Viral Video: పీక నొక్కుతూ, జుట్టు పట్టుకుని ఈడ్చుకుంటూ- విద్యార్థిపై టీచర్ ప్రతాపం!
Viral Video: ఓ స్టూడెంట్‌ను టీచర్ విచక్షణారహితంగా కొట్టిన వీడియో సోషల్ మీడియాలో వైరల్ అవుతోంది.
Viral Video: ఓ విద్యార్ధిపై టీచర్ అత్యంత దారుణంగా ప్రవర్తించాడు. ఇష్టమొచ్చినట్టు కొట్టాడు. నేలపై పడేసి పిడిగుద్దులు కురిపించాడు. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది.
ఇదీ జరిగింది
మధ్యప్రదేశ్‌లోని రేవా జిల్లాలో ఈ ఘటన జరిగింది. ఆ ప్రాంతంలోని ఓ స్కూల్‌లో బాధిత విద్యార్థి 8వ తరగతి చదువుతున్నాడు. సదరు విద్యార్థిపై ఉపాధ్యాయుడు సందీప్ భారతి దాడి చేశాడు. ఇష్టం వచ్చినట్టు చితకబాదాడు. గొంతు నొక్కి పిడిగుద్దులు కురిపించాడు. విద్యార్థిని నేలపై పడేసి జుట్టు పట్టుకుని ఈడ్చుకుంటూ వెళ్లాడు. ఆ దెబ్బలు తట్టుకోలేక విద్యార్థి విలవిల్లాడిపోయాడు. ఒకానొక సమయంలో ఎదురుతిరిగే ప్రయత్నం చేశాడు.
MP: दरिंदा शिक्षक की बेरहमी से छात्र की पिटाई का वीडियो वायरल, रीवा जिले के गुढ़ तहसील क्षेत्र अंतर्गत खजुहा हायर सेकेंडरी विद्यालय का मामला, विद्यालय में कक्षा 8 में अध्ययनरत है छात्र। @KashifKakvi @IG_Rewa @SP_Rewa @CMMadhyaPradesh @KavitaPandeyINC @theobclive @obcricha pic.twitter.com/oWKTbpnrjX
— ओबीसी महासभा मध्यप्रदेश (@OBC_MP) September 29, 2022
దీంతో టీచర్ మరింత రెచ్చిపోయాడు. విద్యార్థి లేచి ముందుకు వెళ్తున్న క్రమంలో టీచర్ మరోసారి అతడిని చితకబాదాడు. మెడపట్టుకుని ముందకు నెట్టివేశాడు. ఇదంతా చూస్తున్న మిగతా టీచర్లు, విద్యార్థులు మాత్రం టీచర్‌ను అడ్డుకునే ప్రయత్నం చేయలేదు. ఈ ఘటనను ఎవరో వీడియో తీసి సోషల్ మీడియాలో షేర్ చేశారు. దీంతో ఈ వీడియో వైరల్ అవుతోంది.
ఎఫ్ఐఆర్
ఈ వీడియో పోలీసుల దృష్టికి రావడంతో విద్యార్థి తల్లిదండ్రులతో సంప్రదించిన తర్వాత టీచర్‌పై ఎఫ్ఐఆర్ నమోదు చేశామని రేవా ఎస్‌పీ నవనీత్ భాసిన్ తెలిపారు.
అయితే విద్యార్థిని టీచర్ అంతలా ఎందుకు కొట్టాడనే విషయం తెలియలేదు. నెటిజన్లు మాత్రం ఆ టీచర్‌ను వెంటనే సస్పెండ్ చేయాలని ట్వీట్లు చేస్తున్నారు.
టాప్ హెడ్ లైన్స్
ట్రెండింగ్ వార్తలు
