ఆర్‌ఆర్‌అర్‌కు ప్రశంసల వెల్లువ- భారత్‌ సినిమా జగత్తును తలెత్తుకునేలా చేశారంటూ నాయకుల ట్వీట్లు
సెలబ్రేటీలు ట్విట్టర్‌లో నాటునాటు స్టెప్స్ వేస్తున్నారు. ఆర్‌ఆర్‌ఆర్‌ సాధించిన ఆస్కార్‌తో సంబరాలు చేసుకుంటున్నారు. టీంకు శుభాకాంక్షలు చెబుతున్నారు.
ఆస్కార్ గెలిచిన ఆర్‌ఆర్‌ఆర్‌ టీంకు ప్రశంసలు వెల్లువెత్తుతున్నాయి. దేశం గర్వించదగ్గ విషయమంటూ అంతా పొగడ్తలతో ముంచెతుతున్నారు. సినీ అభిమానులంతా కాలర్ ఎగరేసి ఇది నాటునాటు అంటు డ్యాన్స్ చేసే మూమెంట్‌ అంటూ ట్వీట్లు చేస్తున్నారు. ఉదయం ఐదు గంటల నుంచి మొబైల్ ఫోన్లకు, టీవీలకు సోషల్ మీడియాకు అతక్కుపోయి ఆర్‌ఆర్‌ఆర్‌ ఆస్కార్ విజాయన్ని సెలబ్రేట్ చేసుకుంటున్నారు.
RRR చిత్ర యూనిట్ కు మంత్రి శ్రీనివాస్ గౌడ్ అభినందనలు తెలిపారు. బాహుబలి సినిమాతో తెలుగు సినీ ప్రస్థానాన్ని జాతీయ స్థాయికి తీసుకెళ్లిన రాజమౌళి తెలుగుజాతి విప్లవ వీరులు కొమరం భీమ్, అల్లూరి సీతారామరాజుకు అంతర్జాతీయ స్థాయి గౌరవాన్ని తీసుకురావడం గర్వించదగ్గ విషయమన్నారు. నాటునాటు పాటకు అద్భుతమైన సంగీతాన్ని అందించిన ఎంఎం కీరవాణిని ప్రత్యేకంగా మంత్రి అభినందించారు. నాటు నాటుపాట ప్రపంచాన్ని ఆకర్షించడానికి కీలక భూమిక వహించిన రామ్ చరణ్ , జూనియర్ ఎన్టీఆర్ కొరియోగ్రాఫర్ ప్రేమ్ రక్షిత్ ను మంత్రి ప్రశంసించారు.
ఆస్కార్ బరిలో బెస్ట్ డాక్యుమెంటరీ షార్ట్ ఫిలిమ్స్ కేటగిరిలో గెలిచి నిలిచిన మరో చిత్రం ఎలిఫెంట్ విష్పరర్స్ చిత్ర యూనిట్ని కూడా ఈ సందర్భంగా మంత్రి శ్రీనివాస్ గౌడ్ అభినందించారు. తెలుగు సినీ పరిశ్రమకు తమ ప్రభుత్వం ఎల్లవేళలా అన్ని విధాలుగా అండగా ఉంటుందని మంత్రి తెలిపారు..
ఆర్‌ఆర్‌ఆర్‌కు ఆస్కార్ దక్కడం భారతీయ సినిమాకే దక్కిన అత్యుత్తమ గౌరవంగా అభిప్రాయపడ్డారు టీడీపీ జాతీయ అధ్యక్షుడు చంద్రబాబు. ఇది తెలుగువారికి మరింత ప్రత్యేకమంటూ ట్వీట్ చేశారు. ఈ అవార్డును గెలుచుకోవడం ద్వారా ‘నాటు నాటు’ చరిత్రలో తనకంటూ ప్రత్యేక స్థానాన్ని కైవసం చేసుకుందన్నారు.
