Independence Day 2021: సర్జికల్ స్ట్రైక్స్, ఎయిర్ స్టైక్స్‌తో వారికి హెచ్చరికలు పంపాం... ప్రధాని మోదీ స్పీచ్ హైలైట్స్
ఈ ఏడాది ‘నేషన్ ఫస్ట్.. నేషన్ ఆల్వేస్’ అనే థీమ్ తో స్వాతంత్య్ర దినోత్సవ వేడుకలు నిర్వహిస్తున్నారు. ప్రధాన మంత్రి నరేంద్ర మోదీ ఢిల్లీలోని ఎర్రకోటపై త్రివర్ణ పతాకాన్ని ఎగరేయనున్నారు.
LIVE
Background
సర్జికల్ స్ట్రైక్స్, ఎయిర్‌స్టైక్స్‌తో హెచ్చరికలు పంపాం..
భారత్ ఇప్పుడూ పూర్తిగా మారిపోయిందని ప్రపంచ దేశాలు గుర్తిస్తున్నాయి. ముఖ్యంగా సర్జికల్ స్ట్రైక్స్, వైమానికి దాడులతో భారత్ అంటే ఏంటో శత్రు దేశాలకు తెలిసేలా చేశాం. భారత్ ఇకనుంచి కఠిన నిర్ణయాలు తీసుకుంటుందని వారికి ఇప్పటికే అర్థమై ఉంటుదన్నారు మోదీ.
నిరుపేదలకు పోషకాహారం, వైద్యం
సంక్షేమ పథకాలు అర్హులకు తప్పకుండా అందాలి. ప్రతి ఇంటికీ సురక్షిత తాగునీటిని వచ్చే రెండేళ్లలో అందిస్తాం. పేదవారికి పోషకాహార లోపం ఉంటుంది. కనుక రేషన్ దుకాణాలలో వీరికి పోషకాహార ధాన్యాలు అందించే దిశగా అడుగులు వేస్తాం. వైద్య సదుపాయాన్ని సైతం అందించడం ద్వారా వారికి ఎంతో మేలు జరుగుతుందన్నారు.
సైనిక్ స్కూళ్లల్లో బాలికలకు అవకాశాలు..
దేశవ్యాప్తంగా ఉన్న సైనిక పాఠశాలల్లో బాలబాలికలకు సమాన అవకాశాలు కల్పిస్తామని ఎర్రకోటలో మోదీ పేర్కొన్నారు. బాలికలు ఏ విషయంలోనూ వెనక్కి తగ్గకూడదని, వారికి చేయూత అందించాలని ఈ నిర్ణయం తీసుకున్నట్లు తెలిపారు.
అనవసర చట్టాలు రద్దు..
గతంలో ప్రతి విషయంలోనూ ప్రభుత్వం జోక్యం చేసుకోవాల్సిన ఆవశ్యకత ఉండేది. ప్రస్తుతం చాలా మార్పులొచ్చాయి. గత ఏడేళ్ల కాలంలో ప్రజలకు అనవసరమైన చట్టాలు, పద్ధతులు, విధానాలపై చర్యలు తీసుకున్నాం. అనవసర చట్టాలను రద్దు చేసినట్లు తన ప్రసంగంలో ప్రధాని మోదీ గుర్తుచేశారు.
దేశంలోని అన్ని ప్రాంతాలను కలుపుతూ 75 వందే భారత్ రైళ్లు
దేశ వ్యాప్తంగా మౌలిక సదుపాయల కల్పనకు మాస్టర్ ప్లాన్ ఏర్పాటు చేసే దిశగా అడుగులు వేస్తున్నాం. ఇందుకోసం రూ.100 లక్షల కోట్ల నిధిని సమకూర్చుకునేందుకు పీఎం గటి శక్తి ప్లాన్ అమలు చేయనున్నామని ప్రధాని మోదీ వెల్లడించారు. 75 వందే భారత్ రైళ్లు దేశంలోని అన్ని ప్రాంతాలను కలుపుతాయని.. 75 వారాల ఆజాదీ కా అమృత్ మహోత్సవ్ లో భాగంగా ఇది సుసాధ్యం చేస్తామన్నారు.
టాప్ హెడ్ లైన్స్
ట్రెండింగ్ వార్తలు
