Flight: విమానం బాత్రూములో ఓ జంట పాడుపని, సిబ్బంది డోర్ ఓపెన్ చేయగానే ప్రయాణికుల అరుపులు

Flight: విమానంలో జరుగుతున్న ఏదో ఒక ఘటనకు సంబంధించిన ఘటనలు ఈ మధ్యకాలంలో సోషల్ మీడియాలో తెగ వైరల్ అవుతున్నాయి. ప్రయాణికుల మధ్య గొడవలు, విమాన సిబ్బందితో వాగ్వాదం లాంటి ఘటనలతో విమాన ప్రయాణ అనుభవాలు వార్తల్లో నిలుస్తున్నాయి. తాజాగా ఇలాంటిదే మరో ఘటన వైరల్ అవుతోంది. విమానంలో ప్రయాణిస్తుండగా.. ఇద్దరు ప్రయాణికులు వ్యవహరించిన తీరు అందుకు సంబంధించిన దృశ్యాలు ఇప్పుడు సోషల్ మీడియాలో వైరల్ అవుతున్నాయి. ఇద్దరు ప్రయాణికులు విమాన బాత్రూములో శృంగారం చేసుకుంటున్నారు. ఆ టాయిలెట్ డోర్ ఓపెన్ చేయగానే అభ్యంతరకర స్థితిలో కనిపించారు. దీంతో విమానంలో ఉన్న ప్రయాణికులు గట్టిగా అరిచారు. ఇందుకు సంబంధించిన వీడియో సోషల్ మీడియాలో వైరల్ అవుతోంది. 

యూకేలోని లూటన్ నుంచి ఇబిజాకు వెళ్తున్న ఈజీ జెట్ ఫ్లైట్ లో ఈ ఘటన జరిగింది. సెప్టెంబర్ 8వ తేదీన ఈ ఘటన జరగ్గా.. అప్పటి నుంచి ఇది సోషల్ మీడియాలో వైరల్ అవుతోంది. ఈ వీడియోలో విమాన సిబ్బంది ఒకరు టాయిలెట్ డోర్ ముందు నిల్చొని ఉన్నారు. సిబ్బంది బయటి నుంచి తలుపు తెరవమని కోరినప్పటికీ లోపల ఉన్న జంట స్పందించలేదు. టాయిలెట్ డోర్ తీయాలని ఇతర ప్రయాణికులు అతడిని బలవంతం చేస్తున్న మాటలు వీడియోలో వినిపిస్తున్నాయి. ఆయన ఇబ్బందిగానే డోర్ తెరిచాడు. లోపల కనిపించిన దృశ్యాన్ని చూసి సిబ్బంది సహా అక్కడ ఉన్న ప్రయాణికులు అంతా అవాక్కయ్యారు. వారిద్దరూ అభ్యంతరకర స్థితిలో కనిపించారు. డోర్ తీసిన విషయాన్ని గుర్తించిన లోపల ఉన్న యువకుడు వెంటనే మళ్లీ డోర్ వేసేశాడు. జంట నిర్వాకంతో కొందరు ప్రయాణికులు అవాక్కయ్యారు. మరికొందరు మాత్రం అరుపుల్లో మునిగిపోయారు. ఇంకొందరు వారిని ప్రోత్సహిస్తున్నట్లుగా అరిచారు. ఓ ప్రయాణికుడు ఇదంతా వీడియో తీసి సోషల్ మీడియాలో పోస్టు చేయడంతో అది కాస్త వైరల్ గా మారింది.

ఈజీ జెట్ విమానం ఇబిజాలో ల్యాండ్ కాగానే వారిని పోలీసులకు అప్పగించినట్లు విమానయాన సంస్థ తెలిపింది. వారిని అదుపులోకి తీసుకున్నామనని, పబ్లిక్ టాయిలెట్ లో అసభ్యకరంగా ప్రవర్తించిన నేరం కింద వారిని దర్యాప్తు చేస్తున్నట్లు పోలీసులు తెలిపారు. మరి వారిపై ఎలాంటి చర్యలు తీసుకున్నారనేది మాత్రం ఈజీ జెట్ ఎయిర్ లైన్స్ వెల్లడించలేదు.