Heart Tests: మీ గుండె ఆరోగ్యంగా ఉందో లేదో చెప్పే ఆరు టెస్టులు ఇవే

గుండె ఆరోగ్యంగా ఉందో లేదో చెప్పే ఆరు పరీక్షలు ఉన్నాయి.

By: Haritha | Updated at : 09 Jul 2023 08:30 AM (IST)

Here are six tests that can tell if your heart is healthy or not Heart Tests: మీ గుండె ఆరోగ్యంగా ఉందో లేదో చెప్పే ఆరు టెస్టులు ఇవే

(Image credit: Pixabay)

కాలం మారింది. ఒకప్పుడు గుండె పోటు వంటివి చాలా తక్కువ వచ్చేవి. ఇప్పుడు 20 ఏళ్ల వయసు వారికి కూడా ఎప్పుడు గుండె పోటు వస్తుందో చెప్పలేని పరిస్థితి. అందుకే ప్రతి ఒక్కరు గుండె ఆరోగ్యం గురించి జాగ్రత్తలు తీసుకోవాలి. గుండె వైఫల్యం, గుండె పోటు, స్ట్రోక్ కేసులు రోజురోజుకు పెరిగిపోతున్నాయి. గుండె లేదా మెదడుకు రక్తం ప్రవాహానికి అంతరాయాల కారణంగా ఇది సంభవిస్తుంది. గుండె, మెదడు ... ఈ రెండూ అత్యంత ముఖ్యమైన అవయవాలు. గుండె ఆరోగ్యంగా ఉందో లేదో తెలుసుకోవడానికి కచ్చితంగా చేసుకోవాల్సిన కొన్ని ఆరోగ్య పరీక్షలు ఉన్నాయి. వీటిని ప్రతి ఒక్కరూ చేయించుకుని గుండె ఆరోగ్యం ఎలా ఉందో తెలుసుకోవాలి.

ఎలక్ట్రో కార్డియోగ్రామ్ (ECG/EKG)
ఎలక్ట్రోకార్టియోగ్రామ్... దీన్నే ఈసీజీ అంటారు. ఈ పరీక్ష గుండె... విద్యుత్ కార్యకలాపాలను, అది కొట్టుకునే వేగాన్ని అంచనా వేయడానికి చేస్తారు. గుండె కొట్టుకునే వేగంలో ఏమైనా అసాధారణతలను ఇది గుర్తిస్తుంది.

ఒత్తిడి పరీక్ష
వ్యాయామం చేస్తున్న సమయంలో మీ గుండె ఎంత బాగా పనిచేస్తుందో అంచనా వేసే పరీక్ష ఇది. ఒత్తిడి కలిగినప్పుడు గుండె ప్రతిస్పందన ఎలా ఉందో అంచనా వేయడంలో సహాయపడుతుంది. కరోనరీ ఆర్టరీ వ్యాధి వంటి వాటిని గుర్తిస్తుంది.

ఎకోకార్డియోగ్రామ్
ఈ పరీక్ష గుండె నిర్మాణం, పనితీరు ఎలా ఉందో చెప్పేందుకు ధ్వని తరంగాలను ఉపయోగిస్తుంది. ఇది గుండె పంపింగ్ సామర్థ్యం, వాల్వ్ పనితీరు, మొత్తం ఆరోగ్యం గురించి విలువైన సమాచారాన్ని అందిస్తుంది.

కార్డియాక్ కాథెటరైజేషన్
ఈ ఇన్వాసివ్ ప్రక్రియలో ఒక సన్నని ట్యూబ్ (కాథెటర్)ని రక్తనాళం ద్వారా గుండెకు థ్రెడ్ చేయడం జరుగుతుంది. ఇది రక్త ప్రవాహం ఎలా ఉందో చెప్పడానికి, గుండె లోపల ఒత్తిడిని కొలవడానికి,ఏదైనా అడ్డంకులు, అసాధారణతలను అంచనా వేయడానికి ఇది సహకరిస్తుంది.

బ్లడ్ టెస్టు
రక్త పరీక్ష ద్వారా కొలెస్ట్రాల్ స్థాయిలు, లిపిడ్ ప్రొఫైల్స్, ట్రోపోనిన్ వంటి పరీక్షలు చేస్తారు. రక్తంలో కొలెస్ట్రాల్ ఎంత ఉందో రక్త పరీక్ష ద్వారా తెలుస్తుంది. ఇది గుండె ఆరోగ్యాన్ని అంచనా వేస్తుంది.

CT స్కాన్ లేదా MRI
ఈ ఇమేజింగ్ పరీక్షలు గుండె నిర్మాణం చూపిస్తాయి. నిర్మాణంలో ఏదైనా అసాధారణతలు, అడ్డంకులు ఉంటే ఈ పరీక్షల్లో తెలిసిపోతుంది.

వయసు పెరిగిన వారు, ఏదైనా ఇబ్బందిగా అనిపిస్తున్న వారు వెంటనే పైన చెప్పిన పరీక్షలన్నీ చేయించుకోవాలి. ఏడాదికి ఒకసారైనా ఈ పరీక్షలన్నీ చేయించుకుంటూ ఉండాలి. దీని వల్ల గుండె సమస్యలను ముందే పసిగట్టవచ్చు. గుండె పోటు రాకుండా అడ్డుకోవచ్చు.

Also read: ఈ కాయల పేరేంటో తెలుసా? కనిపిస్తే కచ్చితంగా వండుకొని తినండి

Also read: ఆ రాష్ట్రంలో పెరుగుతున్న ర్యాట్ ఫీవర్ కేసులు, ఈ జ్వరం ఎవరికైనా రావచ్చు - లక్షణాలు ఇవే