UnHealthy Habits: నిద్రను రానివ్వకుండా చేసే అలవాట్లు ఇవే... దూరం పెట్టకపోతే పెద్ద రోగాలు రావడం ఖాయం

పడుకోబోయే ముందు మీరు ఎంత ప్రశాంతంగా ఉంటే అంత చక్కటి నిద్ర మీ సొంతమవుతుంది.

(Image credit: Pixabay)

రాత్రి సరిగా నిద్రపట్టకపోతే ఆ ప్రభావం ఉదయం తింటి నుంచి పని వరకు ప్రతి పనిపైనా  పడుతుంది. అందుకే ప్రశాంతమైన, చక్కటి నిద్ర అందరికీ అవసరం. అంతేకాదు రోజు ఎనిమిది గంటలు కూడా నిద్ర పోవడం కూడా చాలా ముఖ్యం. కానీ కొన్నిరకాల అలవాట్ల వల్ల రాత్రి నిద్ర చెడిపోతోంది. ఆ అలవాట్లను దూరం పెట్టాల్సిన అవసరం ఎంతైనా ఉంది. 

1. కాఫీలు తెగ తాగడం
కొందరు కాఫీలకు, టీలకు బానిసలైపోతారు. ఎవరైనా కావాలా అని అడగడం పాపం తీసుకుని గడగడ తాగేస్తారు. కెఫీన్ అధికంగా వీటి వల్ల నిద్ర సరిగా పట్టదు. ఇవి మెదడుపై స్టిమ్యులేటింగ్ ఎఫెక్ట్ ను ఎక్కువ చూపిస్తాయి. దీంతో మెదడు అలర్ట్ అయిపోతుంది. నిద్రను ఆలస్యం చేస్తుంది. 

2. బింగే ఈటింగ్
నోటికి అడ్డు అదుపులేకుండా ఎప్పుడూ ఏదో ఒకటి నములుతూ ఉండడం. ఓటీటీలో సినిమా పెట్టుకోవడం ఒకటే తినడం ఇది చాలా మంది చేసే పని. ఎంత తింటున్నామో కూడా తెలియకుండా ఏదో ఒకటి నిత్యం తినడాన్నే బింగే ఈటింగ్ అంటారు. రాత్రి సినిమాలు చూస్తూ అర్థరాత్రి వరకు పడుకోకపోవడం కూడా నిద్రా వ్యవస్థను దెబ్బతీస్తుంది. 

3. రాత్రి ఆకలి
రాత్రి సరిగా తినకుండా నిద్రపోవడం, అర్థరాత్రి ఆకలితో మేల్కోవడం పద్దతి కొనసాగినా మంచిది కాదు. ఇలాగే కొనసాగితే నిద్రపోయే సమయానికి ఉబ్బరం, గ్యాస్, అజీర్ణం వంటి సమస్యలు మొదలవుతాయి. 

4. అస్థిరమైన నిద్రవేళలు
కొందరు రాత్రి ఒకే టైమ్‌కే నిద్రపోరు. ఓరోజు తొమ్మిది గంటలకు, మరోసారి పది గంటలకు, ఇంకోసారి 12 గంటలకు ఇలా నచ్చినట్టు నిద్రపోతారు. ఇలా అస్థిరమైన నిద్రవేళలు మంచివి కావు. రోజూ ఒకే సమయానికి నిద్రపోవడం ఉత్తమం. 

5. నిద్రపోయే ముందు బ్రషింగ్
రాత్రి పడుకునే ముందు పళ్లను కనీసం రెండు నిమిషాల పాటూ బ్రష్ చేసుకోవాలి. నోటి శుభ్రత లేకపోయినా కూడా సరిగా నిద్రపట్టదు. నోటిలోని బ్యాక్టిరియాల పొట్టపై కూడా ప్రభావం చూపిస్తుంది. 

గమనిక:ఈ కథనంలో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు. ఏదైనా వ్యాయామం లేదా డైట్‌లో మార్పులు చేయాలనుకుంటే తప్పకుండా మీరు వైద్యుడు, డైటీషియన్‌ను సంప్రదించాలి.  

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి