Indian couple: పెళ్లి ఖర్చుతో ఇల్లు కొని అందులోనే పెళ్లి చేసుకున్నారు - ఈ జంట ప్లానింగ్ అదుర్స్ !
Expensive wedding:ఆర్భాటాల పెళ్లిళ్లకు స్వస్తి చెప్పి, ఆ డబ్బుతో సొంత ఇంటి కలను నిజం చేసుకున్న ఒక భారతీయ జంట కథ ఇది. అదే ఇంట్లో సింపుల్గా పెళ్లి కూడా పూర్తి చేసుకున్నారు.
Indian couple skipped expensive wedding and bought a house: నేటి కాలంలో పెళ్లి అంటేనే కోట్లాది రూపాయల ఖర్చు, ఆడంబరాలు, ఆర్భాటాల మయం. కానీ, ఆ ధోరణికి భిన్నంగా ఆలోచించింది ఒక భారతీయ జంట. కేవలం ఒక్కరోజు వేడుక కోసం లక్షల రూపాయలు తగలేయడం కంటే, జీవితాంతం నీడను ఇచ్చే సొంత ఇల్లు ముఖ్యం అని భావించి వారు తీసుకున్న నిర్ణయం ఇప్పుడు అందరినీ ఆశ్చర్యపరుస్తోంది. ఖరీదైన డెస్టినేషన్ వెడ్డింగ్స్, భారీ ఫంక్షన్ హాల్స్ వైపు వెళ్లకుండా, ఆ పొదుపు చేసిన సొమ్ముతో వారు ఒక ఇంటిని కొనుగోలు చేశారు.
కొత్త ఇంట్లోనే శుభకార్యం
ఈ జంట కేవలం ఇల్లు కొనడమే కాదు, తమ వివాహాన్ని కూడా అదే కొత్త ఇంట్లో జరుపుకోవడం విశేషం. అతిథుల కోసం భారీగా ఖర్చు చేయకుండా, ఆత్మీయుల సమక్షంలో అత్యంత నిరాడంబరంగా తమ కలల సౌధంలోనే మూడు ముళ్ల బంధంతో ఒక్కటయ్యారు. మా పెళ్లికి అయిన ఖర్చు సున్నా.. కానీ మాకు దక్కిన ఆస్తి విలువ ఎంతో విలువైనది అంటూ వారు గర్వంగా చెప్తున్నారు.
ఈ జంట తమ వివాహ వేడుకకు సంబంధించిన దృశ్యాలను సోషల్ మీడియాలో పంచుకోగా, అది కాస్తా క్షణాల్లో వైరల్ అయ్యింది. ఖాళీగా ఉన్న కొత్త ఇంట్లో, సాదాసీదా దుస్తులతో, ఎంతో సంతోషంగా వారు ప్రమాణాలు చేస్తున్న తీరు నెటిజన్లను విపరీతంగా ఆకట్టుకుంది. పెళ్లికి వేల సంఖ్యలో అతిథులు రావాల్సిన పనిలేదు, మనం ఉండే ఇంటి గోడలు సాక్ష్యంగా ఉంటే చాలు అన్న సందేశాన్ని వీరు ఇచ్చారు.
ఆర్థిక ప్రణాళికే కీలకం
పెళ్లి పేరుతో చేసే అప్పులు, ఆ తర్వాత పడే ఆర్థిక ఇబ్బందుల కంటే.. ఇలాంటి ఆచరణాత్మక నిర్ణయాలు తీసుకోవడమే మేలని ఈ జంట నిరూపించింది. యువతలో మారుతున్న ఆలోచనా దృక్పథానికి ఇదొక నిదర్శనంగా నిలుస్తోంది. కేవలం ప్రదర్శన కోసం కాకుండా, భవిష్యత్తు భద్రత కోసం పెట్టుబడి పెట్టడం గొప్ప విషయమని ఆర్థిక నిపుణులు సైతం ఈ జంటను ప్రశంసిస్తున్నారు.
A couple chose to invest in an apartment & got married in a private ceremony - beginning new journey from their 🏡
— Arnaz Hathiram Jain (@ArnazHathiram) February 6, 2026
While it is a personal choice, Indians do need to reflect upon whether crores need to be spent on mindless show offs, only to please guests who may never bless you… pic.twitter.com/5sorNoAWU9
సోషల్ మీడియా వేదికగా ఈ వార్తపై నెటిజన్లు రకరకాలుగా స్పందిస్తున్నారు. "అనవసరపు ఖర్చులను తగ్గించి, జీవితంలో నిజమైన స్థిరత్వాన్ని ఎంచుకున్నారు" అని ఒకరు కామెంట్ చేయగా, "ఇది కదా అసలైన వెడ్డింగ్ గోల్ అంటే!" అని మరొకరు అభినందించారు. ఆర్భాటాలకు వెళ్లే యువతకు ఈ జంట ఒక సరికొత్త మార్గాన్ని చూపించిందని చెప్పవచ్చు.
టాప్ హెడ్ లైన్స్
ట్రెండింగ్ వార్తలు
