Elon Musk: భార్య లేకపోయినా పిల్లల్ని కనేస్తున్న ఎలాన్ మస్క్ - 14 సంతానానికి వెల్కమ్ - లవర్స్‌ని అమ్మల్ని చేసేస్తే ఎలా?

Tesla Chief: టెస్లా చీఫ్ ఎలాన్ మస్క్ 14వ సారి తండ్రయ్యాడు. విచిత్రం ఏమిటంటే ఆయనకు ఇప్పుడు లీగల్ వైఫ్ లేదు. సహజీవనంలోనే పిల్లల్ని కనేస్తున్నారు.

14వ బిడ్డకు తండ్రి అయిన ఎలాన్ మస్క్

Source : x

Elon Musk welcomes 14th child : టెస్లా కంపెనీతో ప్రపంచం దృష్టిని ఆకర్షించిన ఎలాన్ మస్క్.. స్పేస్ ఎక్స్ అనే కంపెనీతో పాటు ట్విట్టర్ ను కొనుగోలు చేసి సంచలనం సృష్టించారు. ఆయనకు న్యూరాలింక్ అనే కంపెనీ కూడా ఉంది. ఆ కంపెనీ మనుషుల మెదడులో చిప్‌లు పెట్టే ప్రయోగాలు చేస్తోంది. ఇంతగా బుర్రను ఉపయోగించే ఎలాన్ మస్క్.. ఎప్పుడూ బిజీగా ఉంటారు కానీ..పనిలోనే కాదు ఇతర వ్యవహారాలు కూడా ఆయనకు ఎక్కువే. ముఖ్యంగా పిల్లలను కనడం అంటే ఆయనకు చాలా ఇష్టం. ఎంత ఇష్టం అంటే.. తాజాగా ఆయన పధ్నాలుగో సంతానం భూమి మీద పడింది.  

Discussed with Elon and, in light of beautiful Arcadia’s birthday, we felt it was better to also just share directly about our wonderful and incredible son Seldon Lycurgus. Built like a juggernaut, with a solid heart of gold. Love him so much ♥️

— Shivon Zilis (@shivon) February 28, 2025

ఆయనతో సహ జీవనం చేస్తున్న  శివోన్ జిలిస్‌ నాలుగో బిడ్డకు తల్లి అయినట్లుగా ప్రకటించింది. తమ కుమారుడి పేరును  సెల్డాన్ లైకుర్గస్ అని పెట్టారు. శివోన్ జిలిస్‌ ఎలాన్ మస్క్  చిప్ కంపెనీ న్యూరాలింక్‌లో టాప్ ఎగ్జిక్యూటివ్ గా పని చేస్తూంటారు. కొంత కాలం నుంచి సహజీవనం చేస్తున్నారు. పెళ్లి చేసుకోలేదు.   ఇప్పటికే ముగ్గురు పిల్లలను కన్నా ఈ జంట నాలుగో బిడ్డను కన్నారు. ఈ విషయాన్ని  జిలిస్ పోస్ట్ ద్వారా ఈ వార్తను ప్రకటించారు. దీనిని మస్క్ ధృవీకరించారు.  

♥️

— Elon Musk (@elonmusk) February 28, 2025

   
మస్క్ ,  జిలిస్ కలిపి ఇప్పటికి ముగ్గురు పిల్లలు ఉన్నారు. కవలలు స్ట్రైడర్ , అజూర్,  కుమార్తె ఆర్కాడియా ఉన్నారు. మస్క్ ఇప్పటి వరకూ మూడు పెళ్లిళ్లు చేసుకున్నారు. అందరికీ విడాకులు ఇచ్చారు.  రచయిత జస్టిన్ విల్సన్‌ను పెళ్లి చేసుకుని  ఆరుగురు పిల్లల్ని కన్నారు. అయితే  వారిలో ఒకరు బాల్యంలోనే విషాదకరంగా మరణించారు.  ఎలాన్ మస్క్-జస్టిన్ జంట ఐవీఎఫ్ పద్ధతిలో ఐదుగురు పిల్లలకు జన్మనిచ్చారు. కొన్నేళ్ల బంధం తర్వాత 2008లో వారిద్దరూ ఎలాన్ మస్క్-జస్టిన్ జంట విడిపోయింది. తర్వాత బ్రిటన్‌ నటి తాలులాహ్‌ రిలేను మస్క్‌ వివాహమాడారు. అయితే వారికి సంతానం లేదు. అనంతరం కెనడియన్ గాయని గ్రిమ్స్‌తో సంబంధం నెరిపారు. వారికి ముగ్గురు పిల్లలు.

ఇటీవల  ఆష్లే సెయింట్ క్లైర్ తన బిడ్డకు తండ్రి ఎలాన్ మస్క్ అని ప్రకటించారు. అయితే మస్క్ మాత్రం ఇంకా అధికారికంగా  సెయింట్ క్లైర్ వాదనల కరెక్టేనని ఆ బిడ్డకు తానే తండ్రినని చెప్పలేదు.  అలాగని ఖండించలేదు. ఆమె మాత్రం తన బిడ్డకు మస్క్ తండ్రి అని విస్తృతంగా ప్రచారం చేస్తున్నారు.