ఇది మరో శివశక్తి పాయింట్, ఆ మహాదేవునికే అంకితం - వారణాసి క్రికెట్ స్టేడియంపై ప్రధాని వ్యాఖ్యలు

International Cricket Stadium: 

శంకుస్థాపన..

ప్రధాని నరేంద్ర మోదీ యూపీలోని వారణాసిలో అంతర్జాతీయ క్రికెట్ మైదాన నిర్మాణానికి ( international cricket stadium) శంకుస్థాపన చేశారు. ప్రధాని సొంత నియోజకవర్గంలో అంతర్జాతీయ స్థాయిలో మైదానాన్ని నిర్మిస్తుండడం ఆసక్తికరంగా మారింది. ఈ శంకుస్థాపన కార్యక్రమానికి యూపీ ముఖ్యమంత్రి యోగి ఆదిత్యనాథ్‌తో పాటు క్రికెట్ లెజెండ్స్ రవి శాస్త్రి, సచిన్ టెండూల్కర్, సునీల్ గవాస్కర్, దిలీప్ గవాస్కర్‌తో పాటు పలువురు ప్రముఖులు హాజరయ్యారు.

#WATCH | PM Modi lays the foundation stone of an international cricket stadium in Uttar Pradesh's Varanasi pic.twitter.com/5sAh2wZ5eA

— ANI (@ANI) September 23, 2023

కేంద్రం చెబుతున్న వివరాల ప్రకారం...30 ఎకరాల విస్తీర్ణంలో ఈ స్టేడియం నిర్మించనున్నారు. ఇందుకోసం కేంద్రం రూ.450 కోట్లు ఖర్చు పెడుతోంది. శివుడి స్ఫూర్తితోనే ఈ మైదానాన్ని నిర్మిస్తున్నట్టు ఇప్పటికే కేంద్రం ప్రకటించింది. నెలవంక ఆకారంలో రూఫ్ కవర్‌లు, త్రిశూలం ఆకారంలో ఫ్లడ్ లైట్స్, ఘాట్‌ స్టెప్స్‌ ఆకృతిలో సీటింగ్‌ని ఏర్పాటు చేయనున్నారు. ఒకేసారి 30 వేల మంది ఆడియెన్స్ కూర్చుని మ్యాచ్‌ని చూసేందుకు వీలుగా నిర్మించనున్నారు. ఈ శంకుస్థాపన కార్యక్రమంలో ప్రధాని మోదీ కీలక వ్యాఖ్యలు చేశారు. ఈ రకంగా మరోసారి తన సొంత నియోజకవర్గమైన వారణాసికి వచ్చే అవకాశం దక్కిందని అన్నారు. ఈ సందర్భంగా చంద్రయాన్‌ 3 గురించి మరోసారి ప్రస్తావించారు. భారత్ రోవర్‌ చంద్రుడిపై దిగి నెల రోజులవుతోందని గుర్తు చేశారు. 

"ఈ రకంగా వారణాసికి రావడం చాలా సంతోషంగా ఉంది. ఇవాళ్టికి చంద్రయాన్ 3 మిషన్ సక్సెస్ అయి నెల రోజులవుతోంది. రోవర్ శివశక్తి పాయింట్‌కి చేరుకుంది. చంద్రుడిపై ఓ శివశక్తి పాయింట్‌ ఉంటే ఈ కాశీలో మరో శివశక్తి పాయింట్ సిద్ధమవుతోంది. ఈ మైదానమే శివశక్తి పాయింట్. ఈ మైదానానికి శంకుస్థాపన చేసుకోవడం చాలా సంతోషంగా ఉంది. ఈ సందర్భంగా దేశ ప్రజలందరికీ శుభాకాంక్షలు"

- ప్రధాని నరేంద్ర మోదీ

ఆ మహాదేవుని నగరంలో నిర్మించిన ఈ మైదానాన్ని ఆ శివుడికే అంకితం ఇస్తున్నట్టు ప్రకటించారు ప్రధాని మోదీ. ఈ మైదానం ద్వారా ఎంతో మంది క్రీడాకారులకు మేలు జరుగుతుందని అన్నారు. శంకుస్థాపన చేయడంపై యూపీ ముఖ్యమంత్రి యోగి ఆదిత్యనాథ్ కూడా మాట్లాడారు. స్మార్ట్ సిటీ మిషన్‌లో భాగంగానే ఈ స్టేడియం నిర్మాణం చేపడుతున్నట్టు వెల్లడించారు. కేంద్ర ప్రభుత్వం చొరవతోనే ఇది సాధ్యమైంని ప్రశంసించారు. యూపీలో ఇది మూడో అంతర్జాతీయ మైదానం అని చెప్పిన యోగి ఆదిత్యనాథ్, BCCI సూపర్‌విజన్‌లో కడుతున్న తొలి స్టేడియం అని స్పష్టం చేశారు. 

#WATCH | Varanasi, UP: "In Varanasi, a stadium is under construction with the help of the Smart City Mission of the Central Government. This is the third International stadium of Uttar Pradesh and the first to be constructed under the supervision of BCCI. It will provide a… pic.twitter.com/a4RYYFIi7n

— ANI (@ANI) September 23, 2023

ఈ సందర్భంగా సచిన్ టెండూల్కర్ ప్రధాని మోదీకి "NAMO" జెర్సీ కానుకగా ఇచ్చారు.

 

#WATCH | Sachin Tendulkar with PM Modi and CM Yogi Adityanath at the event to mark the foundation stone laying of an international cricket stadium in Varanasi, UP pic.twitter.com/TjgIHNrelD

— ANI (@ANI) September 23, 2023

Also Read: అది మోదీ మల్టీప్లెక్స్, మరీ ఇరుగ్గా గజిబిజిగా ఉంది - కొత్త పార్లమెంట్ బిల్డింగ్‌పై కాంగ్రెస్ సెటైర్లు