Rajasthan News: భక్తుల రద్దీతో ఆలయంలో తొక్కిసలాట- ముగ్గురు మృతి

Rajasthan News: రాజస్థాన్‌లోని ఖాతూ శ్యామ్‌ జీ ఆలయంలో జరిగిన తొక్కిసలాటలో ముగ్గురు మృతి చెందారు.

(Image Source: PTI)

Rajasthan News: రాజస్థాన్‌లోని ఓ ఆలయంలో తొక్కిసలాట జరిగింది. ఈ ఘటనలో ముగ్గురు భక్తులు మృతి చెందారు. పలువురికి గాయాలయ్యాయి.

#Rajasthan: 3 women devotees killed, 4 others injured in stampede at Khatu Shyam temple in #Sikar district. Police says large number of pilgrims had gathered outside the temple due to Ekadashi today, which is considered auspicious for the visit to Khatushyamji temple.

— All India Radio News (@airnewsalerts) August 8, 2022

ఇదీ జరిగింది

సికార్ జిల్లాలోని ఖాతూ శ్యామ్ జీ ఆలయంలో సోమవారం ఉదయం జాతర సందర్భంగా ప్రత్యేక పూజలు జరుగుతుండటంతో భక్తులు పెద్ద సంఖ్యలో తరలివచ్చారు. సోమవారం తెల్లవారుజామున 5 గంటలకే ఖాతూ శ్యామ్ జీ ఆలయాన్ని తెరిచారు. ఆలయ దర్శనం కోసం భక్తులు పెద్ద సంఖ్యలో వచ్చారు. దీంతో ఆలయ ప్రవేశ ద్వారం వద్ద భక్తుల మధ్య తొక్కిసలాట జరిగింది. 

ఈ తొక్కిసలాటలో ముగ్గురు మహిళా భక్తులు మరణించారు. తొక్కిసలాటలో గాయపడిన భక్తులను జైపుర్ ఆసుపత్రికి తరలించారు. 

ప్రధాని సంతాపం

తొక్కిసలాటలో మరణించిన వారి కుటుంబాలకు ప్రధాని నరేంద్ర మోదీ, రాజస్థాన్ ముఖ్యమంత్రి అశోక్ గహ్లోత్ సంతాపం తెలిపారు. క్షతగాత్రులకు మెరుగైన వైద్యం అందించాలని ఆదేశించారు. 

" రాజస్థాన్ సికార్‌లో ఖాతూ శ్యామ్‌జీ ఆలయంలో జరిగిన తొక్కిసలాటలో భక్తులు ప్రాణాలు కోల్పోవడం బాధ కలిగించింది. మృతుల కుటుంబాలకు నా ప్రగాఢ సానుభూతి వ్యక్తం చేస్తున్నాను. క్షతగాత్రులు త్వరగా కోలుకోవాలని ప్రార్థిస్తున్నాను. "

-                                                          ప్రధాని నరేంద్ర మోదీ

Saddened by the loss of lives due to a stampede at the Khatu Shyamji Temple complex in Sikar, Rajasthan. My thoughts are with the bereaved families. I pray that those who are injured recover at the earliest.

— Narendra Modi (@narendramodi) August 8, 2022

ఈ ఘటనపై రాజస్థాన్ ముఖ్యమంత్రి అశోక్ గహ్లోత్ కూడా స్పందించారు. ఘటనలో మృతి చెందిన వారి కుటుంబాలకు సంతాపం తెలిపారు. క్షతగాత్రులకు మెరుగైన చికిత్స అందించాలని అధికారులను ఆదేశించారు.