Cable Car Mishap: రోప్‌వే పై నిలిచిపోయిన కేబుల్ కార్- ఇలా చిక్కుకుపోయారేంటి!

Cable Car Mishap: హిమాచల్‌ప్రదేశ్‌లోని ఓ ఎత్తైన కొండపై కేబుల్ కార్ నిలిచిపోయింది. దీంతో గంటల పాటు పర్యటకులు అందులో పడిగాపులు కాశారు.

రోప్‌వే పై నిలిచిపోయిన కేబుల్ కార్- ఇలా చిక్కుకుపోయారేంటి!

Cable Car Mishap: హిమాచల్‌ ప్రదేశ్‌లోని సోలన్ జిల్లాలో ఎత్తైన ప్రాంతంలో రోప్‌ వేపై ఒక కేబుల్‌ కార్‌ నిలిచిపోయింది. దీంతో అందులో చిక్కుకున్న 10 మందికి పైగా పర్యటకులను రక్షించేందుకు తీవ్రంగా ప్రయత్నిస్తున్నారు సహాయక సిబ్బంది.

#WATCH Cable car trolly with tourists stuck mid-air at Parwanoo Timber Trail, rescue operation underway; tourists safe#HimachalPradesh pic.twitter.com/mqcOqgRGjo

— ANI (@ANI) June 20, 2022

ఏం జరిగింది?

పర్వానూలోని టింబర్‌ ట్రెయిల్‌ ప్రైవేట్‌ రిసార్ట్‌కు చెందిన రోప్‌ వేపై వెళ్లే కేబుల్‌ కార్ చాలా ఫేమస్. సోమవారం మధ్యాహ్నం 11 మంది పర్యాటకులు ఉన్న కేబుల్‌ కార్‌ ఎత్తైన కొండ ప్రాంతంలో రోప్‌ వేపై నిలిచిపోయింది. సాంకేతిక సమస్య వల్ల అది ఎంతకీ ముందుకు కదలలేదు. దీంతో అందులో ఉన్న 11 మంది పర్యాటకులు గంటన్నర వరకు చిక్కుకుపోయారు.

ఇందులో ఇద్దరు వృద్ధులు, నలుగురు మహిళలు కూడా ఉన్నారు. భయాందోళన చెందిన వారంతా సహాయం కోసం ఆర్తనాదాలు చేశారు. మరోవైపు సహాయక బృందం మరో రోప్‌ వేపై ఆ కేబుల్‌ కార్‌ వద్దకు చేరింది. అయితే అది కదలలేని పరిస్థితిలో ఉండటంతో చివరకు రెస్క్యూ ఆపరేషన్‌ చేపట్టారు.

ఎట్టకేలకు

#WATCH | Himachal Pradesh: Rescue operation underway at Parwanoo Timber Trail where a cable car trolly with tourists is stuck mid-air.

2 people have been rescued, 9 are still stranded. NDRF team shortly to reach the spot: Dhanbir Thakur, SDM Kasauli pic.twitter.com/gygYHK0II0

— ANI (@ANI) June 20, 2022

ఎన్డీఆర్‌ఎఫ్‌ సిబ్బంది కూడా అక్కడకు చేరుకున్నారు. రోప్‌ వేపై చిక్కుకున్న కేబుల్‌ కార్‌లోని ఇద్దరిని సురక్షితంగా తాళ్ల సహాయంతో కిందకు దించి రక్షించారు. అందులోని ఉన్న మిగతా 9 మందిని కూడా కాపాడేందుకు ప్రయత్నిస్తున్నారు.