Ragi Java : వేసవికాలంలో రోజూ చోడి జావ తాగితే ఏమవుతుంది? ఎవరికి మంచిది.. ఎవరికి కాదు?
Ragi Java in Summer : సమ్మర్లో కొన్ని ఫుడ్స్ ఆరోగ్యానికి చాలా మంచివిగా చెప్తారు. అలాంటి వాటిలో చోడి జావ ఒకటి. అయితే దీనిని ఎలా తీసుకుంటే మంచిది? ఎవరు తీసుకోకూడదో చూసేద్దాం.
Beat the Heat with Ragi Java : వేసవి స్టార్ట్ అవ్వగానే చాలామంది ఉదయాన్నే చోడి జావ (రాగిజావ) తీసుకుంటారు. ఎందుకంటే సమ్మర్లో శరీరం త్వరగా డీహైడ్రేట్ అవుతుంది. దీంతో అలసట, బలహీనత, హీట్ స్ట్రోక్ వంటి సమస్యలు వచ్చే అవకాశం ఉంటుంది. ఇలాంటి సమయంలో కొన్ని ఫుడ్స్ చాలా బాగా ఉపయోగపడతాయి. అలాంటి వాటిలో చోడి జావ ఒకటి. అందుకే పాతకాలం నుంచే ఈ ట్రెడీషన్ కొనసాగుతుంది.
చోడి జావ ఆరోగ్యానికి మంచిదే అయినా దానిని కొందరు తీసుకోకూడదట. ఇంతకీ చోడి జావ వల్ల కలిగే లాభాలు ఏంటి? దీనిలో మజ్జిగ వేసుకోవచ్చా? లేదా? ఎవరు తీసుకుంటే మంచిది? ఎవరు దీనికి దూరంగా ఉంటే బెస్టో ఇప్పుడు చూసేద్దాం.
చోడి జావ తాగితే కలిగే లాభాలు
చోడి జావ శరీర ఉష్ణోగ్రతను తగ్గించి.. హీట్ నుంచి రక్షిస్తుంది. ఎండ వేడి లేకుండా శరీరాన్ని కూల్గా ఉంచుతుంది. అలాగే నేచురల్ ఎనర్జీ డ్రింక్లా పనిచేస్తుంది. ఉదయాన్నే తీసుకోవడం వల్ల రోజంతా యాక్టివ్గా ఉంటారు. ఫైబర్ ఎక్కువగా ఉండటం వల్ల మలబద్ధకం తగ్గుతుంది. గట్ హెల్త్ మెరుగవుతుంది. జీర్ణ ఆరోగ్యానికి మేలు చేస్తుంది.
రాగి జావలో కాలరీలు తక్కువగా ఉంటాయి. అలాగే ఎక్కువ సంతృప్తిని ఇస్తాయి. దీనివల్ల ఎక్కువసేపు క్రేవింగ్స్ లేకుండా ఉంటారు. బరువు తగ్గేందుకు ఇది మంచి ఫలితాలు ఇస్తుంది. కాల్షియం ఎక్కువగా ఉండటం వల్ల ఎముకలకు బలం అందుతుంది. ఇవన్నీ మంచి ఫలితాలే అయినా.. దీని జోలికి కొందరు వెళ్లకపోవడమే మంచిది అంటున్నారు.
రాగి జావ ఎవరు తాగకపోతే మంచిది?
థైరాయిడ్ సమస్య ఉన్నవారు ఎక్కువగా తీసుకుంటే సమస్య పెరగొచ్చు. కిడ్నీ సమస్యలున్నవారు కాస్త జాగ్రత్తగా ఉండాలి. మినరల్స్ ఎక్కువగా ఉండటం సమస్య పెరిగే ప్రమాదం ఉంది. అలాగే చిన్నపిల్లలకు ముఖ్యంగా 6 నెలల లోపు వారికి డాక్టర్ సలహా లేకుండా ఇవ్వకూడదు. అలర్జీ ఉన్నవారు కూడా తీసుకోకూడదు.
ఏ సమయంలో తాగితే బెస్ట్?
ఉదయం బ్రేక్ఫాస్ట్గా లేదా మధ్యాహ్నం ముందు తీసుకుంటే మంచిది. ఖాళీ కడుపుతో తాగితే ఇంకా మంచి ప్రయోజనాలు అందుతాయి. సాయంత్రం కూడా తాగవచ్చు కానీ రాత్రి ఎక్కువగా తీసుకోవద్దు.
ఎలా తీసుకుంటే మంచిది?
రాగిజావను మజ్జిగ లేదా నీటితో కలిపి తాగితే కూలింగ్ ఎఫెక్ట్ ఎక్కువగా ఉంటుంది. ఉప్పు, ఉల్లిపాయ, కరివేపాకు కలిపితే రుచి బాగుంటుంది. ఆరోగ్యానికి కూడా మంచిది. బెల్లం వేసుకుంటే ఇంకా మంచిది. డ్రై ఫ్రూట్స్ వేసుకుని కూడా దీనిని తీసుకోవచ్చు. మీ టేస్ట్ని బట్టి దీనిని మీ రొటీన్లో చేర్చుకోవచ్చు.
సమ్మర్లో చోడి జావ ఒక సూపర్ హెల్తీ డ్రింక్. అయితే మీ ఆరోగ్య పరిస్థితిని బట్టి తీసుకోవడం చాలా ముఖ్యం. సరైన విధంగా తీసుకుంటే ఇది మంచి ప్రయోజనాలు ఇస్తుంది. కచ్చితంగా మీ వైద్యుడి సూచనలు తీసుకుని ఫాలో అయితే మంచిది.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
