Chittorgarh White Crow: కాకులన్నీ నలుపే కాదండోయ్ తెల్లవి కూడా ఉంటాయి, కావాలంటే చూడండి!

 Chittorgarh White Crow: నల్ల కాకులే కాదండోయ్ ఈ భూ ప్రపంచం మీద తెల్ల కాకులు కూడా ఉన్నాయి. చిత్తోర్ గఢ్ కు చెందిన ఓ పక్షి ప్రేమికుడు ఓ తెల్ల కాకి ఫొటోను కెమెరాలో బంధించాడు. మీరూ ఓ లుక్కేయండి.

కాకులన్నీ నలుపే కాదండోయ్ - తెల్లకాకులు కూడా ఉంటాయి, కావాలంటే చూడండి!

Chittorgarh White Crow: కాకులు తరచుగా ఇంటి పైకప్పులపై వాలడం మనకు కనిపిస్తూ ఉంటుంది. కాకి అనే పేరు వినగానే మన మదిలో.. అది చేసే అరుపులు, దాని నల్లటి రూపమే కదలాడుతుంది. ఈ పక్షిపై అనేక పాటలు, సామెతలు కూడా పుట్టుకొచ్చాయి. కాకి నల్లగా మాత్రమే కాకుండా తెల్లగా కూడా ఉంటుందని చెబితే.. ఎవరూ నమ్మరు. కానీ అది నిజంగానే జరిగింది. రాజస్థాన్ లోని చిత్తోర్‌గఢ్ జిల్లాలోని బేగు ప్రాంతంలో ఓ పక్షి ప్రేమికుడు తెల్ల కాకిని చూసి తన కెమెరాలో బంధించాడు. ఇక్కడ కనిపించే కాకి మరింత తెలుపు రంగును కలిగి ఉంటుంది. కానీ దానితో పాటు పసుపు మరియు కొన్ని నలుపు ఈకలు కూడా ఉన్నాయి. దీన్ని తన కెమెరాతో బంధించిన పక్షి ప్రేమికుడు రాజు సోని మాట్లాడుతూ.. ఏదైనా పక్షి సాధారణ రంగులో కాకుండా వేరే రంగులో కనిపించడం పక్షి ప్రేమికులలతో పాటు ఇతరులను చాలా ఉత్సాహానికి గురి చేస్తుందని వివరించారు. 

దీని కారణంగా తరచుగా సాధారణం కంటే భిన్నంగా కనిపించే పక్షుల వీక్షణలను నివేదించడం చాలా ముఖ్యమన్నారు. చిత్తోర్‌గఢ్ జిల్లాలోని బేగు తహసీల్‌లోని అవల్హెడ గ్రామంలో ఇలాంటి అరుదైన లూసిస్టిక్ హౌస్ కాకి (తెల్ల కాకి) కనిపించిందని చెప్పారు. ఇది బహుశా రాజస్థాన్‌లోని దేశీయ కాకిలో లూసిజంలో మొదటి కేసు అని.. స్థానిక పక్షి ప్రేమికులు, పక్షి శాస్త్రవేత్తలకు ఇది ఉత్సుకత కలిగించే విషయం అని వెల్లడించారు.

కాకితో సాధారణ జీవితాలు.. 

రాజు సోని సెప్టెంబరు 2021లో అవల్హెడ గ్రామంలో ఓ ఇంటిపై ఉన్న యాంటీనాపై కూర్చున్న లూసిస్టిక్ కాకి కనిపించిందని చెప్పారు. శాస్త్రీయ దృక్కోణంలో ఇది చాలా ముఖ్యమైనదని.. అప్పటి నుంచి అతను దాన్ని నిరంతరం పర్యవేక్షిస్తున్నాడని చెప్పారు. ఈ కాకి అదే గ్రామంలో చాలాసార్లు కనిపించిందని.. పక్షులలో జన్యుపరమైన మార్పుల కారణంగా వివిధ జాతులలో శరీరం రంగు పూర్తిగా లేదా పాక్షికంగా పోతుందన్నారు.  ఇలాంటి వాటిని ఆల్బినిజం అంటారు. పాక్షికంగా లేకపోవడాన్ని లూసిజం అంటారు. అనవల్హెడలో కనిపించే ఈ పెంపుడు కాకి లూసిస్టిక్ రకం. అలాగే ఇతర సాధారణ కాకులతోపాటే ఈ కాకి కూడా ఎగురుతుంది. అరుస్తుంది. కలిసి తిరుగుతుంది. బెగన్ ప్రాంతంలో దీని ఉనికి పక్షి ప్రేమికులు, సాధారణ ప్రజలను ఎంతగానో ఆకట్టుకుంటుంది.