Iran Hijab Protest: జుట్టు కత్తిరించుకుని, హిజాబ్‌లు తొలగించి నిప్పంటించిన మహిళలు- ప్రభుత్వ తీరుపై ఆగ్రహం

Iran Hijab Protest: ఇరాన్‌లో మహిళలు రోడ్లపైకి వచ్చి హిజాబ్‌లు తొలగిస్తూ నిరసనలు చేపడుతున్నారు.

ఇరాన్‌ మహిళలు హిజాబ్‌కు వ్యతిరేకంగా పోరాడుతున్నారు. (Image Credits: Twitter)

Iran Hijab Protest: ప్రపంచవ్యాప్తంగా హిజాబ్‌పై వివాదం కొనసాగుతూనే ఉంది. కొందరు హిజాబ్ ధరించడాన్ని సపోర్ట్ చేస్తుంటే..ఇంకొందరు ఈ కాలంలో ఈ నిబంధన ఎందుకు అని వాదిస్తున్నారు. ఒక్కోసారి ఇది సమాజంలో అలజడికీ కారణమవుతోంది. ఆ మధ్య కర్ణాటకలో దీనిపై ఎంత పెద్ద ఘర్షణలు జరిగాయో చూశాం. ఇప్పుడు ఇరాన్‌లోనూ హిజాబ్ విషయమై పెద్ద ఎత్తున నిరసనలు కొనసాగుతున్నాయి.

పశ్చిమ ఇరాన్‌లో మహిళలు ఆందోళనలు చేపడుతున్నారు. సెప్టెంబర్ 17న ఓ పోలీస్ అధికారి హిజాబ్‌ను తప్పనిసరిగా ధరించాలని ఓ యువతిపై ఒత్తిడి తీసుకొచ్చాడు. ఆమె హిజాబ్ ధరించనుందుకు అరెస్ట్ కూడా చేశాడు. ఈ క్రమంలోనే ఆమె మృతి చెందింది. 22 ఏళ్ల మహ్‌సా అమినిని పోలీసులే హింసించి చంపారని ఇరాన్ మహిళలు నినదించారు. రోడ్డుపైనే హిజాబ్‌లు తొలగించి నిరననలు వ్యక్తం చేశారు. కొంతమంది ప్రభుత్వానికి వ్యతిరేకంగా నినాదాలు చేస్తూ తమ జుట్టును కత్తిరించుకుని, వారి హిజాబ్‌లకు నిప్పంటించారు.

Iranian women show their anger by cutting their hair and burning their hijab to protest against the killing of #Mahsa_Amini by hijab police.
From the age of 7 if we don’t cover our hair we won’t be able to go to school or get a job. We are fed up with this gender apartheid regime pic.twitter.com/nqNSYL8dUb

— Masih Alinejad 🏳️ (@AlinejadMasih) September 18, 2022

యువతి మరణానికి కారణమైన పోలీస్‌ని అరెస్ట్ చేయాలని డిమాండ్ చేశారు. కొందరు జర్నలిస్ట్‌లు కూడా మహిళలకు మద్దతుగా నిలిచారు. "ఇరాన్‌లో హిజాబ్ ధరించకపోవటం శిక్షార్హమైన నేరమైపోయింది. దీన్ని ఖండించేందుకు దేశమంతా ఒక్కటి కావాలి" అని ట్విటర్ వేదికగా పోస్ట్‌లు చేశారు. ఇంకొందరు పోలీసుల వైఖరికి వ్యతిరేకంగా సోషల్ మీడియాలో పోస్ట్‌లు పెడుతున్నారు. ఇప్పుడే కాదు. కొంత కాలంగా హిజాబ్‌పై ఇరాన్‌లోప్రభుత్వం, మహిళల మధ్య ఇలాంటి ఘర్షణ వాతావరణమే ఉంది. 

Women of Iran-Saghez removed their headscarves in protest against the murder of Mahsa Amini 22 Yr old woman by hijab police and chanting:

death to dictator!

Removing hijab is a punishable crime in Iran. We call on women and men around the world to show solidarity. #مهسا_امینی pic.twitter.com/ActEYqOr1Q

— Masih Alinejad 🏳️ (@AlinejadMasih) September 17, 2022

Iran: Anti-regime protests erupted in Sanandaj tonight. A banner of former IRGC’s Quds commander, Gen. Soleimani took down by the people. #MahsaAmini pic.twitter.com/0l6LHcCF41

— Ali Kheradpir (@AliKheradpir) September 17, 2022

దాడి చేయలేదు

ప్రభుత్వం మరీ క్రూరంగా ప్రవర్తిస్తోందని మహిళలు తీవ్ర స్థాయిలో మండి పడుతున్నారు. కావాలనే కొందరు మహిళలు రోడ్లపైకి వచ్చి హిజాబ్‌లను తొలగిస్తున్నారు. పోలీసులు మాత్రం ఆ యువతి మరణానికి తమకు ఎలాంటి సంబంధం లేదని వివరణ ఇస్తున్నారు. అరెస్ట్ అయ్యే సమయానికే ఆమె అనారోగ్యంతో బాధ పడుతోందని, ఆ తరవాత అనుకోకుండా ఆమె చనిపోయిందని చెబుతున్నారు. ఆమెపై భౌతికంగా ఎలాంటి దాడి చేయలేదని స్పష్టం చేస్తున్నారు. కానీ...మహిళల ఆగ్రహావేశాలు మాత్రం చల్లారడం లేదు.