Jammu and Kashmir: కశ్మీరీ పండిట్ దారుణ హత్య- కాల్చి చంపిన ఉగ్రవాదులు!

Jammu and Kashmir: జమ్ముకశ్మీర్ బుద్గాం జిల్లాలో ఓ కశ్మీరీ పండిట్‌ను ఉగ్రవాదులు కాల్చి చంపారు.

కశ్మీరీ పండిట్ దారుణ హత్య- కాల్చి చంపిన ఉగ్రవాదులు!

Jammu and Kashmir: 

జమ్ముకశ్మీరులోని ఓ కశ్మీరీ పండిట్‌ను అనుమానిత ఉగ్రవాదులు గురువారం కాల్చి చంపారు. బుద్గాం జిల్లాలోని చదూర తహశీల్దారు కార్యాలయంలో రాహుల్ అనే వ్యక్తి గుమస్తాగా పని చేస్తున్నాడు. గుర్తు తెలియని వ్యక్తులు జరిపిన కాల్పుల్లో తీవ్రంగా గాయపడిన రాహుల్‌.. ఆసుపత్రికి తరలించేలోపే మరణించాడు.

ఇదీ జరిగింది

ప్రధాన మంత్రి ప్యాకేజి పథకంలో భాగంగా చదూర తహశీల్దారు కార్యాలయంలో రాహుల్ గుమస్తాగా పని చేస్తున్నాడు. ఆయనపై గురువారం ఇద్దరు ఉగ్రవాదులు కాల్పులు జరిపారు. తీవ్రంగా గాయపడిన ఆయనను బుద్గాంలోని ఆసుపత్రికి తరలించారు. పరిస్థితి విషమించడంతో ఆయనను శ్రీనగర్‌లోని మహారాజా హరి సింగ్ ఆసుపత్రికి తరలించారు. అయినప్పటికీ ఆయన ప్రాణాలను కాపాడలేకపోయారు.

పోలీసులు అలర్ట్

ఈ దాడికి పాల్పడిన ఉగ్రవాదులను పట్టుకునేందుకు జమ్ముకశ్మీరు పోలీసులు, భద్రతా దళాలు గాలింపు చర్యలు చేపట్టాయి. ఆ ప్రాంతాన్ని బలగాలు జల్లెడ పడుతున్నాయి. ఈ ఘటనపై జమ్ముకశ్మీర్ లెఫ్టినెంట్ గవర్నర్ మనోజ్ సిన్హా స్పందించారు.

I strongly condemn the barbaric killing of Rahul Bhat by terrorists at Budgam. Those behind this despicable terror attack will not go unpunished. J&K Govt stands in solidarity with the bereaved family in this hour of grief: Office of J&K Lt Governor, Manoj Sinha

(File photo) pic.twitter.com/8A6QkfSVST

— ANI (@ANI) May 12, 2022

" బుద్గాం జిల్లాలో రాహుల్ భట్‌ను అత్యంత కిరాతకంగా హత్య చేసిన ఘటనను ఖండిస్తున్నాను. ఈ ఉగ్రదాడికి పాల్పడిన వ్యక్తులు శిక్ష నుంచి తప్పించుకోలేరు. మృతుడి కుటుంబానికి జమ్ముకశ్మీర్ ప్రభుత్వం అండగా ఉంటుంది.                                                      "

-మనోజ్ సిన్హా జమ్ముకశమీర్ లెఫ్టినెంట్ గవర్నర్