Delhi Court Firing: ఢిల్లీ రోహిణీ కోర్టులో కాల్పులు.. లాయర్ల వేషధారణలో వచ్చి ఘాతుకం, ముగ్గురు మృతి

ఈ రక్తపాతానికి తెగబడ్డ దుండగులు పోలీసుల తూటాలకు బలయ్యారు. కాల్పుల సమయంలో పెద్ద పెద్ద శబ్దం రావడంతో అంతా భయాందోళనకు గురయ్యారు.

Firing

ఢిల్లీలోని రోహిణీ కోర్టు లోపల కాల్పులు చోటు చేసుకున్నాయి. కోర్టు రూం నెంబర్ 207లో ఈ ఘటన జరిగింది. దుండగులు చేసిన ఈ కాల్పుల్లో గ్యాంగ్‌స్టర్ జితేందర్ మాన్ గోగి దారుణ హత్యకు గురయ్యారు. కాల్పుల్లో ఆయన అక్కడికక్కడే మరణించారు. ఓ కేసులో రోహిణీ కోర్టుకు జితేందర్ మాన్ గోగి కోర్టుకు హాజరైన సందర్భంగా దుండగులు ఈ కాల్పులు జరిపారు. లాయర్ దుస్తుల్లో వచ్చిన ఇద్దరు దుండగులు తుపాకీలతో అదే పనిగా కాల్పులు చేశారు. జితేందర్ మాన్ గోగి ప్రత్యర్థులు మారు వేషాల్లో వ‌చ్చి త‌మ ప‌గ‌ తీర్చుకున్నట్లుగా తెలుస్తోంది. 

అయితే, ఈ రక్తపాతానికి తెగబడ్డ దుండగులు పోలీసుల తూటాలకు బలయ్యారు. కాల్పుల సమయంలో పెద్ద పెద్ద శబ్దం రావడంతో అంతా భయాందోళనకు గురయ్యారు. 30 నుంచి 40 రౌండ్ల కాల్పుల శ‌బ్ధాలు వినిపించాయి. దీంతో కోర్టుకు వ‌చ్చిన‌వారంతా ఆ కాల్పుల హోరులో అటూ ఇటూ ప‌రుగులు తీశారు. కాల్పుల ఘ‌ట‌నంతా కోర్టు రూముల్లోనే జరగడంతోనే ప్రస్తుతం సంచలనంగా మారింది.

గతంలోనూ భద్రతపై ఆరోపణలు
రోహిణీ కోర్టు గతంలో కూడా ఇలాంటి విషయంలో వార్తల్లోకి ఎక్కింది. 2017లో జరిగిన ఓ హత్య ఘటనలో భద్రతా సిబ్బంది తీరుపై లాయర్లు నిరసన చేశారు. కోర్టులోకి వెళ్లే సమయంలో జనాలను, లాయర్లను భద్రతా సిబ్బంది సరిగ్గా చెక్ చేయడం లేదని విమర్శలు వచ్చాయి. సీసీటీవీ కెమెరాల నిఘా లోపం కూడా ఉందని అప్పట్లో వార్తలు వచ్చాయి.

#WATCH | Visuals of the shootout at Delhi's Rohini court today

As per Delhi Police, assailants opened fire at gangster Jitender Mann 'Gogi', who has died. Three attackers have also been shot dead by police. pic.twitter.com/dYgRjQGW7J

— ANI (@ANI) September 24, 2021

Delhi: Shots fired at Rohini court premises, at least three injured. Details awaited. pic.twitter.com/sQLu6nPiVz

— ANI (@ANI) September 24, 2021

#UPDATE | The assailants opened fire at gangster Jitender Mann 'Gogi' when he was brought to Delhi's Rohini court by police for a hearing. In retaliation, two attackers were killed. Gogi has been shifted to a hospital: DCP, Rohini

(Visuals from the court) pic.twitter.com/vRUuSfmSwy

— ANI (@ANI) September 24, 2021