India First Flex Fuel WagonR: మారుతి నుంచి ఇండియాలోనే మొదటి ఫ్లెక్స్ ఫ్యూయల్ కార్ లాంచ్: ఇథనాల్ తో నడిచే వ్యాగన్ ఆర్ వెర్షన్ రెడీ..
వరల్డ్ ఎన్విరాన్మెంట్ డే సందర్భంగా మారుతి సుజుకి ఇండియాలోనే మొదటి ఇథనాల్ ఫ్లెక్స్ ఫ్యూయల్ వ్యాగన్ ఆర్ కార్ ను అఫీషియల్ గా లాంచ్ చేసింది.
Maruti Suzuki Unveils India First Flex Fuel WagonR: ఇండియా ఆటోమొబైల్ మార్కెట్ లో మోస్ట్ పాపులర్ కార్ మేకర్ మారుతి సుజుకి సరికొత్త రికార్డ్ క్రియేట్ చేసింది. జూన్ 5న రాబోయే ప్రపంచ పర్యావరణ దినోత్సవాన్ని పురస్కరించుకుని దేశంలోనే మొట్టమొదటి ఫ్లెక్స్ ఫ్యూయల్ కార్ 'వ్యాగన్ ఆర్' (WagonR) ను ఆవిష్కరించింది. ఈ సరికొత్త హ్యాచ్బ్యాక్ కార్ ఏకంగా ఈ85 (E85) ఇంధనం అంటే 85 శాతం ఇథనాల్ బ్లెండ్ గల పెట్రోల్ తో నడిచే కెపాసిటీని కలిగి ఉంటుంది. ఈ గ్రాండ్ లాంచ్ ఈవెంట్ కు కేంద్ర రోడ్డు రవాణా శాఖ మంత్రి నితిన్ గడ్కరీ, కేంద్ర పెట్రోలియం శాఖ మంత్రి హర్దీప్ సింగ్ పూరి ముఖ్య అతిథులుగా హాజరయ్యారు. సాంప్రదాయ ఫాజిల్ ఫ్యూయల్స్ నుంచి క్లీన్ ఎనర్జీ వైపు ఇండియా వేగంగా అడుగులు వేయడానికి ఈ కార్ లాంచ్ ఒక కీలకమైన మైలురాయి కానుంది.
కాలుష్యం తగ్గించడమే లక్ష్యం..
సాధారణ పెట్రోల్ కార్లతో పోలిస్తే ఇథనాల్ బ్లెండ్ ఇంధనాల వల్ల సైలెన్సర్ నుంచి వచ్చే హానికరమైన ఉద్గారాలు భారీగా తగ్గుతాయి. దీనివల్ల క్రూడ్ ఆయిల్ దిగుమతులు కూడా తగ్గుతాయని ఇండో-జాపనీస్ ఆటోమొబైల్ జెయింట్ మారుతి సుజుకి స్పష్టం చేసింది. ఆటోమొబైల్ రంగానికి అవసరమైన ఇంధన భద్రతను అందించాలనే కేంద్ర ప్రభుత్వ లక్ష్యానికి అనుగుణంగానే ఈ ఇనిషియేటివ్ తీసుకున్నట్లు కంపెనీ తెలిపింది. ఈ ఫ్లెక్స్ ఫ్యూయల్ వ్యాగన్ ఆర్ లో ఎక్కువ శాతంలో ఉండే ఇథనాల్ ను తట్టుకోవడానికి వీలుగా నూతన ఫ్యూయల్ డెలివరీ కాంపోనెంట్స్, ప్రత్యేక మెటీరియల్స్, రివైజ్డ్ ఇంజిన్ కాలిబ్రేషన్ సిస్టమ్ ను వాడారు. ఇందులో ఉండే అడ్వాన్స్డ్ పవర్ట్రెయిన్ మేనేజ్మెంట్ సిస్టమ్ ఇంధనంలో ఉన్న ఇథనాల్ శాతాన్ని బట్టి ఫ్యూయల్ ఇంజెక్షన్, కంబషన్ పారామీటర్లను రియల్ టైమ్ లో అడ్జస్ట్ చేస్తూ బెస్ట్ పర్ఫార్మెన్స్ ను ఇస్తుంది.
అందరికీ అందుబాటులో ఉండే బడ్జెట్ కార్..
ఇండియా మార్కెట్ లో మోస్ట్ సక్సెస్ ఫుల్ మోడల్స్ లో ఒకటైన వ్యాగన్ ఆర్ కార్ ను మొదటి ఫ్లెక్స్ ఫ్యూయల్ మోడల్ గా తీసుకురావడం ఒక మంచి డెసిషన్ అని ఇండస్ట్రీ నిపుణులు అంచనా వేస్తున్నారు. దీని రీజనబుల్ ప్రైస్ రేంజ్ వల్ల దేశంలోని మిడిల్ క్లాస్ కస్టమర్లకు కూడా ఇథనాల్ టెక్నాలజీ ఈజీగా అందుబాటులోకి వస్తుంది. ఈ లాంచ్ పై కేంద్ర మంత్రి నితిన్ గడ్కరీ మాట్లాడుతూ ప్రతి సంవత్సరం ఇండియా భారీగా క్రూడ్ ఆయిల్ దిగుమతి చేసుకుంటోందని, ఇథనాల్ లాంటి బయో ఫ్యూయల్స్ వల్ల ఈ డిపెండెన్సీ తగ్గుతుందని అన్నారు. ఈ ఫ్లెక్స్ ఫ్యూయల్ వెహికల్స్ వల్ల ఇథనాల్ కు మార్కెట్ లో మంచి డిమాండ్ ఏర్పడి గ్రామీణ ఎకానమీ బలోపేతం అవుతుందని, మన రైతులకు మేలు జరుగుతుందని ఆశాభావం వ్యక్తం చేశారు. ఫస్ట్ కార్ ను తెచ్చినందుకు మారుతి సుజుకిని అభినందించారు.
అన్నదాతల నుంచి ..
కేంద్ర పెట్రోలియం శాఖ మంత్రి హర్దీప్ సింగ్ పూరి మాట్లాడుతూ ప్రధానమంత్రి నరేంద్ర మోదీ లీడర్ షిప్ లో ఇండియా ఇథనాల్ జర్నీ అద్భుతంగా సాగుతోందని అన్నారు. ఈ ప్రాసెస్ ద్వారా మన దేశ రైతులు 'అన్నదాతల' నుంచి 'ఊర్జదాతలుగా' అంటే ఇంధనాన్ని ఇచ్చే వారిగా మారుతున్నారని ప్రశంసించారు. ఫ్లెక్స్ ఫ్యూయల్ కార్ల వల్ల దేశానికి విదేశీ మారక ద్రవ్యం ఆదా అవ్వడంతో పాటు పర్యావరణానికి క్లీన్ ఎనర్జీ దక్కుతుందని తెలిపారు. రాబోయే రోజుల్లో ఇతర ఆటోమొబైల్ కంపెనీలు కూడా తమ ఫ్లెక్స్ ఫ్యూయల్ మోడళ్లను లాంచ్ చేయడానికి, ఆయిల్ కంపెనీలు ఇథనాల్ డిస్ట్రిబ్యూషన్ నెట్వర్క్ ను పెంచడానికి ఈ ఇనిషియేటివ్ ఒక గట్టి బూస్ట్ ఇస్తుందని మంత్రులు స్పష్టం చేశారు.
టాప్ హెడ్ లైన్స్
ట్రెండింగ్ వార్తలు
