Gold in Bank Locker : బ్యాంక్ లాకర్లో గోల్డ్ పెట్టడం నిజంగా భద్రమేనా? RBI గైడ్లైన్స్ ఇవే
Bank Locker Safety : గోల్డ్ సురక్షితంగా ఉంచుకోవాలని చాలామంది బంగారాన్ని బ్యాంక్ లాకర్లో పెడతారు. అయితే ఈ ప్రక్రియ నిజంగానే భద్రతనిస్తోందా? ఆర్బీఐ గైడ్లైన్స్ ఏంటి?
RBI Locker Guidelines : బంగారానికి ఎప్పుడూ మంచి డిమాండ్ ఉంటుంది. ఈ విషయం అందరికీ తెలుసు. అందుకే దీనిని చాలామంది కొంటూ ఉంటారు. ఫంక్షన్ల సమయంలో వేసుకోవడానికే కాదు.. ఇన్వెస్ట్మెంట్లో భాగంగా కూడా బంగారాన్ని తీసుకుంటూ ఉంటారు. అయితే ఇలా కొన్న గోల్డ్ని జాగ్రత్తగా కాపాడుకోవాలి కదా మరి. దొంగల నుంచి, ఇతర ప్రమాదాల నుంచి బంగారాన్ని కాపాడుకునేందుకు ఎక్కువమంది ఆశ్రయించే ప్లేస్ బ్యాంక్.
అవును. చాలామంది గోల్డ్ని బ్యాంక్ లాకర్లో ఉంచుతారు. అక్కత తమ బంగారం భద్రంగా ఉంటుందని భావిస్తారు. అయితే నిజంగానే బ్యాంక్ లాకర్లో బంగారం సురక్షితంగా ఉంటుందా? RBI గైడ్లైన్స్ ఏంటి? గోల్డ్ బ్యాంక్ లాకర్లో పెట్టేముందు తెలుసుకోవాల్సిన విషయాలేంటి వంటివి ఇప్పుడు చూసేద్దాం.
ఆర్బీఐ గైడ్ లెన్స్..
గతంలో బ్యాంకులు లాకర్లో ఉన్న వస్తువులు దొంగతనం లేదా ఇతర నష్టం జరిగితే బ్యాంక్ దానికి బాధ్యత వహించదు అనే రూల్ ఉండేది. అయితే ఆ నింబంధనకు ఆర్బీఐ 2021లో మార్పులు చేసింది. బ్యాంకులు.. లాకర్ల భద్రతకు అవసరమైన చర్యలు తీసుకోవాలని.. కస్టమర్ లాకర్లో పెట్టిన వస్తువులకు బాధ్యులుకామని చెప్పకూడదని.. నిర్లక్ష్యం వల్ల నష్టం జరిగితే కచ్చితంగా బాధ్యత తీసుకోవాలని 2021లో మార్గదర్శకాలు చేసింది.
నిర్లక్ష్యం వల్ల నష్టం జరిగితే బ్యాంక్ లాకర్ సంవత్సర రెంటుకి 100 రెట్లు వరకు నష్ట పరిహారం చెల్లించాలని సూచించింది. 2022, జనవరి 1 నుంచి ఈ గైడ్లైన్స్ అమలవుతున్నాయి. అలాగే భూకంపం, వరదలు వంటి వల్ల గోల్డ్ పోతే బ్యాంకులు వాటికి బాధ్యత వహించవు. కస్టమర్లకు ఎలాంటి డబ్బులు చెల్లించవనేది కూడా ఆర్బీఐ నిబంధనే.
నిపుణుల సలహా ఇదే
బంగారాన్ని బ్యాంక్ లాకర్లో ఉంచుకోవాలనుకునేవారు ఓ టిప్ ఫాలో అవ్వాలని సూచిస్తున్నారు నిపుణులు. అదేంటంటే.. మీరు గోల్డ్ లాకర్లో బంగారం పెడితే.. బ్యాంక్ లాకర్ రెంట్ను 100 సార్లు కట్టగా ఎంత ఖర్చు అవుతుందో లెక్క చూసుకుని.. అంతే మొత్తం లేదా అంతకంటే తక్కువ గోల్డ్ మాత్రమే లాకర్లో పెట్టుకోవాలని సూచిస్తున్నారు. రెంట్ లిమిట్ కంటే ఎక్కువ గోల్డ్ పెడితే మీరు రిస్క్ తీసుకుంటున్నట్టేనని చెప్తున్నారు.
కచ్చితంగా తెలుసుకోవాల్సిన విషయాలు
చాలా బ్యాంకులు లాకర్లో ఉన్న వస్తువులకు బీమా ఇవ్వవు. కాబట్టి మీరు కావాలంటే బీమా పాలసీ తీసుకోవచ్చు. అలాగే గోల్డ్ బ్యాంక్ లాకర్లో పెట్టే ముందు కొన్ని విషయాలు కచ్చితంగా తెలుసుకోవాలి. లాకర్ ఒప్పందాన్ని పూర్తిగా చదవాలి. మీరు ఉంచే బంగారం, నగలు మొదలైన వాటిని ఫోటోలు తీసి.. వివరాలు జాగ్రత్త చేసుకోవాలి. కనీసం ఆరు నెలలకోసారి లాకర్ను చెక్ చేసుకోవాలి.
టాప్ హెడ్ లైన్స్
ట్రెండింగ్ వార్తలు
