Whistling Scrotum: వృద్ధుడి వృషణాల నుంచి విజిల్స్, కారణం తెలిసి షాకైన డాక్టర్లు!

నోటి నుంచి వచ్చే విజిల్స్.. అతడికి వృషణాల నుంచి వస్తున్నాయి. ఔను, మీరు విన్నది నిజమే. ఆ వృద్ధుడు వృషణాలతో విజిల్స్ వేస్తున్నాడు.

Representational Image/Pixabay

విజిల్‌ లేదా ఈలను నోటితోనే వేస్తారనే సంగతి మీకు తెలిసిందే. కానీ, ఓ వృద్ధుడికి మాత్రం నోటి నుంచి కాకుండా వృషణాల నుంచి విజిల్స్ వస్తున్నాయి. అయితే, అది అతడు కావాలని వేస్తున్న విజిల్స్ కాదు. ఓ సర్జరీ వికటించడం వల్ల ఏర్పడిన సమస్య. 

అమెరికాలోని ఒహియోకు చెందిన ఈ 72 ఏళ్ల వృద్ధుడు.. తన వృషణాల నుంచి విజిల్ శబ్దం రావడం విని ఆశ్చర్యపోయాడు. ఒక్కసారి కాదు.. రెండు సార్లు కాదు, అతడు ఊపిరి పీల్చినప్పుడల్లా అతడి వృషణాలు విజిల్స్ వేస్తున్నాయి. దీంతో అతడు డాక్టర్‌ను సంప్రదించాడు. అతడికి వైద్య పరీక్షలు చేసిన డాక్టర్లు వృద్ధుడికి ‘విజిల్ స్క్రోటమ్’ ఏర్పడినట్లు తెలుసుకున్నారు. దీంతో అతడికి వెంటనే చికిత్స అందించారు. 

ఈ వింత కేసుకు చెందిన అధ్యయనాన్ని ఇటీవల అమెరికన్ జర్నల్ ఆఫ్ కేస్ రిపోర్ట్స్‌లో ప్రచురించారు. అయితే, ఊపిరితీత్తుల్లోకి చేరాల్సిన గాలి అక్కడికి వరకు ఎలా చేరుతుందనేది తెలుసుకోడానికి వారు బాధితుడి ఛాతికి ఎక్స్‌రే తీశారు. అతడి శరీరంలో అవసరమానికి మించిన గాలి ఉందని, దాని వల్ల అతడి ఊపిరితీత్తులు కుప్పకూలాయని తెలుసుకున్నారు. అతడిని అలాగే వదిలేస్తే.. గుండె, ఊపిరితీత్తులు శాస్వతంగా దెబ్బతిని చనిపోయే ప్రమాదం ఉందని భావించారు. 

నోరు.. ముక్కు తరహాలో ఎలాంటి రంథ్రాలు లేని వృషణాల నుంచి విజిల్స్ రావడం కాస్త ఆశ్చర్యకరమైన విషయమే. అయితే, అలా విజిల్స్ రావడానికి గల కారణంతో అతడికి నిర్వహించిన సర్జరీయే. ఐదు నెలల కిందట అతడి వృషణాల వాపును తగ్గించడానికి శస్త్రచికిత్స నిర్వహించారు. ఈ సందర్భంగా వృషణాల్లో చిక్కుకున్న గాలిని తొలగించడం కోసం వృషణాలకు చిన్న రంథ్రం చేశారు. దీంతో అతడి పొత్తికడుపులో చిక్కుకున్న గాలి.. వృషణాల సంచికి ఉన్న చిన్న రంథ్రం నుంచి బయటకు రావడం మొదలైంది. దీంతో అది విజిల్స్‌‌లా వినపడటం మొదలైంది. 

వృద్ధుడి ప్రాణాలు రక్షించడం కోసం తాజాగా మరో సర్జరీ నిర్వహించారు. అతడి శరీరంలో చిక్కుకున్న అదనపు గాలిని పూర్తిగా తొలగించడం కోసం అతడి ఛాతిలోకి రెండు ప్లాస్టిక్ గొట్టాలను చొప్పించారు. అయితే, ఛాతి గోడలో గాలి చిక్కుకోవడంతో అతడి పరిస్థితి మరింత క్షీణించింది. దీంతో మరో ట్యూబ్‌ను ఛాతిలోకి పంపి గాలిని రిలీజ్ చేశారు. ప్రస్తుతం బాధితుడి ఊపిరితీత్తులు మళ్లీ పనిచేయడం మొదలుపెట్టాయి. దీంతో అతడిని ఆసుపత్రి నుంచి డిశ్చార్జ్ చేశారు. వృషణ సంచిలో గాలి చిక్కుకునే అరుదైన పరిస్థితిని ‘న్యుమోస్క్రోటమ్’ అంటారని వైద్యులు తెలిపారు. వైద్య చరిత్రలో ఇప్పటివరకు 60 కేసులు మాత్రమే నమోదయ్యాయి.