Fake News: వదంతులు వ్యాప్తి చేస్తే మూడేళ్ల జైలు శిక్ష, ప్రతిపాదించిన కేంద్ర ప్రభుత్వం

Fake News: 

వదంతులపై కొరడా..

కేంద్ర హోం మంత్రి అమిత్‌ షా లోక్‌సభలో కీలక ప్రకటన చేశారు. భారతీయ న్యాయ సంహిత బిల్‌ 2023 (Bharatiya Nyaya Sanhita Bill) ప్రవేశపెట్టారు. ఈ బిల్‌ని రివ్యూ చేసేందుకు స్టాండింగ్ కమిటీకి పంపారు. ఇందులో ఓ కీలక ప్రొవిజన్ గురించి వెల్లడించారు షా. వదంతులు వ్యాప్తి చేసి ప్రజల్ని తప్పుదోవ పట్టించే వాళ్లకు కఠిన శిక్ష విధించే సెక్షన్ ఈ బిల్‌లో చేర్చినట్టు స్పష్టం చేశారు. సెక్షన్ 195 ప్రకారం...వదంతులు వ్యాప్తి చేసిన వాళ్లకు మూడేళ్ల జైలు శిక్ష విధించేలా ఇందులో ప్రతిపాదనలు చేశారు. దేశ భద్రతను, సమైక్యతను దెబ్బ తీసే విధంగా ఎలాంటి సమాచారాన్ని వ్యాప్తి చేసినా ఈ శిక్ష వర్తిస్తుంది. మూడేళ్ల జైలు శిక్షతో పాటు భారీ జరిమానా కూడా విధిస్తారు. చాప్టర్ 11లో ఈ సెక్షన్‌ని చేర్చినట్టు అమిత్ షా వెల్లడించారు. వదంతులతో చాలా సందర్భాల్లో భారీ ఆస్తి, ప్రాణనష్టం వాటిల్లిన సందర్భాలున్నాయి. గతంలో మూక దాడులూ జరిగాయి. అప్పటి నుంచి దీనిపై దృష్టి సారించింది కేంద్రం. ఇప్పుడు ఈ కొత్త బిల్లు ద్వారా నియంత్రించేందుకు సిద్ధమైంది. 

అత్యాచారాలపైనా కొరడా..

మహిళలపై అత్యాచారాలు పెరుగుతున్న క్రమంలోనే మోదీ సర్కార్ సంచలన నిర్ణయం తీసుకుంది. మైనర్‌పై సామూహిక అత్యాచారం చేసిన నేరస్థులకు మరణ శిక్ష విధిస్తామని ప్రకటించింది. ఈ మేరకు అధికారికంగా కేంద్ర హోంమంత్రి అమిత్‌షా లోక్‌సభలో వెల్లడించారు. దేశ శిక్ష్మాస్మృతిలో (Criminal Law) పలు మార్పులు చేసిన కేంద్రం..మూడు కీలక బిల్లులను ప్రవేశపెట్టింది. ఈ కొత్త బిల్లుల ప్రకారం...పలు నేరాలకు శిక్షను మరింత కఠినతరం చేశారు. ఆ నేరం చేయాలంటేనే వెన్నులో వణుకు పుట్టించేలా శిక్ష విధించనున్నట్టు అమిత్‌షా ప్రకటించారు. వివాదాస్పద దేశద్రోహ చట్టాన్ని రద్దు చేస్తామని ప్రకటించిన అమిత్ షా...నేరస్థులకు కఠిన శిక్షలు పడేలా కొత్త బిల్లుని ప్రవేశపెట్టినట్టు తెలిపారు. మూకదాడుల విషయంలో నేర తీవ్రతను బట్టి మరణశిక్ష విధిస్తామని తేల్చి చెప్పారు. ఇక ఎన్నికల సమయంలో మద్యంతో పాటు నోట్లు పంచడం సాధారణమైపోయింది. లక్షల కోట్ల రూపాయల లావాదేవీలు అనధికారికంగా జరుగుతుంటాయి. వీటిని నియంత్రించేందుకూ కేంద్రం కొత్త ప్రొవిజన్ తీసుకురానుంది. ఓటర్లకు డబ్బులు పంచిన వాళ్లకు కనీసం ఏడాది పాటు జైలుశిక్ష విధిస్తామని వెల్లడించింది. ఇక సామూహిక అత్యాచారాలపైనా కొరడా ఝుళిపించింది. ఈ కేసుల్లో నేరస్థులుగా రుజువైతే 20 ఏళ్ల  జైలుశిక్ష తప్పదు. మైనర్‌పై అత్యాచారానికి పాల్పడిన వారికి ఉరిశిక్ష విధిస్తామని అమిత్‌ షా స్పష్టం చేశారు. 

VIDEO | "Bharatiya Nyaya Sanhita, 2023 will be established in place the Indian Penal Code, 1860; Bharatiya Nagarik Suraksha, 2023 will replace the Criminal Procedure Act, 1898; and Bharatiya Sakshya Bill, 2023 will replace the Indian Evidence Act, 1872. The laws that will be… pic.twitter.com/1wT1bgUyV3

— Press Trust of India (@PTI_News) August 11, 2023

Also Read: నాకు ముస్లిం ఓట్లు అవసరం లేదు, ఓటు వేయమని వాళ్లను అడగను - అసోం సీఎం హిమంత బిశ్వ శర్మ