High Cholesterol : కళ్లు, గోళ్లలోని ఈ మార్పులు అధిక కొలెస్ట్రాల్కు సంకేతాలు.. ప్రమాదమంటోన్న నిపుణులు
Silent Killer Cholesterol : అధిక కొలెస్ట్రాల్ ఆరోగ్యానికి ఎంతో ప్రమాదం అంటున్నారు నిపుణులు. ఇది సైలెంట్ కిల్లర్ అని.. అందుకే కొన్ని లక్షణాలు విస్మరించవద్దని చెప్తున్నారు.
High Cholesterol Warning Signs : వ్యాయామం లేకపోవడం, ఫుడ్ విషయంలో మార్పులు, నిద్రలేమి, ఒత్తిడి వంటి సమస్యలు అధిక కొలెస్ట్రాల్కు ప్రధాన కారణంగా మారుతున్నాయి. శరీరంలో చెడు కొలెస్ట్రాల్ పరిమాణం పెరిగినప్పుడు.. కొన్నిసార్లు సంకేతాలు ఉండకపోవచ్చు. కానీ అదనపు కొవ్వు కళ్ల చుట్టూ ఉన్న మృదు కణజాలాలలో పేరుకుపోయి.. చిన్న పసుపు మచ్చలను కలిగిస్తుందని చెప్తున్నారు. ఇది శాంథెలాస్మా ప్రారంభ సంకేతంగా కూడా చెప్తారు.
అధిక కొలెస్ట్రాల్.. గుండె, రక్త నాళాలకు సంబంధించిన తీవ్రమైన వ్యాధుల ప్రమాదాన్ని పెంచుతుంది. కానీ కళ్ళ చుట్టూ ఉన్న చర్మం మాత్రమే కాకుండా.. గోర్లు కూడా శరీరంలో పెరిగిన కొలెస్ట్రాల్ గురించి హెచ్చరికను ఇస్తాయని మీకు తెలుసా? కొలెస్ట్రాల్ పెరిగినప్పుడు గోళ్లపై కనిపించే 5 లక్షణాలు ఏమిటో తెలుసుకుందాం.
అధిక కొలెస్ట్రాల్
అధిక కొలెస్ట్రాల్ అనేది రక్తంలో కొవ్వు (లిపిడ్) పరిమాణం పెరిగే ఒక పరిస్థితి. దీని వలన ధమనులలో ప్లాక్ ఏర్పడి అవి ఇరుకుగా మారుతాయి. ఫలితంగా గుండె జబ్బులు, స్ట్రోక్, గుండెపోటు ప్రమాదం గణనీయంగా పెరుగుతుంది.
కొలెస్ట్రాల్ పెరిగినప్పుడు గోళ్లలో కనిపించే లక్షణాలు
పాలిపోవడం
శరీరంలో కొలెస్ట్రాల్ స్థాయిలు పెరిగినప్పుడు.. కొన్నిసార్లు గోళ్ల రంగు మారి అవి పాలిపోయినట్లు కనిపించడం ప్రారంభిస్తాయి. గోళ్లు సాధారణ గులాబీ రంగుకు బదులుగా పాలిపోయినట్లు లేదా తెల్లగా కనిపిస్తే.. అది అధిక కొలెస్ట్రాల్తో సంబంధం ఉన్న రక్త ప్రసరణ సరిగా లేకపోవడానికి సంకేతం కావచ్చు.
గోళ్లపై చారలు
గోళ్లలో మార్పులు తరచుగా అధిక కొలెస్ట్రాల్ లేదా గుండె జబ్బులు వంటి అంతర్లీన ఆరోగ్య సమస్య వల్ల సంభవిస్తాయి. గోళ్లపై పెరిగిన గాట్లను ఒనికోరెక్సిస్ అని పిలుస్తారు. ఇవి పోషకాహార లోపాలు, రక్తహీనత వంటి ఇతర ఆరోగ్య సమస్యల వల్ల కూడా సంభవించవచ్చు.
పెరుగుదల లేకపోవడం
గోర్లు కత్తిరించిన తర్వాత అవి తిరిగి పెరగడానికి చాలా సమయం పడుతుంది. ఇది కూడా అధిక కొలెస్ట్రాల్కు సంకేతం కావచ్చు. శరీరంలో రక్త ప్రవాహం తగ్గినప్పుడు ఈ పరిస్థితి ఏర్పడుతుంది.
వంకరగా మారడం
అధిక కొలెస్ట్రాల్ గోళ్లపై కూడా ప్రభావం చూపుతుంది. అవి వంగి, కొనలు స్పాంజిలా కనిపిస్తాయి. ఇది సాధారణంగా కొలెస్ట్రాల్ అసమతుల్యత కారణంగా దీర్ఘకాలిక ఆక్సిజన్ లేమికి సంకేతం.
నీలం లేదా ఊదా రంగు గోళ్లు
అధిక కొలెస్ట్రాల్కు మరో సంకేతం ఏమిటంటే మీ గోర్లు నీలం లేదా ఊదా రంగులో కనిపించడం ప్రారంభించవచ్చు. మీ గోళ్లలో అలాంటి మార్పులు ఏవైనా గమనించినట్లయితే.. ఆలస్యం చేయకండి. వెంటనే మీ వైద్యుడిని సంప్రదించండి.
గమనిక: ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
