Viral Video: ట్రెడ్మిల్ చేస్తూ జిమ్లో కుప్ప కూలిన వ్యక్తి, గుండెపోటుతో మృతి - వీడియో
Viral News: ఘజియాబాద్లోని జిమ్లో ఓ వ్యక్తి ట్రెడ్మిల్ చేస్తుండగా ఒక్కసారిగా కుప్ప కూలిపోయాడు. అక్కడికక్కడే ప్రాణాలు కోల్పోయాడు. గుండెపోటుతో చనిపోయి ఉంటాడని అనుమానిస్తున్నారు.
Man Collapses in Gym: వ్యాయామం చేస్తే ఫిట్గా ఉంటామనే ఆరాటంలో చాలా మంది గంటల కొద్దీ జిమ్లో గడుపుతున్నారు. ఇదే ప్రాణాలు తీస్తోంది. జిమ్లో ఎక్సర్సైజ్ చేస్తూనే కుప్ప కూలి మృతి చెందుతున్న ఘటనలు పెరుగుతున్నాయి. ఘజియాబాద్లో ఇదే విషాదం జరిగింది. ట్రెడ్మిల్ చేస్తున్న వ్యక్తి ఒక్కసారిగా కింద పడిపోయాడు. గుండెపోటుతో మృతి చెందాడు. అక్కడి సీసీ కెమెరాలో ఈ దృశ్యాలు రికార్డ్ అయ్యాయి. ఇన్సూరెన్స్ ఏజెంట్గా పని చేస్తున్న బాధితుడు ట్రెడ్మిల్ చేస్తుండగా ఉన్నట్టుండి కుప్ప కూలిపోయాడు. ఆ తరవాత కాసేపటికే ప్రాణాలు కోల్పోయాడు. గుండెపోటుతోనే చనిపోయి ఉంటాడని పోలీసులు అనుమానిస్తున్నారు. పోస్ట్మార్టం రిపోర్ట్ తరవాతే దీనిపై ఓ క్లారిటీ వస్తుందని వెల్లడించారు. అయితే...బాధితుడు కింద పడిపోయినప్పుడు మరో వ్యక్తి వచ్చి సీపీఆర్ చేసేందుకు ప్రయత్నించాడు. ఆ తరవాత మరో వ్యక్తి కూడా వచ్చి సాయం అందించాడు. కానీ అప్పటికే బాధితుడు మృతి చెందాడు.
An insurance agent died while running on a treadmill inside a gym in Wave City police station area of #Ghaziabad. It is suspected that he died due to a #heartattack. Police say that the cause of death will be clear only after the post-mortem report comes.#UttarPradesh #viral pic.twitter.com/LCah0yQB2G
— Siraj Noorani (@sirajnoorani) August 2, 2024
గత నెల కూడా ఇలాంటి ఘటనే జరిగింది. ఛత్రపతి సాంబాజీనగర్లోని జిమ్లో 54 ఏళ్ల బిజినెస్మేన్ జిమ్లోనే ఎక్సర్సైజ్ చేస్తూ గుండెపోటుతో ప్రాణాలు కోల్పోయాడు. వార్మప్ చేసిన వెంటనే చనిపోయాడు. జిమ్ సిబ్బంది వెంటనే స్పందించి హాస్పిటల్కు తరలించింది. అప్పటికే మృతి చెందినట్టు వైద్యులు ధ్రువీకరించారు.
Also Read: Viral News: తాజ్మహల్లో షాజహాన్ సమాధి వద్ద గంగాజలంతో అభిషేకం, ఇద్దరు అరెస్ట్ - వీడియో
టాప్ హెడ్ లైన్స్
ట్రెండింగ్ వార్తలు
