INDIA GDP : రికార్డు స్థాయి భారత ఆర్థిక వృద్ధి - ప్రజల కష్టం, సంస్కరణల ప్రభావం ప్రధాని మోదీ సంతోషం

GDP modi: భారత ఆర్థిక వ్యవస్థ గణనీయంగా ఊపందుకుంది. 2025-26 ఆర్థిక సంవత్సరం రెండో త్రైమాసికం లో దేశ GDP 8.2 శాతం వృద్ధి సాధించింది.

By : Raja Sekhar Allu | Updated at : 28 Nov 2025 07:22 PM (IST)

రికార్డు స్థాయి భారత ఆర్థిక వృద్ధి - ప్రజల కష్టం, సంస్కరణల ప్రభావం ప్రధాని మోదీ సంతోషం

India GDP is registering record growth: భారత ఆర్థిక వ్యవస్థ పరుగులు పెడుతోంది. 2025-26 ఆర్థిక సంవత్సరం రెండో త్రైమాసికం జులై-సెప్టెంబర్ లో దేశ GDP 8.2 శాతం వృద్ధి సాధించింది. ఇది గత ఆరు త్రైమాసికాల్లో అత్యధిక రేటు. ఈ గణాంకాలు ఆర్థిక మంత్రిత్వ శాఖ శుక్రవారం విడుదల చేసింది. ప్రధానమంత్రి నరేంద్ర మోదీ ఈ వృద్ధి స్పందించారు. ప్రో-గ్రోత్ విధానాలు, సంస్కరణల ప్రభావం, ప్రజల కష్టం, వ్యాపార ధైర్యాన్ని ప్రతిబింబిస్తోందని అన్నారు. ప్రభుత్వం సంస్కరణలను ముందుకు తీసుకెళ్లి, ప్రతి పౌరుడికి 'ఈజ్ ఆఫ్ లివింగ్'ను బలోపేతం చేస్తామని హామీ ఇచ్చారు.

జులై-సెప్టెంబర్ త్రైమాసికంలో భారత ఆర్థిక వ్యవస్థ 8.2 శాతం వృద్ధి సాధించడం ఆశించిన రేటు 7.5-7.8 శాతం కంటే ఎక్కువగా ఉంది. ఇది ఏప్రిల్-జూన్ 7.8 శాతం నుంచి మరింత పెరిగింది. మొత్తం మొదటి ఆరు నెలలు GDP వృద్ధి 8.0%కి చేరింది. మాన్యుఫాక్చరింగ్ విభాగం 9.1% వృద్ధి సాధించడం, కన్‌స్ట్రక్షన్, సర్వీసెస్ విభాగాలు బలంగా పనిచేయడం ఈ వృద్ధికి కారణం. గ్రాస్ వాల్యూ యాడెడ్ (GVA) 7.9% పెరిగింది. వినియోగదారుల ఖర్చు, ప్రభుత్వ ఖర్చులు, ఎక్స్‌పోర్ట్‌లు పెరగడం మరో కారణం. ఇది గత సంవత్సరం Q2లో 5.6% నుంచి గణనీయమైన పెరుగుదల.

ఆర్థిక మంత్రిత్వ శాఖ ప్రకారం, ఈ వృద్ధి అమెరికా టారిఫ్ ప్రభావాలకు ముందే దేశ ఆర్థిక వ్యవస్థ బలంగా ఉందని చూపిస్తోంది. ఈ GDP వృద్ధి దేశ ఆర్థిక వ్యవస్థలో బలమైన మొమెంటం ఉందని, మాన్యుఫాక్చరింగ్, సర్వీసెస్ విభాగాలు బలంగా పనిచేస్తున్నాయని నిపుణులు అంటున్నారు.

The 8.2% GDP growth in Q2 of 2025-26 is very encouraging. It reflects the impact of our pro-growth policies and reforms. It also reflects the hard work and enterprise of our people. Our government will continue to advance reforms and strengthen Ease of Living for every citizen.
— Narendra Modi (@narendramodi) November 28, 2025

ఆర్థిక మంత్రిత్వ శాఖ అంచనాల ప్రకారం, 2025-26 ఆర్థిక సంవత్సరం మొత్తం GDP వృద్ధి 7-7.5% మధ్య ఉంటుందని భావిస్తున్నారు. ప్రభుత్వం ఇన్‌ఫ్రాస్ట్రక్చర్ ఖర్చులు, MSMEలకు మద్దతు, డిజిటల్ ఎకనామీ వంటి సంస్కరణలపై దృష్టి సారిస్తోంది. ఈ GDP గణాంకాలు స్టాక్ మార్కెట్‌లో కూడా సానుకూల ప్రభావం చూపాయి. ఈ వృద్ధి భారత్‌ను ప్రపంచంలోని అతి వేగవంతమైన ఆర్థిక వ్యవస్థల్లో ఒకటిగా నిలబెట్టింది. మరిన్ని సంస్కరణలు, ప్రజల సహకారంతో దేశం మరింత ఎదగుతుందని ప్రభుత్వం ఆశాభావం వ్యక్తం చేసింది.