Elon Musk News:ఎలాన్ మస్క్ సంచలన నిర్ణయం - డోనాల్డ్ ట్రంప్కు థాంక్స్ చెబుతూ సోషల్ మీడియాలో పోస్టు
Elon Musk News: అమెరికా ప్రభుత్వ ఇచ్చిన పదవి నుంచి తప్పుకున్న ఎలాన్ మస్క్ ట్రంప్కి ధన్యవాదాలు తెలిపారు. ప్రభుత్వ ఖర్చు విధానంపై విమర్శలు చేశారు.
Elon Musk News: టెస్లా, స్పేస్ఎక్స్కు అధినేత అయిన ఎలాన్ మస్క్, అమెరికా ప్రభుత్వంలో ప్రత్యేక ప్రభుత్వ ఉద్యోగి (SGE)గా ఆయన 130 రోజుల పదవీకాలం ముగిసిందని ప్రకటించారు. సోషల్ మీడియా ప్లాట్ఫామ్ X (పూర్వం ట్విట్టర్)లో ఆయన ఇలా రాసుకొచ్చారు, "ప్రభుత్వ ఖర్చులను తగ్గించే అవకాశం కల్పించినందుకు అధ్యక్షుడు డోనాల్డ్ ట్రంప్కు ధన్యవాదాలు తెలియజేయాలనుకుంటున్నాను. DOGE మిషన్ కాలక్రమేణా మరింత బలపడుతుంది" అని పేర్కొన్నారు.
ప్రభుత్వ సామర్థ్య విభాగం (DOGE) ఒక పరిపాలనాపరమైన ఆవిష్కరణ, ఇందులో మస్క్కు ప్రభుత్వ ఖర్చులను తగ్గించడం, సామర్థ్యాన్ని పెంచే బాధ్యత అప్పగించారు. ఈ కార్యక్రమం ద్వారా అనవసరమైన ప్రభుత్వ ఖర్చులను గుర్తించారు. విదేశీ సహాయం, ప్రజాప్రసారంపై ఖర్చులను తగ్గించే సూచనలు చేశారు. NPR, PBS, విదేశీ సహాయ కార్యక్రమాలలో $9.4 బిలియన్లు తగ్గించాలని ప్రతిపాదనలు చేశారు. ప్రభుత్వ సంస్కరణ, అనవసరమైన ఖర్చులను తొలగించే దిశగా ఈ చర్య తీసుకున్నారు.
As my scheduled time as a Special Government Employee comes to an end, I would like to thank President @realDonaldTrump for the opportunity to reduce wasteful spending.
— Elon Musk (@elonmusk) May 29, 2025
The @DOGE mission will only strengthen over time as it becomes a way of life throughout the government.
ఎలాన్ మస్క్ పెద్ద ప్రకటన
ట్రంప్ "బిగ్ అండ్ బ్యూటిఫుల్ బిల్"పై ఎలాన్ మస్క్ విమర్శలు చేసిన సమయంలో వైదొలిగారు. బిగ్ బ్యూటిఫుల్ బిల్లో బహుళ-ట్రిలియన్ డాలర్ల పన్ను తగ్గింపులు, రక్షణ ఖర్చులలో భారీ పెరుగుదల, వలస నియంత్రణ చర్యలతో సంబంధిత ఖర్చులు ఉన్నాయి. దీని గురించి మస్క్, "ఈ బిల్ DOGE పనితీరును బలహీనపరుస్తుంది. దీని వల్ల నష్టం పెరిగే అవకాశం ఉంది" అని అన్నారు. దీనిపై ట్రంప్ ఓవల్ ఆఫీసులో, "నేను కొన్ని విభాగాలతో సంతోషంగా లేను, కానీ భవిష్యత్లో ఏమి జరుగుతుందో చూద్దాం" అని అన్నారు.
కాంగ్రెస్, సెనేట్లోనూ అభిప్రాయ భేదాలు
మస్క్ ప్రకటనకు కొంతమంది రిపబ్లికన్ నేతలు మద్దతు ఇచ్చారు. సెనేటర్ రాన్ జాన్సన్ (విస్కాన్సిన్) మాట్లాడుతూ, "ఎలాన్ నిరుత్సాహపడటంపై నాకు కన్సర్న్ ఉంది. అయితే, అధ్యక్షుడిపై ఇది ఎలాంటి ప్రభావం చూపదు" అని అన్నారు. హౌస్ స్పీకర్ మైక్ జాన్సన్, సెనేట్లో బిల్లో తక్కువ మార్పులు చేయాలని, తద్వారా సమతుల్యత ఉండాలని కోరుకుంటున్నట్లు తెలిపారు. అయితే, బిల్ విషయంలో సెనేట్ మార్పులు చేస్తే, తర్వాత దాన్ని హౌస్ ఆఫ్ రిప్రజెంటెటివ్స్లో ఓటింగ్కు తీసుకురావాలి.
రాజకీయాలు తగ్గిస్తా: మస్క్
ప్రభుత్వ పదవి నుంచి వైదొలుగుతూ, ఎలాన్ మస్క్, "నేను ఇప్పుడు పూర్తిగా టెస్ల, స్పేస్ఎక్స్కు అంకితం అవుతాను. నేను నా రాజకీయాలు కూడా తగ్గిస్తాను, ఎందుకంటే నేను నావంతు కృషి చేశానని నేను నమ్ముతున్నాను" అని అన్నారు. ఆయన ప్రకటన, రాజకీయాల నుంచి తప్పుకుని తన కంపెనీలపై దృష్టి పెడతానని స్పష్టం చేస్తుంది.
టాప్ హెడ్ లైన్స్
ట్రెండింగ్ వార్తలు
