Dubai loss: నిన్నటిదాకా హాట్ ఫేవరేట్ - ఇప్పుడు వదిలేసిపోతున్నారు - యుద్ధంతో దుబాయ్ రియల్ ఎస్టేట్ విలవిల
Dubai: పశ్చిమాసియాలో నెలకొన్న యుద్ధ ఉద్రిక్తతలు దుబాయ్ ఆర్థిక వ్యవస్థను, రియల్ ఎస్టేట్ను కుదిపేస్తున్నాయి. సురక్షితమైన పెట్టుబడి స్వర్గధామం అన్న దుబాయ్ ఇమేజ్కు ఈ యుద్ధం పెద్ద గండి కొట్టింది.
Dubai is financially ruined: మూడేళ్లుగా అప్రతిహతంగా దూసుకుపోయిన దుబాయ్ రియల్ ఎస్టేట్ రంగం, 2026 మార్చి నాటికి ఒక్కసారిగా స్తంభించిపోయింది. ఇరాన్-అమెరికా మధ్య యుద్ధం ప్రారంభమయ్యాక, ఫిబ్రవరి 28 నుండి మార్చి మధ్య నాటికే దుబాయ్ ఫైనాన్షియల్ మార్కెట్ రియల్ ఎస్టేట్ ఇండెక్స్ దాదాపు 30 శాతం పతనమైంది. ఎమార్ వంటి దిగ్గజ సంస్థల షేర్లు 26 శాతం పైగా పడిపోవడం పెట్టుబడిదారులలో ఉన్న భయాన్ని సూచిస్తోంది. రెండు నెలల క్రితం వరకు ఇళ్లు కావాలని బ్రతిమిలాడిన క్లయింట్లు, ఇప్పుడు 20-30 శాతం డిస్కౌంట్లు ఇస్తామన్నా ముందుకు రావడం లేదన్నది క్షేత్రస్థాయి మధ్యవర్తుల మాట.
తరలిపోతున్న పెట్టుబడులు
యుద్ధ భయంతో అంతర్జాతీయ పెట్టుబడిదారులు తమ నిధులను దుబాయ్ నుండి ఉపసంహరించుకుని సింగపూర్, హాంగ్ కాంగ్ వంటి సురక్షిత ప్రాంతాలకు తరలిస్తున్నారు. ముఖ్యంగా విల్లాలు, లగ్జరీ అపార్ట్మెంట్ల అమ్మకాలు 50 నుండి 80 శాతం వరకు క్షీణించాయని నివేదికలు చెబుతున్నాయి. హార్ముజ్ జలసంధి మూసివేతతో సరఫరా గొలుసు దెబ్బతినడం, నిత్యావసరాల ధరలు 120 శాతం వరకు పెరగడం వల్ల సామాన్య ప్రవాసీయులు కూడా నగరాన్ని విడిచి వెళ్లడానికి మొగ్గు చూపుతున్నారు. దీంతో అద్దెలు కూడా పడిపోయే అవకాశం కనిపిస్తోంది.
ఇరకాటంలో ప్రాపర్టీ మేనేజర్లు, బ్యాంకర్లు
దుబాయ్లో ఆశలు వదులుకుని బ్రోకర్లు వెనక్కి వెళ్లడం వెనుక బలమైన కారణాలు ఉన్నాయి. నిర్మాణంలో ఉన్న ప్రాజెక్టులలో పెట్టుబడి పెట్టిన వారు ఇప్పుడు వాయిదాలు చెల్లించలేక చేతులెత్తేస్తున్నారు. బ్యాంకులు, హెడ్జ్ ఫండ్ మేనేజర్లు సైతం భారీ నష్టాలను చవిచూస్తున్నారు. ప్రాజెక్టులు మధ్యలో ఆగిపోతాయన్న భయం, ఆస్తి విలువలు పడిపోతుండటంతో కొత్తగా ఒప్పందాలు చేసుకునే వారు కరువయ్యారు. మమ్మల్ని నమ్మి పెట్టుబడి పెట్టిన వారికి సమాధానం చెప్పలేకపోతున్నాం అని పలువురు ఏజెంట్లు ఆవేదన వ్యక్తం చేస్తున్నారు.
Dubai Real Estate Bonds Are Starting to Fall Into https://t.co/HPsJ8hTf84’s property market is beginning to show early signs of weakening nearly three weeks into the U.S.-Israeli war on Iran, with data from analysts showing tanking transaction volumes and some real estate agents… pic.twitter.com/SzclaaGvYu
— Waahiid Ali Khan (@waahiidalikhan) March 26, 2026
ప్యాకేజీని ప్రకటించిన దుబాయ్ ప్రభుత్వం
పరిస్థితిని చక్కదిద్దడానికి దుబాయ్ ప్రభుత్వం సుమారు 270 మిలియన్ డాలర్ల ఆర్థిక ప్యాకేజీని ప్రకటించింది. వ్యాపారాలను, కుటుంబాలను ఆదుకోవడానికి ఈ నిధులను కేటాయించనున్నారు. నిపుణుల అభిప్రాయం ప్రకారం, ఇది కేవలం తాత్కాలిక సెంటిమెంట్ దెబ్బ మాత్రమే. యుద్ధం ముగిసి, మళ్ళీ సాధారణ పరిస్థితులు నెలకొంటే దుబాయ్ మళ్ళీ కోలుకుంటుందని కొందరు ఆశాభావం వ్యక్తం చేస్తున్నారు.
టాప్ హెడ్ లైన్స్
ట్రెండింగ్ వార్తలు
