Bengal News: దుర్గామాత నిమజ్జనంలో విషాదం- 8 మంది మృతి!

Mal River Floods: బంగాల్‌లో దుర్గామాత విగ్రహ నిమజ్జనం సందర్భంగా వరదలు సంభవించడంతో 8 మంది మృతి చెందారు.

(Image Source: PTI)

Mal River Floods: బంగాల్‌లో దుర్గామాత విగ్రహ నిమజ్జనంలో విషాదం నెలకొంది. జల్‌పాయ్‌గురి జిల్లాలో విగ్రహ నిమజ్జనం చేస్తుండా వరదలు వచ్చాయి. దీంతో 8 మంది మృతి చెందారు.

#UPDATE | West Bengal: Total death count due to flash flood in Jalpaiguri stands at eight. Search is underway to find if there are more casualties: Jalpaiguri DM Moumita Godara https://t.co/LP4AT1UezL

— ANI (@ANI) October 6, 2022

ఇదీ జరిగింది

జల్‌పాయ్‌గురి జిల్లాలోని మాల్ నదిలో విగ్రహ నిమజ్జనం సందర్భంగా ఒకేసారి వరదలు వచ్చాయి. ఈ వరదల వల్ల ఎనిమిది మంది వరకు మృతి చెందారు. మృతుల్లో నలుగురు మహిళలు ఉన్నారు. మరికొందరు కొట్టుకుపోయారు. బుధవారం రాత్రి 8.30 గంటలకు మాల్ నది ఒడ్డున ఈ ఘటన జరిగింది. విజయ దశమి సందర్భంగా విగ్రహ నిమజ్జనంలో పాల్గొనడానికి వందలాది మంది ప్రజలు వచ్చారు.

" ఆకస్మిక వరదలు సంభవించాయి. దీంతో చాలా మంది కొట్టుకుపోయారు. ఇప్పటివరకు ఎనిమిది మృతదేహాలను వెలికితీశారు. మేము సుమారు 50 మందిని రక్షించాం. రెస్క్యూ కార్యకలాపాలు కొనసాగుతున్నాయి. NDRF, SDRF, పోలీసు, స్థానిక పరిపాలన బృందాలు గాలింపు చర్యలు చేపడుతున్నాయి.            "

-మౌమితా గోదారా, జల్‌పాయ్‌గురి జిల్లా మేజిస్ట్రేట్

ప్రధాని సంతాపం

ఈ ఘటనపై ప్రధాని నరేంద్ర మోదీ దిగ్భ్రాంతి వ్యక్తం చేశారు. మృతుల కుటుంబాలకు తన ప్రగాఢ సానుభూతి వ్యక్తం చేశారు.

" జల్‌పాయ్‌గురి ఘటన గురించి తెలిసి షాక్ అయ్యాను. మృతుల కుటుంబాలకు నా ప్రగాఢ సంతాపాన్ని వ్యక్తం చేస్తున్నాను. కేంద్రం నుంచి అన్ని విధాలా సాయం అందిస్తాం.                             "

-    ప్రధాని నరేంద్ర మోదీ

ప్రధాని నరేంద్ర మోదీతో పాటు బంగాల్ సీఎం మమతా బెనర్జీ, టీఎంసీ నేతలు మృతుల కుటుంబాలకు సంతాపం వ్యక్తం చేశారు. బంగాల్ అసెంబ్లీలో ప్రతిపక్ష నేత సువేందు అధికారి.. ప్రభుత్వం సహాయక చర్యలను వేగవంతం చేయాలని కోరారు.

" దుర్గామాత నిమజ్జనం సమయంలో మాల్ నదిలో ఆకస్మిక వరద రావడంతో పలువురు కొట్టుకుపోయారు. వెంటనే జిల్లా కలెక్టర్ తక్షణమే రెస్క్యూ ప్రయత్నాలను వేగవంతం చేసి సహాయం అందించాలని అభ్యర్థిస్తున్నాను.                                                             "

- సువేందు అధికారి, బంగాల్ ప్రతిపక్ష నేత