Viral Video: ఇదేం నిరసనరా బాబు! కలెక్టర్‌ ముందు కుక్కలా మొరిగిన వ్యక్తి

Viral Video: కలెక్టర్ ముందు ఓ వ్యక్తి.. కుక్కలా మొరిగిన వీడియో సోషల్ మీడియాలో వైరల్ అవుతోంది.

(Image Source: ANI)

Viral Video: ఇప్పటివరకు చాలా రకాల నిరసనలు మీరు చూసి ఉంటారు. కానీ ఈ తరహా నిరసనను ఎప్పుడూ చూసి ఉండరు. ఎందుకంటే ఓ వ్యక్తి.. కలెక్టర్ ముందు కుక్కలా అరుస్తూ నిరసన వ్యక్తం చేశాడు. ఇందుకు సంబంధించిన వీడియో వైరల్ అవుతోంది.

भाई का सरनेम “दत्ता” था मगर राशन कार्ड में गलती से “कुत्ता” लिखा गया! अब भाई लिखे हुए सरनेम के अनुसार अधिकारी से बात कर रहा है! 😂😂

pic.twitter.com/s7lwoVCt5j

— Prashant Kumar (@scribe_prashant) November 19, 2022

ఇదీ జరిగింది

బంగాల్‌లోని బంకురా జిల్లాలోని ఓ గ్రామంలో 'గడప వద్దకే ప్రభుత్వం' కార్యక్రమం ఏర్పాటు చేశారు. ఆ సమయంలో జిల్లా ఎగ్జిక్యూటివ్‌ మెజిస్ట్రేట్‌ కారు ఎదుట ఓ వ్యక్తి కుక్కలా అరుస్తూ ఏవో పత్రాలను అందించాడు. కుక్కలా అరుస్తున్న ఆ వ్యక్తి పేరు శ్రీకాంతి కుమార్‌ దత్తా (Srikanti kumar Dutta). అయితే రేషన్‌ కార్డులో మాత్రం అతని పేరు శ్రీకాంతి కుమార్‌ కుత్తా (Srikanti kumar Kutta) అని తప్పుగా అచ్చయింది.

దీంతో ఆ వ్యక్తికి కోపం వచ్చి.. కుక్కలా అరుస్తూ తన పేరును మార్చాలంటూ అర్జీ పత్రాలతో అధికారి ఎదుట నిరసనకు దిగాడు. రేషన్ కార్డులో కుత్తా అని పేరు పడింది కనుక అతను కుక్కలా మొరుగుతూ నిరసన చేపట్టాడు.

I applied for correction of name in ration card thrice. On third time my name was written as Srikanti Kutta instead of Srikanti Dutta. I was mentally disturbed by this: Srikanti Dutta, man whose name was wrongly mentioned in his ration card pic.twitter.com/wZzQTHZZZ4

— ANI (@ANI) November 19, 2022

అతని బాధను అర్థం చేసుకున్న అధికారి కూడా విసుక్కోకుండా సర్ది చెప్పే ప్రయత్నం చేశారు. ఆ సమయంలో అక్కడ ఉన్నవాళ్లంతా ఈ తతంగాన్ని చూసి ఏమవుతుందో అర్థం కాక అయోమయంలో ఉండిపోయారు.

ఎందుకిలా 

శ్రీకాంతి కుమార్ పేరు తప్పుగా ప్రింట్‌ అవ్వడం ఇదే మొదటిసారి కాదట. గతంలోనూ రెండుసార్లు ఇలాగే జరిగిందట. తొలిసారి శ్రీకాంతి కుమార్ దత్తా బదులు శ్రీకాంత మొండల్‌ అని రాశారట. తప్పును సరిచేయాలని జిల్లా అధికారులకు అర్జీ పెట్టుకుంటే.. శ్రీకాంతో దత్తా అని మార్చారు. గతంలో ప్రభుత్వం నిర్వహించిన గడప వద్దకే కార్యక్రమంలో సమస్యను ప్రస్తావించగా శ్రీకాంతి కుమార్‌ కుత్తా అని మార్చారని బాధితుడు వాపోయాడు. దీంతో అధికారి ఎదుట వినూత్నంగా నిరసన చేపట్టానని చెప్పుకొచ్చాడు. ఈ వీడియో సోషల్ మీడియాలో వైరల్‌గా మారింది.