Watermelon Storage Tips : పుచ్చకాయను కట్ చేసి ఫ్రిడ్జ్‌లో పెట్టొచ్చా? అలా తింటే మంచిదేనా?

Cut Watermelon in the Fridge : ఫ్రిడ్జ్​లో కట్ చేసిన పుచ్చకాయను పెట్టవచ్చా? ఇలా తింటే ఇబ్బందులు ఉంటాయా? మరి పుచ్చకాయను ఎలా స్టోర్ చేయాలో చూసేద్దాం.

ఫ్రిడ్జ్‌లో పెట్టిన పుచ్చకాయ తినొచ్చా?

Source : Freepik

Show Quick Read

Key points generated by AI, verified by newsroom

• కట్ చేసిన పుచ్చకాయను ఫ్రిడ్జ్‌లో సరిగ్గా నిల్వ చేయకపోతే బ్యాక్టీరియా పెరుగుతుంది.
• పుచ్చకాయ ముక్కలను ఎయిర్ టైట్ కంటైనర్ లేదా ప్లాస్టిక్ ర్యాప్‌తో కవర్ చేయండి.
• కట్ చేసిన పుచ్చకాయను 24 గంటల్లోపు తినడం ఉత్తమం, 4°C వద్ద నిల్వ చేయాలి.
• పిల్లలు, సున్నితమైన జీర్ణక్రియ ఉన్నవారు ఎక్కువసేపు నిల్వ ఉన్న పుచ్చకాయను తినకూడదు.

Watermelon Store in the Fridge : వేసవికాలంలో ఎక్కువగా తినే వాటిలో పుచ్చకాయ కచ్చితంగా ఉంటుంది. చల్లగా, తియ్యగా ఉండే వాటర్​మిలాన్​ని పిల్లల నుంచి పెద్దలవరకు అందరూ ఇష్టంగా తింటారు. సమ్మర్​లో దీనిని రెగ్యులర్​గా తింటే డీహైడ్రేషన్ సమస్యలు తగ్గుతాయి. మరెన్నో ఆరోగ్య ప్రయోజనాలు అందుతాయి. అయితే చాలామంది ఏమి చేస్తారంటే.. పుచ్చకాయను ఒకేసారి తినలేరు కాబట్టి.. దాన్ని కట్ చేసి ఫ్రిడ్జ్‌లో స్టోర్ చేస్తుంటారు. మరి పుచ్చకాయను ఫ్రిడ్జ్​లో పెట్టి తినొచ్చా? లేదా? ఎలా తీసుకుంటే మంచిదో చూసేద్దాం. 

కట్ చేసిన పుచ్చకాయను ఫ్రిడ్జ్‌లో పెట్టకూడదా?

ఈ మధ్యకాలంలో సోషల్ మీడియాలో ఆరోగ్య చిట్కాలు అంటూ కొన్ని విషయాలపై రాంగ్ ఇన్​ఫర్మేషన్ ఇస్తున్నారు. అలాంటిదే ఇది కూడా. పుచ్చకాయ ఫ్రిడ్జ్​లో పెట్టకూడదంటూ భయాందోళనలకు గురి చేస్తున్నారు. కానీ నిజానికి పుచ్చకాయను ఫ్రిడ్జ్​లో పెట్టొచ్చు. కానీ దానిని ఎలా పెడుతున్నామనేది ముఖ్యమైన విషయం. పుచ్చకాయను ఫ్రిడ్జ్​లో ఎలా పెట్టాలి.. ఎలా తింటే మంచిదంటే.. 

పుచ్చకాయ కట్ చేసి.. ఫ్రిడ్జ్​లో పెట్టాలనుకుంటే..

పుచ్చకాయను కట్ చేసిన తర్వాత అది గాలికి ఎక్స్‌పోజ్ అవుతుంది. దీనివల్ల బ్యాక్టీరియా త్వరగా పెరుగుతుంది. పోషకాలు తగ్గే అవకాశం ఉంటుంది. కాబట్టి సరైన విధంగా స్టోర్ చేయకపోతే మాత్రమే సమస్యలు వస్తాయి.

ఎలా పెట్టకూడదంటే.. 

పుచ్చకాయను కోసేసి.. ఓపెన్‌గా ప్లేట్‌లో పెట్టడం మంచిది కాదు. కవర్ లేకుండా ఫ్రిడ్జ్‌లో ఉంచినా.. చాలా రోజులు కట్ చేసి అలాగే ఉంచడం మంచిది కాదని చెప్తున్నారు. ఇలా చేయడం వల్ల పుచ్చకాయ రుచి మారడంతో పాటు.. బ్యాక్టీరియా పెరిగే అవకాశం ఉంటుంది. దీనివల్ల తిన్నప్పుడు కడుపు సమస్యలు రావచ్చు.

ఫ్రిడ్జ్​లో స్టోర్ చేసుకోవాలనుకుంటే.. 

పుచ్చకాయను ముక్కలుగా కోస్తే.. వాటిని ఎయిర్‌టైట్ కంటైనర్‌లో పెట్టండి. కట్ చేసిన ముక్కలను ఎయిర్‌టైట్ బాక్స్‌లో పెట్టడం వల్ల గాలికి ఎక్స్​పోజ్ అవ్వదు. లేదా ప్లాస్టిక్ ర్యాప్ లేదా ఫుడ్ గ్రేడ్ కవర్ ఉపయోగించండి. కట్ చేసిన 24 గంటల్లో పుచ్చకాయ తినేస్తే మరీ మంచిది. పుచ్చకాయను ఎక్కువ కాలం స్టోర్ చేయకపోవడమే మంచిది. 1 రోజు లోపు తింటే మంచిది. ఫ్రిడ్జ్‌లో 4°C దగ్గర ఉంచితే ఫ్రెష్‌గా ఉంటుంది. 

ఈ తప్పులు చేయకండి.. 

చిన్నపిల్లలు, సున్నితమైన జీర్ణక్రియ ఉన్నవారు ఎక్కువ సేపు స్టోర్ చేసిన పుచ్చకాయ తినకపోవడం మంచిది. ఫ్రెష్​గా తింటే మంచిది. పుచ్చకాయను కట్ చేసి ఫ్రిడ్జ్‌లో పెట్టడం తప్పు కాదు. కానీ సరైన విధంగా స్టోర్ చేయకపోతేనే ఆరోగ్య సమస్యలు వస్తాయని గుర్తించుకోండి. కాబట్టి ఎప్పుడూ శుభ్రంగా, కవర్ చేసి, తక్కువ సమయంలో తినడం అలవాటు చేసుకోవాలంటున్నారు నిపుణులు.

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

మరిన్ని చదవండి

వేసవికాలంలో రోజూ చోడి జావ తాగితే ఏమవుతుంది? ఎవరికి మంచిది.. ఎవరికి కాదు?

కాలేయంలో కొవ్వు పెరిగిందా? ఈ 5 ఫుడ్స్ వెంటనే డైట్‌లో చేర్చుకోండి.. సిర్రోసిస్ ప్రమాదం తగ్గుతుంది