‘Naatu Naatu’ has sealed its place in history by winning the Academy Award for Best Original Song at the #Oscars. This is probably the finest moment for Indian Cinema and Telugus achieving it is even more special.(1/2) pic.twitter.com/BAKVLsPVxf
— N Chandrababu Naidu (@ncbn) March 13, 2023
నాటు నాటు పాటకు ప్రతిష్టాత్మక ఆస్కార్ అవార్డు గెలుచుకుని చరిత్ర సృష్టించిన స్వరకర్త కీరవాణికి, గీత రచయిత చంద్రబోస్‌కు, దర్శకుడు రాజమౌళి అండ్‌ RRR చిత్ర బృందానికి అభినందనలు తెలిపారు మాజీ ఉపరాష్ట్రపతి వెంకయ్యనాయుడు.
Congratulations to composer Keeravani garu, lyricist Chandra Bose, ace director Rajamouli garu, & the crew of #RRR movie for making history by winning the prestigious #Oscar Award for the Best Original Song for the popular number, #NaatuNaatu . pic.twitter.com/qbId8Th2NW
— M Venkaiah Naidu (@MVenkaiahNaidu) March 13, 2023
ట్రిపుల్ ఆర్ (RRR) సినిమాలోని ‘‘నాటు నాటు’’ పాటకు ఆస్కార్ అవార్డు లభించడం మర్చిపోలేని మధుర జ్ఝాపకమన్నారు తెలంగాణ బీజేపీ అధ్యక్షుడు, ఎంపీ బండి సంజయ్ కుమార్. విశ్వవేదికపై తొలిసారి భారతీయ సినిమా పాటకు ఆస్కార్ అవార్డు రావడం, అందులోనూ తెలుగు పాట ఆ ఘనత సాధించడం భారతీయులందరికీ ప్రత్యేకించి ప్రపంచంలోని తెలుగు వారందరికీ గర్వకారణమన్నారు. ఇంత గొప్ప పాటను రాసిన చంద్రబోస్, సంగీతం అందించిన ఎం.ఎం.కీరవాణి, పాడిన రాహుల్ సిప్లిగంజ్, కాలభైరవతోపాటు RRR సినిమా చిత్ర యూనిట్ కు, ముఖ్యంగా తెలుగు సినిమాను ప్రపంచస్థాయికి చేర్చిన రాజమౌళి, జూనియర్ ఎన్టీఆర్, రాంచరణ్ కు శుభాకాంక్షలు తెలిపారు.
జక్కన్న బృందానికి శుభాకాంక్షలు తెలిపారు టీపీసీసీ అధ్యక్షుడు రేవంత్ రెడ్డి. అంతర్జాతీయ స్థాయిలో తెలుగు సినిమాకు గొప్ప గుర్తింపు తెచ్చి ఆస్కార్ అవార్డ్ పొందిన సందర్భంగా శుభాకాంక్షలు తెలిపారు. నాటు నాటు పాటకు ఆస్కార్ అవార్డ్ రావడం చరిత్రాత్మకమన్నారు రేవంత్. సినిమా బృందానికి దర్శకుడు రాజమౌళి, పాట రచయిత, గాయకులు, సంగీత దర్శకులు, నటులకు అందరినీ అభినందిస్తూ ప్రకటన విడుదల చేశారు.
ఇది దేశమే గర్వించదగ్గ సమయం అన్నారు బీజేపీ లీడర్‌ విష్ణువర్దన్ రెడ్డి. రాజమౌళి టీంకు ఆయన కంగ్రాట్స్ చెప్పారు.
Wowwww!!!#NaatuNaatu From #RRRMovie becomes the First Indian Song To Win @TheAcademy Award, What A Moment for India.
— Vishnu Vardhan Reddy (@SVishnuReddy) March 13, 2023
Congratulations to the entire team.@tarak9999 @ssrajamouli @AlwaysRamCharan @mmkeeravaani
#Oscars pic.twitter.com/AketpYDXup
ఆర్‌ఆర్‌ఆర్‌ టీం నారా లోకేష్ కంగ్రాట్స్ చెప్పారు.
Wow! This is a proud and historic moment for India! #NaatuNaatu has finally met all expectations to achieve glory at the #Oscars by winning the Academy Award in the Best Original Song category.(1/2) pic.twitter.com/yFawF3fX3q
— Lokesh Nara (@naralokesh) March 13, 2023
టాప్ హెడ్ లైన్స్
ట్రెండింగ్ వార్తలు
