Monsoon Home Tips : వర్షాకాలంలో కచ్చితంగా ఇంట్లో చేయాల్సిన మార్పులివే.. సింపుల్, ఎఫెక్టివ్ టిప్స్

Monsoon Tips: వర్షాకాలంలో మీ ఇళ్లు ఫ్రెష్​గా, హాయిగా ఉండాలనుకుంటున్నారా? అయితే మీరు ఇంట్లో కొన్ని మార్పులు చేయాల్సి ఉంటుంది. అవేంటంటే.. 

వర్షాకాలంలో ఇంటిని ఇలా మార్చేసుకోండి (Image Source : Freepik)

Source : Envato

Monsoon Makeover Tips : ఇంటిలో సీజన్​కి తగ్గట్లు మార్పులు చేసుకోవడం అనేది చాలా అవసరమైన విషయం. ఇలా మార్పులు, మేక్​ఓవర్ చేయడం వల్ల రూమ్​ మీకు బోర్​ కొట్టుకుండా ఉంటుంది. అలాగే సీజన్​కి అనుగుణంగా మార్చుకోవడం వల్ల ఇళ్లు ఎప్పుడు ఫ్రెష్​గా, ఎలాంటి ఇబ్బంది లేకుండా ఉంటుంది. అయితే మాన్​సూన్​లో ఇంట్లో ఎలాంటి మార్పులు చేస్తే కంఫర్ట్​బుల్​గా ఉంటారో.. వాటితో కలిగే లాభాలు ఏంటో ఇప్పుడు ఓ లుక్కేద్దాం. 

వర్షాకాలంలో తడి, తేమ వల్ల కాస్త ఇబ్బంది ఉంటుంది. అలా ఉండకుండా మీరు ఇళ్లు ఫ్రెష్​గా ఉండాలనుకుంటే మీరు కొన్ని వస్తువులను ఇంట్లో ఉంచుకోవడంతో పాటు కొన్ని మార్పులు చేయాల్సి ఉంటుంది. క్రేజీ డిజైన్స్​తో మార్పులు చేసేందుకు ఏవి బెస్ట్ ఆప్షనో తెలుసుకుందాం. 

డోర్ దగ్గర చేయాల్సిన మార్పులు.. 

వర్షాకాలంలో డోర్​ దగ్గర కొన్ని మార్పులు చేయాలి. స్ట్రాంగ్ షూ రాక్​తో పాటు.. గొడుగు పెట్టేందుకు హోల్డర్స్ రెడీ చేసుకోవాలి. చేతులు తుడుచుకోవడానికి ఓ టవల్ పెట్టుకోవాలి. అలాగే కాళ్లకు ఉండే నీటిని పీల్చుకోగలిగే డోర్​మ్యాట్​ను తీసుకోవాలి. 

వీటిని గుమ్మం దగ్గర ఉంచడం వల్ల ఇంట్లో మిగిలి ఉన్న భాగం శుభ్రంగా, పొడిగా ఉంటుంది. ఇంట్లోకి వచ్చేవారు కూడా అక్కడ క్లీన్ చేసుకుని లోపలికి వస్తారు. దీనివల్ల మురికి కూడా ఉండదు. 

ఫర్నిచర్ మార్పులు.. 

వర్షాకాలంలో ఫర్నిచర్​పై ఉండే సాధారణ క్లాత్​లను తొలగించడమే కాకుండా.. వాటిని వాటర్​ప్రూఫ్ క్లాత్స్​తో భర్తీ చేయాలి. మందపాటి కార్పెట్లు, బరువైన రగ్గులు వాడకూడదు. ఇవి తేమకు దుర్వాసనను వెదజల్లుతాయి. వాటికి బదులుగా ఉతికిన, తడిచినా త్వరగా ఆరిపోయే మ్యాట్​లు, సన్నని కార్పెట్​లు వేసుకోవాలి. 

కుషన్లు, కర్టెన్లు కూడా అలాంటివే ఎంచుకోవాలి. లేదంటే అవి వాసన వస్తాయి. పాతవాసనను నివారించే కాటన్ క్లాత్స్, సింథటిక్​వి ఎంచుకోవాలి. 

క్రాస్ వెంటిలేషన్.. 

వర్షాకాలంలో గదులు తేమతో కూడిన గాలితో నిండిపోతాయి. వర్షం ఆగిపోయినప్పుడు ఫ్రెష్ ఎయిర్​ లోపలికి వచ్చేలా క్రాస్ వెంటిలేషన్​ను ఏర్పాటు చేసుకోవాలి. మెష్ గ్రిల్స్, స్క్రీన్లు ఉంటే వాటిని తొలగించి గాలి లోపల ఆగిపోకుండా ఉండేలా.. ఫ్రెష్ గాలి వచ్చేలా చూసుకోండి. ఫ్యాన్స్ వేస్తూ ఉంచితే.. తేమ బయటకు వెళ్లిపోతుంది. 

మొక్కలు.. 

ఇంట్లో తాజా ఫీల్​ని రెట్టింపు చేయడానికి మీరు ఇండోర్ ప్లాంట్లు పెట్టుకోవచ్చు. పీస్​ లిల్లీస్, స్నేక్ ప్లాంట్స్ వంటి ఇంట్లో పెట్టుకోవాలి. ఇవి గాలిని శుభ్రపరుస్తాయి. అలాగే ఇండోర్​లో ఉండే తేమను తగ్గిస్తాయి. పైగా మొక్కలు ఒత్తిడిని తగ్గించి మనసుకు హాయిని ఇస్తాయి. 

హ్యూమిడిఫైయర్​ 

వర్షాకాలంలో గదుల్లో ముఖ్యంగా గాలి, వెలుతురు లేని ప్రదేశంలో కాస్త వాసన వస్తుంది. ఆ సమయంలో కర్పూరం, సహజమైన ఆయిల్స్​ని రూమ్​లో ఉంచితే వాసన తగ్గుతుంది. అలాగే వార్డ్ రోబ్​లలో ఓ చిన్న పోర్టబుల్ డీహ్యూమిడిఫైయర్ పెట్టుకుంటే మంచిది. ఇది తేమను గ్రహిస్తుంది. వస్తువులు బూజు పట్టకుండా, పాడవకుండా ఇది హెల్ప్ చేస్తుంది. 

ఇవే కాకుండా వర్షాకాలంలో రెయిన్​కోట్లు, గొడుగులు, త్వరగా ఆరిపోయే టవల్స్ అన్నింటినీ ఓ చోట అందుబాటులో పెట్టుకోవాలి. వర్షాకాలంలో వేసుకోలేని దుస్తులను పక్కన పెట్టేస్తే మంచిది. అవి తేమను పీల్చుకోకుండా ఉంటాయి. ఈ సింపుల్ టిప్స్​తో వర్షాకాలంలో ఇళ్లు శుభ్రంగా, ఫ్రెష్​ ఫీలింగ్ ఇస్తుంది. 

మరిన్ని చదవండి

అద్దె ఇంట్లో ఉంటున్నారా? మీ హక్కులు తెలిస్తే ఓనర్స్ వణికిపోతారు.. తప్పక తెలుసుకోండి

కలిసి ఒకే ఇంట్లో ఉన్నప్పటికీ విడిగా బతుకుతున్న జంటలు ఎన్నో.. పెరుగుతున్న సైలెంట్ డివోర్స్