Cold & Cough Medicine Dangers : డాక్టర్ దగ్గరకు వెళ్లకుండా దగ్గు, జలుబు మందులు వాడుతున్నారా? ప్రాణాలకే ముప్పు!
Self-Medication : జలుబు, దగ్గు వంటివాటితో ఇబ్బంది పడేప్పుడు డాక్టర్ దగ్గరికి ఏమి వెళ్తాంలే అనుకుని మెడికల్ స్టోర్కి వెళ్లి.. ఫేమస్ ట్యాబ్లెట్స్ తీసుకుని వాడేస్తారు. కానీ ఇది ఏమాత్రం మంచిది కాదట.
Self-Medication for Cold and Cough : సీజన్ మారే సమయంలో జలుబు, దగ్గు, గొంతు నొప్పి వంటి సమస్యలు రావడం కామన్. ఆ సమయంలో చాలామంది డాక్టర్ దగ్గరికి వెళ్తే ఖర్చు ఎక్కువ అవుతుందని మెడికల్ స్టోర్కి వెళ్లి ప్రిస్క్రిప్షన్ లేకుండానే మందులు కొని వాడేస్తారు. వారికి పనిచేసిందంటూ పదిమంది ఆ ట్యాబెట్స్ సజెస్ట్ చేస్తారు. ఇలా ఓవర్-ది-కౌంటర్ మందులు ఉపయోగించడం వల్ల ఆరోగ్యానికి తీవ్రమైన ముప్పు కలుగుతుందని చెప్తున్నారు.
వైద్యుల సూచనలు లేకుండా వాడితే..
వైద్యుల సూచనలు లేకుండా ఎక్కువ కాలం ఈ మందులు వాడితే.. గుండె, మెదడు, కాలేయం, మూత్రపిండాలు దెబ్బతింటాయని నిపుణులు అంటున్నారు. నోయిడాలోని మేదాంత హాస్పిటల్‌లో వైద్యురాలైన డాక్టర్ అర్పితా కులశ్రేష్ఠ.. జలుబు, దగ్గుకు ఉపయోగించే మందుల గురించి షాకింగ్ విషయాలు తెలిపారు. సాధారణ OTC మందులలో డీకంజెస్టెంట్లు, యాంటిహిస్టామైన్‌లు, దగ్గును అణిచివేసే మందులు,నొప్పి, జ్వరం మాత్రలు ఉంటాయని తెలిపారు.
ఈ సైడ్ ఎఫెక్ట్స్ తెలియకుండానే.. తీసుకోవడం వల్ల చాలా ఇబ్బంది పడుతున్నారని చెప్తున్నారు. దగ్గు, జలుబు మందులు శరీరంపై తీవ్ర ప్రభావాన్ని చూపుతాయి. ఒక వ్యక్తి ఇప్పటికే ఇతర మందులు తీసుకుంటుంటే.. ఔషధ పరస్పర చర్యల ప్రమాదం పెరుగుతుంది. డీకాంజెస్టెంట్లు జలుబు రద్దీని తగ్గిస్తాయి. శ్వాసను సులభతరం చేస్తాయి. కానీ వాటిని రెగ్యూలర్గా ఉపయోగించడం వల్ల ప్రతికూల ప్రభావాలు ఉంటాయి.
జలుబు, దగ్గు మెడిసన్స్ వాడితే కలిగే నష్టాలివే
డెక్స్ట్రోమెథోర్ఫాన్ వంటి దగ్గును అణిచివేసే మందులను ఎక్కువగా వాడటం వల్ల మెదడుపై ప్రతికూల ప్రభావాలు ఉంటాయి. తలతిరగడం, గందరగోళం, అసాధారణ ప్రవర్తన, మానసిక స్థితిలో మార్పులు వస్తాయి. పారాసెటమాల్, ఇబుప్రోఫెన్ వంటి నొప్పి, జ్వరం మందులను ఎక్కువగా వాడటం వల్ల కాలేయం, మూత్రపిండాలు దెబ్బతింటాయి. కొన్ని సందర్భాల్లో ఇది కడుపులో రక్తస్రావం, గుండె జబ్బుల ప్రమాదాన్ని కూడా పెంచుతుందని.. కాబట్టి వాటికి దూరంగా ఉండాలని సూచిస్తున్నారు.
జలుబు, దగ్గు వంటి సమస్యలు ఉంటే.. వైద్యుల సూచనలు తీసుకోవాలని చెప్తున్నారు. లేకుంటే దీర్ఘకాలిక సమస్యలు పెరుగుతాయని చెప్తున్నారు. వైద్యులు సూచించినా సరే ఎక్కువ కాలం ఏ మెడిసన్ ఉపయోగించకపోడమే బెటర్ అంటున్నారు.
గమనిక: ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
