైవే కేవలం ఒక రహదారి మాత్రమే కాదు, ఇది ఉత్తర, మధ్య, మరియు దక్షిణ అమెరికాలను కలిపే సాంస్కృతిక, ఆర్థిక, మరియు సాహసోపేతమైన కారిడార్.
టాప్ హెడ్ లైన్స్
ట్రెండింగ్ వార్తలు
