Breaking News Live: ఈ నెల 21న పశ్చిమగోదావరి జిల్లాలో పవన్ కల్యాణ్ పర్యటన

ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్‌డేట్స్ ఇక్కడ పొందొచ్చు. ఈ పేజీ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.

Background

ఆంధ్రప్రదేశ్‌లో రాజధాని అమరావతి కోసం రైతులు చేపట్టిన ఉద్యమం 700వ రోజుకు చేరింది. మరోవైపు, ఏపీ హైకోర్టు నుంచి తిరుమల తిరుపతి దేవస్థానం వరకూ రైతులు తలపెట్టిన మహా పాదయాత్ర 16వ రోజుకు చేరుకుంది. ప్రస్తుతం ప్రకాశం జిల్లాలో వీరి పాదయాత్ర కొనసాగుతోంది. జిల్లాలోని విక్కిరాలపేట నుంచి కందుకూరు వరకు నేడు ఈ మహాపాదయాత్ర కొనసాగనుంది.

జడ్పీటీసీ ఎంపీటీసీ ఎన్నికలు ప్రారంభం
ఏపీలో జడ్పీటీసీ, ఎంపీటీసీ ఎన్నికలు ఉదయం 7 గంటలకు ప్రారంభమయ్యాయి. మొత్తం రాష్ట్రంలో 10 జడ్పీటీసీ, 123 ఎంపీటీసీ స్థానాలకు పోలింగ్ జరుగుతోంది. గతంలో వివిధ కారణాలతో నిలిచిపోయిన చోట్ల ఇప్పుడు ఎన్నికలు జరుగుతున్నాయి. రాష్ట్రంలో మొత్తం 954 కేంద్రాల్లో ఉదయం 7 గంటల నుంచి సాయంత్రం 5 గంటల వరకు పోలింగ్ కొనసాగనుంది. రాష్ట్రంలో మొత్తం జడ్పీటీసీ స్థానాల్లో 40 మంది, ఎంపీటీసీ స్థానాల్లో 328 మంది బరిలో ఉన్నారు. ఏకంగా 8,07,640 మంది ఓటర్లు ఓటు హక్కు వినియోగించుకోనున్నారు. ఓట్లను ఈ నెల 18న లెక్కించి ఫలితాలు వెల్లడిస్తారు.

స్థిరంగా ఇంధన ధరలు
హైదరాబాద్‌లో నేడు పెట్రోల్ ధర లీటరుకు రూ.108.20గా స్థిరంగానే ఉంది. డీజిల్ ధర లీటరుకు రూ.94.62 గా నిలకడగానే ఉంది. గత కొన్ని రోజుల నుంచి హైదరాబాద్‌లో నిలకడగానే ధరలు ఉంటున్నాయి. ఇక వరంగల్‌లో పెట్రోల్ ధర రూ.0.19 పైసలు తగ్గింది. దీంతో తాజా ధర రూ.107.69 గా ఉంది. డీజిల్ ధర కూడా రూ.0.17 పైసలు తగ్గి రూ.94.14గా ఉంది. వరంగల్ రూరల్ జిల్లాలో సైతం ఇవే ఇంధన ధరలు కొనసాగుతున్నాయి.

Also Read: బండి సంజయ్ పర్యటనలో ఉద్రిక్తత... కాన్వాయ్ పై రాళ్ల దాడి కారు అద్దాలు ధ్వంసం... బీజేపీ, టీఆర్ఎస్ శ్రేణుల మధ్య బాహాబాహీ 

పసిడి ధరలు ఇలా..
తెలుగు రాష్ట్రాల్లో బంగారం ధర నేడు తగ్గింది. పసిడి ధర గ్రామునకు రూ.21 తగ్గగా.. వెండి ధర గ్రాముకు రూ.0.70 పైసలు తగ్గింది. తాజాగా 22 క్యారెట్ల 10 గ్రాముల (తులం) బంగారం ధర, ఇవాళ హైదరాబాద్‌ మార్కెట్‌లో రూ.45,900 గా ఉంది. 24 క్యారెట్ల ప్యూర్ బంగారం (99.99 స్వచ్ఛత) ధర ప్రస్తుతం రూ.50,070 గా ఉంది. ఇక స్వచ్ఛమైన వెండి ధర హైదరాబాద్ మార్కెట్‌లో కిలో రూ.71,000గా ఉంది. తెలంగాణ వ్యాప్తంగా మిగతా నగరాల్లోనూ ఇవే ధరలు అమల్లో ఉంటున్నాయి. 

Also Read: పూర్వ విద్యార్థుల సమ్మేళనంలో అశ్లీల నృత్యాలు... ఇవేం పనులంటూ స్థానికుల మండిపాటు

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి

22:44 PM (IST)  •  16 Nov 2021

ఈ నెల 21న పశ్చిమగోదావరి జిల్లాలో పవన్ కల్యాణ్ పర్యటన

పశ్చిమగోదావరి జిల్లా నరసాపురంలో ఈ నెల 21న తేదీన జనసేన భారీ బహిరంగ సభ ఏర్పాటు చేసింది. ఈ సభలో జనసేన పార్టీ అధ్యక్షుడు పవన్ కల్యాణ్ పాల్గొంటారు. 21వ తేదీ మధ్యాహ్నం 3 గంటలకు స్వర్ణాంధ్ర ఇంజినీరింగ్ కాలేజీ గ్రౌండ్స్ లో సభ మొదలవుతుంది. ఆ రోజే ప్రపంచ మత్స్య దినోత్సవం కావడంతో పవన్ కల్యాణ్ వేదికపై మత్స్యకారుల అభివృద్ధి మాట్లాడనున్నారు. పోరాట యాత్రకు గంగ పూజ చేసి శ్రీకారం చుట్టింది. నరసాపురంలోని బహిరంగ సమావేశం వేదిక నుంచి రాష్ట్రంలో మత్స్యకారులు ఎదుర్కొంటున్న సమస్యలు, జీవనోపాధికి విఘాతం కలిగించే వైసీపీ ప్రభుత్వ నిర్ణయాలను ప్రస్తావిస్తారు. పశ్చిమ గోదావరి జిల్లావ్యాప్తంగా నెలకొన్న పలు కీలక సమస్యలను జిల్లా నాయకులు ఇప్పటికే పార్టీ కేంద్ర కార్యాలయం దృష్టికి తీసుకువచ్చారు. 

22:35 PM (IST)  •  16 Nov 2021

రేపు, ఎల్లుండి కోస్తాంధ్రలో భారీ వర్షాలు

ఆగ్నేయ బంగాళాఖాతంలో ఏర్పడ్డ అల్పపీడనం పశ్చిమ దిశగా కదులుతుందని వాతావరణ శాఖ ప్రకటించింది. ఈ అల్పపీడనం గురువారం నాటికి దక్షిణ కోస్తా - ఉత్తర తమిళనాడు తీరాలకు చేరే అవకాశం ఉందని పేర్కొంది. దీని ప్రభావంతో బుధవారం కోస్తాంధ్రలో అక్కడక్కడ భారీ నుంచి అతి భారీ వర్షాలు కురిసే అవకాశం ఉందని తెలిపింది. రాయలసీమలో అక్కడక్కడ భారీ వర్షాలు, మిగిలిన చోట్ల తేలికపాటి నుంచి మోస్తరు వర్షాలు కురిసే అవకాశం ఉందని తెలిపింది. గురువారం కూడా పలు ప్రాంతాలకు వర్ష సూచన ఉంటుందన్నారు