Amit Shah In Arunachal Pradesh: రాహుల్ బాబా ఆ ఇటలీ కళ్లద్దాలు తీస్తే అన్నీ కనిపిస్తాయి: అమిత్ షా

Amit Shah In Arunachal Pradesh: రాహుల్ గాంధీ తన ఇటాలియన్ కళ్లద్దాలు తీసి చూస్తే మోదీ చేసిన అభివృద్ధి కనిపిస్తుందని అమిత్ షా అన్నారు.

రాహుల్ బాబా ఆ ఇటలీ కళ్లద్దాలు తీస్తే అన్నీ కనిపిస్తాయి: అమిత్ షా

Amit Shah In Arunachal Pradesh: కాంగ్రెస్ అగ్రనేత రాహుల్ గాంధీపై కేంద్ర హోంమంత్రి అమిత్ షా సెటైర్లు వేశారు. రాహుల్ గాంధీ తన ఇటాలియన్ కళ్లద్దాలు తీసి చూస్తే ప్రధాని నరేంద్ర మోదీ చేసిన అభివృద్ధి కనిపిస్తుందని వ్యంగ్యాస్త్రాలు సంధించారు. అరుచాల్ ప్రదేశ్ పర్యటనలో భాగంగా ఏర్పాటు చేసిన బహిరంగ సభలో అమిత్ షా ఈ వ్యాఖ్యలు చేశారు.

PM @narendramodi Ji is resolved to take the North-Eastern states to newer heights of progress. And our tireless efforts have brought unprecedented peace and development to the region.

Grateful to the people of Namsai (Arunachal Pradesh) for their unparalleled love and affection. pic.twitter.com/I0h2PtNJV7

— Amit Shah (@AmitShah) May 22, 2022

" వయనాడ్ ఎంపీ రాహుల్ బాబా తన ఇటాలియన్ కళ్లద్దాలు తీసి చూస్తే అరుణాచల్ ప్రదేశ్‌లో ప్రధాని నరేంద్ర మోదీ, ముఖ్యమంత్రి పెమ ఖండూ చేసిన అభివృద్ధి కనిపిస్తుంది. ఎనిమిదేళ్లలో ఏమి చేశారని కాంగ్రెస్ నేతలు అడుగుతున్నారు. వీళ్లంతా మూసుకున్న కళ్లను తెరిచి చూడాలి. "

-                                         అమిత్ షా, కేంద్ర హోంమంత్రి

అరుణాచల్ ప్రదేశ్ నమ్‌సాయి జిల్లాలోని రూ.1000 కోట్లతో చేపడుతున్న అభివృద్ధి ప్రాజెక్టుల అమిత్ షా శంకుస్థాపన చేశారు. మౌలిక వసతుల కల్పన, శాంతి భద్రతల పరిరక్షణ, పర్యటక రంగాన్ని ప్రోత్సహించడంతో సహా ఎనిమిదేళ్లలో ఎన్నో అభివృద్ధి  పనులు చేశామని అమిత్ షా అన్నారు.

రెండు రోజుల పర్యటన నిమిత్తం ఆయన అరుణాచల్ ప్రదేశ్ వచ్చారు. నమసాయ్ జిల్లాలోని గోల్డెన్ పగోడాను ఆదివారం ఉదయం సందర్శించారు. ఈ కార్యక్రమంలో అమిత్ షాతో పాటు పెమా ఖండూ, కేంద్ర న్యాయశాఖ మంత్రి కిరణ్ రిజిజు కూడా పాల్గొన్నారు.