(Source: ECI/ABP News)
Bitcoin: బిట్ కాయిన్ పెట్టుబడిదారులకు రక్త కన్నీరు - సగానికి పడిపోయిన ధర
Bitcoin crisis: బిట్ కాయిన్లు పెట్టుబడిదారులకు రక్తకన్నీరు పెట్టిస్తున్నాయి. సగానికి సగం విలువ తగ్గిపోయింది.
Bitcoin crisis escalates as value plunges in half: ప్రస్తుతం అంతర్జాతీయ క్రిప్టో మార్కెట్లో పెను ప్రకంపనలు రేగుతున్నాయి. ప్రపంచంలోనే అతిపెద్ద డిజిటల్ కరెన్సీ అయిన బిట్కాయిన్ (Bitcoin) విలువ దారుణంగా పడిపోతోంది. గత ఏడాది అక్టోబర్లో 1,26,000 డాలర్ల మార్కును తాకిన బిట్కాయిన్, ప్రస్తుతం సుమారు సగం విలువను కోల్పోయి 67,000 డాలర్ల స్థాయికి చేరుకుంది. ఈ భారీ పతనం ఇన్వెస్టర్లలో ఆందోళన కలిగిస్తోంది.
అంతర్జాతీయంగా ఇన్వెస్టర్లు క్రిప్టో వంటి అత్యంత రిస్క్ ఉన్న ఆస్తుల నుంచి తమ పెట్టుబడులను వేగంగా వెనక్కి తీసుకుంటున్నారు. ముఖ్యంగా అమెరికాలోని స్పాట్ బిట్కాయిన్ ఈటీఎఫ్ ల నుంచి జనవరి నెలలోనే సుమారు 3 బిలియన్లకు పైగా నిధులు తరలిపోవడం మార్కెట్పై తీవ్ర ప్రభావం చూపింది. డొనాల్డ్ ట్రంప్ తన రెండో పదవీకాలంలో భాగంగా కెవిన్ వార్ష్ ను ఫెడ్ చైర్మన్గా నామినేట్ చేయడం మార్కెట్లో అనిశ్చితికి దారితీసింది. ఆయన కఠినమైన ద్రవ్య విధానాలను అనుసరిస్తారన్న భయంతో, వడ్డీ రేట్ల తగ్గింపు నెమ్మదించవచ్చని భావిస్తున్న ఇన్వెస్టర్లు క్రిప్టోను విక్రయించి నగదు వైపు మొగ్గు చూపుతున్నారు.
The average cost to mine a single Bitcoin is now over $90,000. The price of Bitcoin has collapsed to $67,000. Everyone mining Bitcoin at the moment is losing a fortune. pic.twitter.com/oERwZCaPso
— Jake Broe (@RealJakeBroe) February 5, 2026
మార్కెట్లో ధరలు పడిపోవడంతో ఒక్కరోజులోనే దాదాపు 1 బిలియన్ డాలర్ల విలువైన బిట్కాయిన్ పొజిషన్లు ఆటోమేటిక్గా క్లోజ్ అయ్యాయి. దీనివల్ల ఒకరు విక్రయిస్తే మరొకరు విక్రయించాల్సి వచ్చే చైన్ రియాక్షన్ మొదలై, ధరలు నిమిషాల వ్యవధిలో కుప్పకూలాయి. మైక్రోస్ట్రాటజీ వంటి దిగ్గజ కంపెనీల షేర్లు కూడా ఈ ప్రభావంతో భారీగా నష్టపోయాయి. ప్రస్తుతం కృత్రిమ మేధ రంగంపై ఉన్న హైప్ తగ్గుతుండటం, టెక్నాలజీ స్టాక్స్ నష్టపోవడం కూడా బిట్కాయిన్పై ఒత్తిడి పెంచింది. బిట్కాయిన్ మైనర్లు తమ కార్యకలాపాల కోసం నిధులను సేకరించేందుకు భారీగా కాయిన్లను విక్రయిస్తుండటం కూడా ఈ సంక్షోభానికి మరో కారణం.
I promised, if #Bitcoin dumps to $66,000.
— Crypto Godfather (@CryptoGFishere) February 5, 2026
We will give $10,000 $BTC to 5 people
So as promised I will be giving away
$10,000 to 5 person today.
Rules: like, retweet, follow me
• If you’re not following, you will be disqualified.
Proof will be posted in 24 hours pic.twitter.com/AoGpgm5MRW
ప్రస్తుతానికి బిట్కాయిన్కు 60,000 డాలర్ల స్థాయి కీలక సపోర్ట్గా ఉంది. ఒకవేళ ధర అంతకంటే దిగువకు పడిపోతే, అది మరింత పతనమయ్యే అవకాశం ఉందని విశ్లేషకులు హెచ్చరిస్తున్నారు. క్రిప్టో కరెన్సీలో కేవలం బిట్ కాయిన్లే కాక ఇతర అన్ని క్రిప్టోల ధరలు తగ్గుతున్నాయి. కానీ బిట్ కాయిన్లు తగ్గిపోవడం వల్ల పెట్టుబడిదారులు తీవ్రంగా నష్టపోతున్నారు.
టాప్ హెడ్ లైన్స్
ట్రెండింగ్ వార్తలు
