Indian Railway Rules: వేరే కోచ్‌లో ఎక్కి టీటీఈకి దొరికిపోతే ఏం చేస్తారు ? మీ సీటు ఇతరులకు ఎప్పుడు కేటాయిస్తారు
కష్టపడి రైలు టికెట్ బుక్ చేసుకున్నాక, మీరు కంగారులో వేరే కోచ్ ఎక్కి TTEకి దొరికినా ఏ సమస్యా ఉండదు. కన్ఫామ్ టికెట్ ఉంటే వారిని సరైన కోచ్‌కు వెళ్లాలని సూచిస్తారు.
Train Ticket Booking | భారత్‌లో ఎక్కువ దూరం ప్రయాణించడానికి రైలు మార్గాన్ని ఎంచుకుంటారు. ఎందుకంటే జర్నీ సౌకర్యవంతంగా ఉండటంతో పాటు తక్కువ ఖర్చుతో ప్రయాణించవచ్చు. దేశంలో ప్రతిరోజూ కోట్లాది మంది రైళ్లలో ప్రయాణిస్తున్నారు. అయితే రైల్వేస్టేషన్లలో రద్దీ, తొందరపాటు, భారీ లగేజీ, ప్లాట్‌ఫారమ్‌ల గందరగోళంలో కొన్నిసార్లు చిన్న పొరపాట్లు జరుగుతుంటాయి. అలాంటి తప్పిదాలలో ఒక తప్పిదం మీరు రైలులో వేరే కోచ్‌లో ఎక్కడం లాంటివి. భారత్‌లోని చాలా రైళ్లలో కోచ్‌లు ఒకదానికొకటి అనుసంధానమై ఉంటాయి. అందువల్ల ప్రయాణికులు తొందరపాటులో లేదా రద్దీ కారణంగా కొన్నిసార్లు వేరే బోగీలో ఎక్కుతారు. కానీ అది తమ సీటు కాదని త్వరగానే గ్రహిస్తారు.
మీరు ప్లాన్ చేసుకుని టికెట్ బుక్ చేసుకోగా సీటు లేదా బెర్త్ మీకు కన్ఫర్మ్ అవుతుంది. కానీ మీరు వేరే కోచ్‌లో ఎక్కడంతో రైలు బయలుదేరిన వెంటనే, TTE వస్తారు. మీరు ఇంకా మీ సీటు వద్దకు చేరుకోకపోతే, మీ సీటును మరొకరికి ఇస్తారా, మరో కోచ్‌లో ఎక్కినందుకు జరిమానా విధిస్తారా అని కొందరు ఆందోళన చెందుతుంటారు. అలాంటి సమయంలో ఆందోళన చెందవద్దు, అప్పుడు టీటీఈ ఏ నిర్ణయం తీసుకుంటారు, మీరు ఏం చేయాలో ఇక్కడ వివరాలు తెలుసుకోండి.
పొరపాటున వేరే కోచ్‌లో ఎక్కితే మీ సీటు పోతుందా?
మీ దగ్గర కన్ఫర్మ్ టికెట్ ఉంటే, మీ సీటును వెంటనే మరొకరికి ఇవ్వడం కుదరదు. సీటుకు చేరుకునే ముందే TTE మీకు కనిపిస్తే, మీరు పొరపాటున తప్పు కోచ్‌లో ఎక్కారని వారికి వివరించాలి. మీ టికెట్‌ను టీటీఈకి చూపించండి. మీ సీటు, బెర్త్ ఉన్న కోచ్‌కి వెళ్లడానికి మిమ్మల్ని అనుమతిస్తారు. తప్పు కోచ్‌లో రైలు ఎక్కడం ద్వారా మీరు సీటు కోల్పోరు.
మీ సీటు ఎప్పుడు పోవచ్చు?
రైల్వే నిబంధనల ప్రకారం ప్రయాణికుడు తన సరైన కోచ్, సీటుకు చాలాసేపు చేరుకోకపోతే.. ఇక ప్రయాణికుడు రాడని TTE భావిస్తే, రైలు 2 స్టేషన్లు దాటిన తర్వాత TTE ఆ సీటును RAC లేదా వెయిటింగ్ లిస్ట్ ప్రయాణికుడికి కేటాయిస్తారు. అయితే, మీరు TTEకి చెప్పినట్లయితే లేదా మీరు మీ సీటున్న కోచ్ వైపు వెళ్లి త్వరగా చేరుకుంటే మీ సీటు ఇతరులకు కేటాయించే అవకాశం లేదు.
వేరే కోచ్‌లో ఉంటే జరిమానా విధిస్తారా?
మీ దగ్గర వ్యాలిడ్ అయ్యే కన్ఫర్మ్ టికెట్ ఉండి, మీరు మీ సరైన కోచ్‌కి వెళ్తున్నట్లు అయితే సాధారణంగా ఎటువంటి జరిమానా ఉండదు. టికెట్ లేకుండా ప్రయాణిస్తే TTE మిమ్మల్ని నేరం చేసిన వ్యక్తిగా పరిగణించి రైల్వే నిబంధనల ప్రకారం జరిమానా విధిస్తారు. టీటీఈ కేవలం నిర్దిష్ట ఛార్జీలు లేదా జరిమానా మాత్రమే వసూలు చేయవచ్చు. ఆ సమయంలో టీటీఈ నుంచి మీరు రసీదు తీసుకోవాలి.
టికెట్ లేకపోతే రైలు నుండి దించేస్తారా?
మీరు వెయిటింగ్ టికెట్‌తో స్లీపర్ లేదా AC కోచ్‌లో ఉండి సీటు దొరకకపోతే, మిమ్మల్ని జనరల్ కోచ్‌కి పంపే ఛాన్స్ ఉంది. మహిళలు, వృద్ధులు, అనారోగ్యంతో ఉన్న ప్రయాణికుల విషయంలో TTE ప్రత్యేక జాగ్రత్తలు తీసుకుంటారు. అనవసరంగా ప్రయాణికులను రైలు నుంచి కిందకు దించరు. మీ వద్ద టికెట్ లేకపోతే జరిమానా విధిస్తారు.
టాప్ హెడ్ లైన్స్
ట్రెండింగ్ వార్తలు
